Eseter 9:4 - ICIGHAN BIBILO

⁴ Gadia Mordekai lu shagbaor ken ya u tor, gwa u iti na samber sha uipaven mbala cii; gadia Mordekai shon la za hemen hemen a icivir.

Eseter 9:4 Iomraidhean Croise

2 Samuel 3:1

Ya u Saulu a ya u Davidi ve nôngo ityav gbem. Davidi yô, seer agee zaan hemen hemen, kpa ya u Saulu yô, lu panden hiden jime jime.

1 Kroniku 11:9

Davidi seer taver yem hemen hemen; gadia TER u akum a Sha lu a na.

1 Kroniku 14:17

Gwa u Davidi samber sha ityar ityar cii; TER er akuraior cii, a cian un.

Eseter 10:2

Aeren a agee a na man a tahav nav man kwagh u icivir i Mordekai, er tor kende un sha yô, i nger a ken ruamabera u abaver a utor mba Media man Pershia la gaa?

Upasalmi 1:3

Nan ngu er kon u i môôr hen ukungômbamngerev, u u um sha shighe u u yô, ika i u kpaa ngi usu ga; hanma kwagh u nan eren kpaa, nana kure un vough.

Upasalmi 18:43

U yimam sha inyum i ior; U gemam m hingir orhemen u akuraior; ior mba m fe ve ga kpaa, ve hingir mbashilen mo.

Upasalmi 92:13

I môôr ve ken iyou i TER, á kpe ve iyol ken ityembe i sha ishigh ki iyou i Aôndo wase.

Ekesodu 11:3

TER kpaa na i doo Mbaigipiti a ior mbala; Mose kpaa lu or u lun a icivir kpishi ken tar u Igipiti sha ashe a mbatomov mba Farao kua sha ashe a ior mbala kpaa.

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Sefania 3:19

Nenge, hen shighe la Me ta sha mba ve eren we ican la cii; Me yima mbakeer, man Me kohol mba i zende ve kera la, Me gema ve vea hingir kwagh u wuese man u duen iti, ve mba kunya ve u lu sha won cii la.

Mateu 4:24

Gwa Na samber ken tar u Shiria cii, tsô ve va Un a mba ve lu dedoo ga la cii, lu mba angev atô kposo kposo man mnyoonom kôr ve yô, mbalun a ujijingi mba bov man mbagbanikungu man mbakpenalegh; A bee ve mbu cii.

Yosua 6:27

Kape TER lu a Yosua la; gwa na samber ken tar la cii.

1 Samuel 2:30

Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.