Eseter 1:6 - ICIGHAN BIBILO

⁶ I har akondo agen sha, a pupuu man a lun ikôn ikôn kua a kwel, i kange a sha ikor i sha mou u pupuu man mou u nyian dindee sha ikunya i azurfa man sha mtôm ma sha iwen i mabel; ugambe mba teman sha mi lu mba zenaria man azurfa, i ver ve sha tembe u i we u awen a nyian man a pupuu man a ayaikure kua a ir.

Eseter 1:6 Iomraidhean Croise

Eseter 7:8

Er tor za hide hen sule u ya u tor la, va nyôr hen ijiir i iniongo i wain yô, nenge, Haman yav sha gambe u Eseter tema la. Tsô tor kaa er: Una er pendatyo kwaghvihin sha ishigh yagh je, ken iyou nee? Er kwaghôron ne due tor ken zwa nahan yô, ve cir ishigh ki Haman kera kpaa.

Eseter 8:15

Tsô Mordekai due sha ishigh ki tor a akondo a tor iyol, a kwel man a pupuu, man zegedyer u zenaria, man riga u sha ikondo i mou u pupuu man u vel vel man u nyian dindee; tsô gar u Shushan gba genger imo, ember.

Ekesodu 26:1

Man shi er tabernakel la sha akondo a yisan pue; sha ikondo i pupuu i kôngor i sha mou u sendan man i kwel man i̱ nyian dindee man i nyian bong a ucerubi sha mi, i̱ lu or u fan eev nana̱ er ye.

Esekiel 23:41

u tema sha gambe u icivirigh, a tebul u i ser sha hemen na, u penda kwaghhumandoon Wam man mkurem Am sha mi.

Amoshi 2:8

ka ve yav sha akondo a ityungugh hen kpe u hanma atse a nanden nagh sha mi; ken iyou i aôndo ve, mba me wain u ior mba i ye ve zwajirigh la.

Amoshi 3:12

TER ngu kaan nahan er: Er orkuranilev ka a yima angahar ahar, shin vegherto sha zwa u begha nahan, kape á yima Mbaiserael mba ve tem ken Samaria sha zongough ku gambegh man sha ukushen mba sha shiliti mba gambev la.

Amoshi 6:4

Mba ve yaven sha ugambe mba sha anyianor, man ve naregh ayol a ve sha ugambe; mba ve ye agumabua a ken ikumuile man agumabua a ken ityôr;

1 Samuel 28:23

Kpa a venda, a kaa er: Me ya kwagh ga. Kpa mbayev nav kua kwase la, ve zamber a na tsung; nahan a ungwa imo ve, a mough hen inya, a tema sha gambe.