Ekesodu 9:4 - ICIGHAN BIBILO

⁴ TER Una pav uzendenya mba Mbaiserael kposo a uzendenya mba Mbaigipiti; mba ken Mbaiserael cii yô, môm môm una kpe ga.

Ekesodu 9:4 Iomraidhean Croise

Ekesodu 10:23

ve nengen a ayol a ve ga, ma or kpa moughon henpe nan lu la ga zan zan ayange atar je; kpa Mbaiserael cii yô, iwanger lu ken ajiir a ve a teman la.

Ekesodu 12:13

Awambe la, a̱ lu ne ikav sha uya mba ne lu ker la; zum u Me nenge awambe la yô, Me aver ne, Me kar; nahan kwagh u bo u timin ne, una kera tser ne ga, zum u Me tsahan tar u Igipiti la.

Ekesodu 8:19

Tsô mbaahiriv mbala kaa a Farao er: Kwagh ne ka ihôwe u Aôndo je; kpa ishima i Farao cighir, a wa ve iko ga; er TER kaa yô.

Ekesodu 8:22

Sha iyange la, Me ver tar u Goshen kposo, pe ior Av ve tem la, akughô aa lu ker ga; sha u u̱ fa er Mo M lu TER sha won yô.

Ekesodu 9:26

Saa ken tar u Goshen tseegh, u Mbaiserael lu ker la, awombo haa ga ye.

Ekesodu 9:5

Tsô TER ver shighe, A kaa er: Kper je, TER Una er kwagh ne ken tar ne.

Ekesodu 9:6

Kper nan yô, TER er kwagh la, uzendenya mba Mbaigipiti cii kpe, kpa uzendenya mba Mbaiserael yô, môm tsô kpaa kpe ga.

Amoshi 4:7

M shi M nyume ne ura, zum u iwer shi itiar i sunda ua kuma yô; M na ura nôô sha gar môm man sha ugen yô, M yange, u kera nôô ga; ijiir i môm i nôô ura, ijiir igen i ura nôô ker ga yô, i use.

Malaki 3:18

Tsô né gema né kav mkposo u orperapera a iferor, man u or u civir Aôndo a or u civir Un ga la.