Eseter 9:1 - ICIGHAN BIBILO

¹ Tsô sha uwer u sha pue kar uhar, ka uwer u Adar, ayange a u pue kar atar la, zum u imo i tor kaa la kua tindi na mgbôghom sha u á er sha mi, sha iyange i mbaihomov mba Mbayuda ver asema u hemban ve la yô (kpa kwagh shon gema hingir u Mbayuda vea zua a agee sha mbakôron ve ihom la),

Eseter 9:1 Iomraidhean Croise

2 Samuel 22:41

Man shi U na mbaihomov av ve yevese mo, mba ve kerem ihom yô, m tim ve.

Eseter 3:13

I tindi uwashika mbala sha ikev i mbatyomov sha uipaven mba tor cii, er, i̱ wua, i̱ tim Mbayuda kera cii, mbayevikaior man mbabeenyol, mbayev mba kiriki man kasev, sha iyange i môm, ka sha uwer u sha pue kar uhar ayange a u pue kar atar la, ka uwer u Adar je la; shi ve̱ kura akaa a ve, ve̱ ya ishar.

Eseter 3:7

Sha uwer u hiihii, ka uwer u Nisan je la, sha inyom i sha pue kar uhar i tor Ahasueru la, ve haa Pur, ka ishor i eren je la, sha ishigh ki Haman, ayange ayange, sha uwer uwer zan zan ar sha uwer u sha pue kar uhar, ka uwer u Adar je la.

Eseter 8:12

sha iyange i môm ken uipaven mba tor Ahasueru cii, ka sha iyange i sha pue kar utar sha uwer u sha pue kar uhar la, ka uwer u Adar je la.

Eseter 8:6

gadia me er nan man me fatyô u nengen ican i ia va tser ior ava? Shin me er nan man me fatyô u nengen mtim u tsombor wama?

Eseter 9:17

I er kwagh ne sha uwer u Adar ayange a u pue kar atar la; ayange a u pue kar anyiin la yô, ve mem, ve ver i, hingir iyange i iniongo man i iember.

Upasalmi 18:40

Man shi U na mbaihomov av yevese mo; mba ve kerem ihom yô, m tim ve kera.

Upasalmi 30:11

U gemam mzungu wam hingir mo ahan; U saghem ajav, U gema u zerem iember

Aerenakaa A Mbaapostoli 12:11

Tsô ka tende Peteru ashe yô, a kaa er: Hegen yô, m fa ka mimi je, Ter tindi ortyom Na, va warem sha ikev i Herode man awashima u nongoior u Mbayuda cii.

Duteronomi 32:36

Gadia TER Una ôr ior Nav ijir sha mimi, mhôônom maa kôr Un a mbayev Nav, zum u Una nenge agee ve aa bee yô, man ma or kera shi ga, u ken uikangen shin u nan tem enger enger kpaa ga.

Mpase U Yohane 11:18

Akuraior yuwe kpa iyugh You gema va man shi shighe u á ôr mbakpenev ijir, man shighe u á na mbatomov Ou injar, ka uprofeti man uicighanmbaiorov, man mba ve cie iti You, mbavesen kua mbakiriki la, man shi shighe u á tim mba ve lu vihin tar la kpaa.