Eseter 7:9 - ICIGHAN BIBILO

⁹ Tsô Harbona, u môm ken mbaerentom ken iyou i tor, mba ve lu sha ishigh ki tor la, kaa er: Yô, nenge, kon u taven aseva akunduahargber, u Haman a tim sha ci u Mordekai u a ôr kwagh u dedoo sha ci u tor la, ngu hen ya u Haman. Tsô tor kaa er: Za sende un sha u.

Eseter 7:9 Iomraidhean Croise

2 Utor 9:32

Tsô a kende ashe sha hen ian la, a pine er: Ka an nan te ikaa ken a mo? Ka ana? Tsô mbaerentom ken ya u tor uhar shin utar ve shir ashe ve nenge a na.

Eseter 1:10

Tsô sha iyange i ataankarahar la, er ishima i tor lu saan saan sha msôr yô, a kaa Mehuman man Biseta man Harbona man Bigeta man Abageta man Setar kua Karkashi, ka mbatomov mba ken iyou i tor, mba utaankaruhar mba ve lu eren tor Ahasueru tom je la, er,

Eseter 5:14

Tsô kwase na Sereshi kua akar a na la cii gema kaa a na er: Kaa, i̱ tim kon, ityaven i u i lu aseva akunduahargber; yô, kper pepe ôr kwagh a tor i̱ sende Mordekai sha u; yô, yem vea tor saan saan hen iniongo. Kwagh ne doo Haman tsô, a kaa er, i̱ tim kon la je.

Eseter 6:14

Er ve lu ôron kwagh a na nahan yô mbaerentom ken iyou i tor za va, ve za a Haman fefa hen iwer i Eseter yôr la.

Eseter 6:2

Tsô i zua a kwaghngeren keregh er Mordekai pase kwagh u Bigetan man Tereshi, ka mbaerentom ken iyou i tor, ve uhar, ve lu ken mbakuranhunda, man ve nôngo u wuan tor Ahasueru.

Eseter 8:7

Tsô tor Ahasueru kaa a pendatyo na Eseter kua Mordekai Oryuda la er: Nenge, m vande nan Eseter ya u Haman; man wen yô i sende un sha kon kpaa, gadia a za uwegh sha Mbayuda.

Eseter 9:14

Tsô tor kaa er, i̱ er nahan; nahan i wa tindi ken Shushan, ve hambe ônov mba Haman mba puev mbala sha kon.

Eseter 9:25

kpa er kwagh la za va hen tor yô, a kaa ken uwashika er, mhen u bo, u a hen sha Mbayuda la, a̱ hide sha ityough nagh; un a ônov nav kpaa i sende ve sha kon.

Upasalmi 141:10

Mbaaferev ve̱ gba ken ukper vev ayol a ve, mo m̱ gema m̱ war. Ka ityesen i Davidi, zum u a lu ken barwo. Ka msen

Upasalmi 35:8

Mtim a̱ va a̱ bur un a bur; kper u a we la, a̱ gema, a̱ gba mi iyol na; a̱ gba mi, a̱ tim je.

Upasalmi 73:19

Nenge, er ve yôhôl, fefa yô, ve saa doo doo sha akaa a tan mciem iyol!

Daniel 6:24

Tor shi kaa er, i̱ va a ior mba ve sende Daniel mbala, i̱ gbihi ve shin ihungwa i ubegha, ve man ônov vev man kasev vev; er ve lu a mande shin mkur u ihungwa la ga je tsô ubegha ve va hemba ve, ve hembe akuhe a ve avur avur cii.

Daniel 6:7

Mbahemenev mba ken tartor ne cii; uityombaiorov man mbatarev man mbawasenmhen man ugomna ve hen imôngo er, tor a̱ wa tindi, a̱ ta icin taveraa zan zan ayange ikundugber, er hanma or u nana sôn kwagh hen ma aôndo shin ma or, á kera lu her a we ga yô, tor a̱ gbihi nan shin ihungwa i ubegha.

1 Samuel 17:51

Tsô Davidi coon ayem za tile hen Orfiliti la, za uwegh tsuwa sanker na la ken var, wua un, gber un ityough a mi. Er Mbafiliti nenge nomor ve kpe nahan yô, ve yevese.