Eseter 2:7 - ICIGHAN BIBILO

⁷ A koso Hadasa, ka Eseter je la, lu wan u anngô u ter na, gadia a lu a ter shin ngô kpaa ga; wankwase la kuma ashe, dooashe kpaa; er ter na man ngô na ve kpe yô, Mordekai tôô un hingir wan na.

Eseter 2:7 Iomraidhean Croise

Genese 48:5

Yô, ônov ou mba uhar mban, mba u mar ken Igipiti er m lu a va kohol we ken tar u Igipiti ga ne, ka mba av; Eferaim man Manase vea hingir mba av er Ruben man Shimeon ve lu mba av nahan.

Eseter 1:11

ve̱ za va a Vaseti pendatyo u tor la, sha ishigh ki tor a idyer i tor, sha u tesen ior kua atiator mdooashe na; gadia a doo u kenger.

Eseter 2:15

Zum u shighe u Eseter wan u Abihail, anngô u ter u Mordekai u a tôô un a hingir wan na la, kuma u una nyôr hen tor yô, a ker ma kwagh ga saa kwagh u Hegai or u a eren tom ken iyou i tor a kor kasev la, vande veren yô. Eseter kuman mba ve nenge a na cii ishima.

Eseter 2:20

Yô, Eseter lu a pase tsombor na shin ior nav kpaa ga, er Mordekai ta un icin nahan; gadia Eseter ungwan imo i Mordekai her, er sha shighe u a lu sha ikev na la nahan.

Eseter 8:1

Sha iyange la je tor Ahasueru gema ya u Haman orihom u Mbayuda la, na pendatyo Eseter. Tsô Mordekai va sha ishigh ki tor, gadia Eseter pase er a lu vea na yô.

Yobu 31:17

shin mea yaan anruam wam mo tswen, ancôghol nana zuan a anivur ga yô—

Yobu 31:18

gadia er m lu iyev je a vese hen a mo er ka hen ter na yô, m hemen un gbenda hii ken iyav mbu ngôm je—

2 Mbakorinte 6:18

Me lu Ter wen, ne di né lum ônov mba nomso man ônov mba kasev, kape Ter Uhembanagee, A kaa la.

Mbaefese 6:4

Ne uter kpaa, de eren nen a ônov enev er vea yuwe ga kpa yese nen ve sha mkôôm man kwaghwan u Ter.

1 Yohane 3:1

Nenge imba dooshima u se doo Ter ishima ne; mba yilan se je er ônov mba Aôndo, man kape se lu je la. Ka nahan man tar u fe se ga ye, sha ci u u fe Un ga yô.