Tsô Hesekia sôn TER, kaa er: TER, Aôndo u Iserael, We u U tem sha ucerubi, ka We tseegh U lu Aôndo u ityartor i sha won cii ye; ka We je, U gbe Sha man tar ye.
We U ngu TER, We tseegh; We U er Sha man shi Sha u a lu sha la a ikum ve cii, tar kua akaa a a lu shin u kpaa man uzegembamngerev man akaa a a lu shimi cii, U koson a cii; ikum i Sha kpaa ngi civir We.
gadia TER gba Sha man tar man zegemnger kua akaa a a lu ken ve cii, ayange ataratar, sha iyange i ataankarahar la A mem, ka nahan man TER A ver iyange i memen doo doo, A tsegh i kpaa ye.
Kende nen ashe a en sha, nenge nen: ka an nan gbe akaa ne, nan dugh a akum a ve sha iyenge ve, nan yer a cii sha ati ati? Sha mvese u agee a Na man sha ci u mtaver u tahav Nav, mô môm u lun ga ngu ga.
TER, Aôndo u A gbe Usha man A naregh ve, u A samber tar a akaa a a dugh sha u la, u A ne ior mba ve lu sha u la, iôôn, man shi A ne mba ve zenden sha u, jijingi kpaa yô, ngu kaan nahan er:
TER, Orpaan wou, man u A maa u ken uya je, ngu kaan nahan er: Ka Mo M lu TER u M er akaa cii ye, M samber Usha, Mo tswen, M samber tar sha won; ka an nan lu vea Mo?
Gadia kape TER A kaa ne, Un u A gbe Usha—ka Un man A lu Aôndo ye—u A maa tar man A er u kpaa la, ka Un A ver u ye; A gba u er u̱ lu gbilin dang ga, A maa u sha er ior ve̱ tema sha u: Ka Mo M lu TER ye, mô ugen ngu ga.
man TER u A gbe u la hungul we, Un u A samber Usha, man A tim imagh ki taregh la; man u shi cian didi sha ci u iyugh i orkighir, zum u a kohol iyol sha u timin la. Nahan iyugh i orkighir ngi han hegen ase?
Hen shighe la Yesu gema kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô.
Gadia sha ayange la, ican ia lu, imbacan i hii er Aôndo gba tar je zan zan ainge ne i lu a vande eren nahan ga yô, mayange ia kera shi er nahan kpaa ga.
kaan er: Ne ior mban, ka nyi ne eren nahana? Se kpaa se mba di ior tsô, inja i iyolough er ne nahan man se va ôr ne Loho u Dedoo sha u undu nen akaa a gbilinigh ne, gema nen ishima hen Aôndo u uma, Un u A er Sha man tar man zegemnger kua akaa a a lu ken ve cii;
kpa her a vese yô, Aôndo ngu môm tsô, ka Ter u akaa cii a dugh her a Na yô, man shi ka sha ci Na se lu uma ye; Ter kpaa ngu môm, ka Yesu Kristu, ka sha a Na man akaa cii a lu ye, se kpaa ka sha a Na se lu uma ye.
a bum Un u A lu uma gbem sha won u A gbe Sha kua akaa a a lu ker cii man tar kua akaa a a lu sha mi cii man zegemnger kua akaa a a lu shimi cii, a kaa er, mayange á kera ngôôr je ga
Lu kaan sha zegeimo er: Cia nen Aôndo, na nen Un icivir gadia shighe Na u ôron ijir kuma ve, civir nen Un u A er Sha man tar man zegemnger man amboramnger kpaa la.
Nger hen ortyom u nongo u Kristu u hen Laodishia wer: Un u a lu Amen, Orshiada u jighjigh man u mimi, mhii u igbetar i Aôndo ngu ôron akaa ne nahan er:
