Ekesodu 9:6 - ICIGHAN BIBILO

⁶ Kper nan yô, TER er kwagh la, uzendenya mba Mbaigipiti cii kpe, kpa uzendenya mba Mbaiserael yô, môm tsô kpaa kpe ga.

Ekesodu 9:6 Iomraidhean Croise

Upasalmi 78:48

A na awombo wua uzendenya vev; man ilev vev kpaa, inyiar gba sha mi.

Upasalmi 78:50

A bugh iyugh Na gbenda; A kera tsegha uma ve ken ku ga, kpa A gbihi uma ve ken bouange.

Ekesodu 12:12

Gadia hen tugh mbula, Me zende ken tar u Igipiti cii, Me wua hanma waniunda ken tar u Igipiti cii, u or kua u zendenya kpaa; mbaaôndo mba Igipiti cii kpaa, Me ôr ve ijir, Me tsaha ve; ka Mo TER.

Ekesodu 12:29

Tsô ka kom ateghôtôutu yô, TER wua ônovmbaiundav mba ken tar u Igipiti cii, hii sha waniunda u Farao u ma a tem sha ikônough nagh ki torough la je zan zan ar hen waniunda u orkwar u a lu ken gaadi, kua ônovmbaiundav mba uzendenya cii kpaa.

Ekesodu 8:22

Sha iyange la, Me ver tar u Goshen kposo, pe ior Av ve tem la, akughô aa lu ker ga; sha u u̱ fa er Mo M lu TER sha won yô.

Ekesodu 9:25

Awombo haa ken tar u Igipiti cii, ta hanma kwagh u ken akôngo, ior kua uzendenya kpaa; awombo ta hanma imendenegh ki ken akôngo, shi sombo hanma kon u ken akôngo kpaa.

Ekesodu 9:26

Saa ken tar u Goshen tseegh, u Mbaiserael lu ker la, awombo haa ga ye.

Ekesodu 9:4

TER Una pav uzendenya mba Mbaiserael kposo a uzendenya mba Mbaigipiti; mba ken Mbaiserael cii yô, môm môm una kpe ga.

Ekesodu 9:5

Tsô TER ver shighe, A kaa er: Kper je, TER Una er kwagh ne ken tar ne.