Eseter 9:2 - ICIGHAN BIBILO

² Mbayuda kohol ken agar a ve han han kpaa, ken uipaven mba tor Ahasueru cii, sha u vea za ave sha mba ve lu nôngon u eren ve kwagh u bo la; ma or fatyô u tilen ve sha ishi ga, gadia akuraior cii lu cian ve.

Eseter 9:2 Iomraidhean Croise

Genese 35:5

Tsô ve mough ve gba yemen; mcieryol u Aôndo haa sha agar a a kase ve cii, nahan ve kera zenda ônov mba Yakob ijime ga.

Eseter 8:11

a nger er, tor rumun er Mbayuda mba ve lu ken hanma gar, ve̱ kohol imôngo, ve̱ nôngo sha ci u uma ve, sha u saren man u wuan man u timin hanma ikumutya i ior man i ipaven cii, mba vea mough num a ve la, a mbayev mba kiriki kua kasev vev, man shi ve̱ kura inyarev vev ve̱ ya ishar,

Eseter 8:17

Ken hanma ipaven, man hanma gar, henpe imo i tor kaa la man tindi na nyôr yô, Mbayuda lu a iember man ishima i saan saan, ve yôr iwer, ve er iniongo. Nahan mbagenev kpishi ken akuraior a ken tar la, ve gema ve hingir Mbayuda, gadia ve lu cian Mbayuda.

Eseter 9:10

ka ônov mba nomso pue mba Haman wan u Hamedata, orihom u Mbayuda la; kpa akaa ve yô, ve bende ave sha mi ga.

Upasalmi 71:13

Mba ve hendan a uma wam cii, ve̱ va ahenge, ve̱ saa ishe; man mba ve keren mo a ican kpaa ilyahan man kunya u̱ cir ve iyol.

Upasalmi 71:24

Nombol wam kpaa ua shi teren perapera Wou iyange jimin cii; gadia mba ve keren mo a ican la yô, ve va ahenge, kunya u kôr ve cii. Ka Pasalmi u Solomon

Ekesodu 23:27

Me na mcieryol Wam una vande hemen a we, Me er mbaihomov ou cii vea yevese we.

Yesaia 8:9

Ger nen ayôôso ne ior, i̱ kondo ne iyol; ver nen ato, ne mba ken ityar i icaa cii, ta nen akondo uya, i̱ kondo ne iyol, ta nen ikondo uya, i̱ kondo ne iyol.

Duteronomi 2:30

Kpa Shihon tor u Heshebon rumun u se̱ kar her a na ga, gadia TER, Aôndo wou, taver jijingi na, cighir un ishima kpaa, sha u Una na un sha ikev you er i lu nyian nahan.

Yosua 11:20

Gadia ka TER je, A cighir ve asema er ve̱ mough ityav a Iserael sha er ve̱ tim ve ci ca cii, ve̱ de ker mhôônom ga yô, kpa ve̱ tim ve, er TER kaa a Mose nahan.

Yosua 2:9

a kaa a nomsombaiorov mbala er: M fa TER na ne tar ne, ne cier se iyol, ior mba ve tem hen tar ne ci ca, mba gbidyen ikarikase iyol sha ci u cian ne.