Eseter 4:11 - ICIGHAN BIBILO

¹¹ Mbatomov mba tor cii, man ior mba sha uipaven mba tor ve fa er hanma or, shin nomsoor shin kwase, u i yer nan ga yô, u nana gba nyôron hen tor hen tembe u ken atô la, ijir i nan ngi môm tsô, ka u wuan nan, saa or u tor una naregh nan tôgh ku zenaria la, ka nan tseegh nana war ye; kpa hegen ka ayange ikundugber je ne, mba a yilam er m̱ nyôr hen tor ga.

Eseter 4:11 Iomraidhean Croise

Eseter 1:19

Aluer tor a nenge a doo un nahan yô, tindi a̱ due hen tor, man i̱ nger un ken atindi a Mbapershia man Mbamedia, sha u i̱ de gem un ga, er Vaseti a̱ de kera shi ve sha ishigh ki tor Ahasueru mayange ga; man shi tor a̱ gema icivir na la, a̱ na kwase ugen u nan hembe un yô.

Eseter 2:14

Iyange ia been yô, i nyôr, pepe yô, i hide i za hen iyou i ukase i sha uhar sha ikev i Shaashigashi or u a eren tom ken iyou i tor a kuran kasev mba sha uika yô; nan kera hide hen tor ga, saa u nan doo tor ishima man á yila nan sha iti i nan ye.

Eseter 4:10

Nahan Eseter ôr kwagh a Hataki, gema tindi un a loho hen Mordekai, er:

Eseter 4:12

Tsô ve za ôr Mordekai kwaghôron u Eseter la nahan.

Eseter 6:4

Tsô tor pine er: Ka an nan lu hen tembe? Yô, Haman nyôr hen tembe u ken won u ya u tor kera ve, sha u una ôr kwagh a tor er á sende Mordekai sha kon u un tim sha ci na la.

Eseter 8:4

Tsô tor naregh tôgh ku zenaria sha Eseter; nahan Eseter mough tile sha sha ishigh ki tor.

Daniel 2:9

aluer né pasem mnyam man ga yô, tindi ngu sha a ven môm tsô; gadia ne zua zwa ner, né ôrom kwagh u aiegh man u icughugh, zan zan kwagh á va gema kposo; nahan yô, kaam nen mnyam man, nahan mo kpaa me fa mer, ne fatyô u pasen mo inja i ma.

1 Peteru 3:7

Nahan ne nomso kpaa, lu nen a kasev enev imôngo sha kwaghfan, waan nen kasev iko er ve hembe yinan agee yô, gadia ve kpaa, ka mbayandyako u sha mrumun u sha mhôôn u uma a ven imôngo, sha u i̱ de vende mbamsen enev ga yô.