Eseter 9:3 - ICIGHAN BIBILO

³ Atiator a sha uipaven cii, kua mbatarev man ugomna man mba ve eren tom u tor, ve wase Mbayuda; gadia kwagh u Mordekai ta ve mciem iyol.

Eseter 9:3 Iomraidhean Croise

Esera 2:2

mba ve va a Serubabel imôngo yô, lu: Yeshua, Nehemia, Seraia, Reelaia, Mordekai, Bilshan, Misepar, Bigevai, Rehum man Baana. Iyenge i nomsombaiorov mba Iserael yô, ka:

Esera 8:36

Man shi ve gema imo i tor i i nger i a nger la, ve na mbatarev mba tor man ugomna mba yande Ifi la; nahan ve wase ior kua iyou i Aôndo kpaa.

Eseter 3:12

Nahan i yila mbangeren mba tor sha uwer u hiihii ayange a u pue kar utar la, nahan i nger akaa a Haman kaa la cii, i tindi hen mbatarev mba tor, man hen ungomna mba ve lu sha hanma ipaven kua hen atiator a hanma ikurior kpaa, hen hanma ipaven sha mnger na, man hen hanma ikurior kpaa sha zwa u i; ka ken iti i tor Ahasueru i nger a ye, shi i ver ikav sha mi, sha kunya u tor kpaa.

Eseter 8:17

Ken hanma ipaven, man hanma gar, henpe imo i tor kaa la man tindi na nyôr yô, Mbayuda lu a iember man ishima i saan saan, ve yôr iwer, ve er iniongo. Nahan mbagenev kpishi ken akuraior a ken tar la, ve gema ve hingir Mbayuda, gadia ve lu cian Mbayuda.

Eseter 8:5

A kaa er, aluer a doo tor yô, man aluer a doo un a mo yô, man kwagh shon una kuma tor, man mea lu sha ishima na yô, i̱ nger, i̱ bunde uwashika mba Haman wan u Hamadata Oragagu a nger sha u timin Mbayuda mba ve lu ken uipaven mba tor cii la;

Eseter 8:9

Tsô hen shighe la je, i yila mbangeren mba tor, sha uwer u sha utar ka uwer u Shivan, ayange a u ikundu kar utar la; nahan i nger kwagh u Mordekai kaa Mbayuda cii man mbatarev kua ugomna man atiator a uipaven la, hii hen India zan zan ar hen Etiopia, ka uipaven deri man ikundu kar utaankaruhar, hen hanma tar sha mnger u u, man hen hanma ikurior kpaa sha zwa u i, man hen Mbayuda sha mnger ve man sha zwa ve kpaa.

Daniel 3:2

Tsô tor Nebukadinesar tindi er, uityombaiorov man ugomna man mbaajiriv man mbanengen sha inyar man mbawasenmhen man mbafanatindi man mbakurantar mba atôônatar la cii, ve̱ va kohol hen mver u eev mbu tor Nebukadinesar er la.