Eseter 1:4 - ICIGHAN BIBILO

⁴ a tese mngee u akaa a tor na man iengem i icivir i mhembe na, ayange kpishi je, kuma ayange deri man akunduanyiin.

Eseter 1:4 Iomraidhean Croise

1 Kroniku 29:25

TER kende a Solomon sha kpishi sha ishigh ki Iserael cii, A na un icivir i tor i ma tor ugen u nan vande a na ken Iserael nan lu a zua a mi nahan ga yô.

Eseter 1:3

sha inyom i sha utar i tor na la, a er atiator a na iniongo kua mbatomov nav cii; ikumutya i Pershia man Media, ashagbaior kua atiator a ken uipaven mba, tile un sha ishi;

Eseter 1:5

Er ayange la bee yô, tor er iniongo sha ci u mba ve lu ken garutya u Shushan cii, mbavesen kua mbakiriki, ayange ataankarahar, sha tembe u sule u ikon u hen iyou i tor la.

Yobu 40:10

Er hwe, haa mhembe kua icivir iyol; cir icivir kua iengem iyol.

Upasalmi 145:5

Me pase kwagh u iengem i icivir You i hemban la, man shi aeren a Ou a kpilighyol.

Upasalmi 21:5

Iengem na vese sha myom Wou tsô; U na un icivir man shagbator.

Upasalmi 45:3

Har sanker Wou a̱ gba hen ikooso, We u ageegh, cir iengem You man icivir You iyol.

Upasalmi 93:1

TER tema tor, A haa icivir iyol; TER cir ikondo iyol, A wa agee iyol; tar taver dông, ua tenger ga.

Yesaia 39:2

Tsô Hesekia kpaa ember ve, a tese ve iyou na i koson akaa ker cii, azurfa man zenaria man ilyôghonov man mkurem ma injaam, man iyou na i ikav mbi utyav cii, man akaa a a lu ken ayou a na a koson ikav ker cii; ma kwagh u ken iyou na shin ken tartor na cii, u Hesekia de tesen ve yô, lu ga.

Esekiel 28:5

sha mvese u kwaghfan wou man sha kasua wou, u seer inyaregh you man ishima you kpaa i kende sha, sha ci u inyaregh you;

Daniel 4:30

Tor ôr kwagh kaa er: Ngun kera ka zege Babilon, u m maa sha u a̱ lu ijiir i teman i tor, sha tahav mbu agee am, sha ci u icivir i shagba wam ne gaa?

Daniel 4:36

Hen shighe la je, mfe wam hide her a mo; icivir i tartor wam, shagba wam, man iengem yam gema hide her a mo; mbawasen mo mhen man mbatarev av kpaa kerem ityô, va her a mo; i taver tartor wam her, man i seer mo ivesen tsung.

Daniel 5:18

We tor, Aôndo Uhembansha na Nebukadinesar teru tartor man ivesen man icivir man shagba.

Mateu 4:8

Shi diabolo yem a Na sha gôgôwo u taven tsung, tese Un ityartor i sha won cii kua icivir i i,

Mateu 6:13

man shi de ze a vese hen ape imeen i lu ga, kpa yima se sha ifer. (Gadia tartor ka u Wou kua agee man icivir kpaa, gbem sha won. Amen)

Mbaromanu 9:23

ka sha u tesen iengem Na i ngeen yum la sha ikav mbi i zungu mbi mhôônom mbi A vande veren mbi sha ci u iengem la.

Mbaefese 1:18

shi A̱ wanger ne ashe a asema a en sha u né fa er ishimaverenkeghen i myer u A yila ne la i lu yô, man shi er iengem i ngeen yum i dyako Na u ken uicighanmbaiorov i lu yô,

Mbakolose 1:27

Ka ve mba i sar Aôndo pe ve̱ fa er iengem i ngeen yum i kwaghmyer ne i lu ken atôatyev yô. Inja na yô, ka Kristu ken a ven je la, ka ishimaveren keghen iengem la.

Mpase U Yohane 4:11

We, Ter Aôndo wase, U kuma u ngohol iengem man icivir man agee gadia U gba akaa cii man ka sha ishima You kpaa a lu, shi i gbe a kpaa ye.