Eseter 3:1 - ICIGHAN BIBILO

¹ Ken masejime u akaa ne yô, tor Ahasueru na Haman wan u Hamedata, Oragagu la, hemen, a kende un sha, a ver un ikagh ki teman hemba atiator a a lu a na imôngo cii.

Eseter 3:1 Iomraidhean Croise

Genese 41:40

ka we, ya wam una lu sha ikev you ye, ka sha imo you kpaa, man ior av cii vea zaan ye; ka sha ikônough ki torough tsô, me hemba u min ye.

Genese 41:55

Zum u ijen kôr tsung sha tar u Igipiti cii yô, ior vaa kwaghyan a Farao; nahan Farao kaa a Mbaigipiti er: Za nen hen Yosev, kwagh u una kaa ne yô, er nen.

Esera 7:14

Gadia er tor man atiator a na ataankarahar ve tindi u sha u u̱ za time sha kwagh u Yuda man Yerusalem, sha tindi u Aôndo wou, u u lu a mi sha uwe la;

Eseter 1:14

mba ve dondo sha a na yô, lu: Karshena, Shetar, Ademata, Tarshishi, Merese, Marsena man Memukan, ka atiator a ataankarahar a Pershia man Media, mba ve kenger tor sha ishi je la, shi ka ve, ve tema mbahemenev mba hii hii ken tartor na ye, a pine ve er:

Eseter 3:10

Tsô tor tsuwa kunya ken uwegh nagh, na Haman wan u Hamedata, Oragagu, orihom u Mbayuda la.

Eseter 5:11

Haman ôr ve mngee u inyaregh nagh man mngee u ônov nav, man akaa a tor kende un sha sha mi cii, man er a ver un hemba atiator kua mbatomov mba tor kpaa.

Eseter 7:6

Tsô Eseter kaa er: Orhendan man orihom ka Haman iferor ne. Tsô cier Haman iyol a tor kua pendatyo.

Eseter 8:3

Tsô Eseter shi ôr kwagh a tor, a gba un hen angahar, a zamber a na a mliam ashe je, er, a̱ bunde kwaghbo u Haman, Oragagu la, man kwagh u a hen sha Mbayuda la.

Upasalmi 12:8

Mbaaferev mba zenden wue wue hanma ian kpaa, zum u ka a kende akaadang sha ken ônov mba iorov la.

Anzaakaa 29:2

Zum u mbaperapera ka vea seer yô, ior ve ember kpa zum u iferor ka nana tema tor yô, ior ve shir asema.

Orpasenkwagh 10:6

ka i kende a ibumegh sha kpishi, man mbanyarev gema tema hen ijiir i gban ijime.

Daniel 6:2

man mbahemenev utar mba ve nengen sha a ve yô, Daniel gema lu u môm ken a ve, sha u mbatarev mban ve̱ ôron ve akaa a ve eren, sha er kwagh una saa tor ga yô.

Numeri 24:7

Mngerem maa kuwan shin ubaketi nav, ivor na ia lu hen pe mngerem ma ngee yô; tor na una hemba Agagu, á kende a tartor na sha.

1 Samuel 15:33

Kpa Samuel kaa er: Er sanker wou a er kasev ve kera lu a ônov ga nahan, kape ngôu kpaa una hingir u lun a ônov ga ken ukase je la. Tsô Samuel gber Agagu avur avur sha ishigh ki TER hen Gilgal.

1 Samuel 15:8

A kôr Agagu tor u Amaleki la uma, kpa a tim ior mbagenev purututu cii sha zwa u sanker.