Ekesodu 8:6 - ICIGHAN BIBILO

⁶ Tsô Aron naregh uwegh nagh sha mngerem ma Igipiti; nahan asôhô va, va iv ken tar u Igipiti.

Ekesodu 8:6 Iomraidhean Croise

2 Samuel 7:22

Ka nahan man U hembe ye, TER Aôndo, or u kuman sha a We nan ngu ga, ma Aôndo ugen kpaa ngu ga, saa We, sha akaa a se ongo sha ato ase cii.

2 Kroniku 6:14

a kaa er: TERE, Aôndo u Iserael, ma Aôndo ugen ngu er We nahan ga, Sha kpaa ga, shin tar kpaa ga, We u U we iko sha ikuryan man U ver ishima sha erdoo a mbayev Ou mba ve zenden sha ishigh You a ishima i môm yô;

Upasalmi 105:30

Asôhô mgbough ken tar ve, kua ken ayou a mbatarev vev kpaa.

Upasalmi 78:45

A tindi ikpila i akughô her a ve a a ya ve, kua asôhô kpaa, a a tim ve.

Upasalmi 86:8

Tere, ma Aôndo u lun er We nahan kera ngu ga, ma ityom i i kom sha i You kpaa ngi ga.

Upasalmi 90:2

Er i lu a due a iwo ken igbar ga, man er U lu a gba inya man tar ga, hii sha uicôrombaashighev je zan zan gbem sha won, U ngu Aôndo.

Ekesodu 10:2

man shi sha u, ú ôr sha ato a wan wou man wan u wan wou kpaa, akaa a M er Mbaigipiti, man uivande Av mba M er hen a ve, sha er ne̱ fa er Mo M lu TER yô.

Ekesodu 15:11

Ka an nan lu er We nahan ken mbaaôndo? Ka an nan lu er We, a icighanmlu u icivirigh man aeren a a kom iwuese a cieryol kua a kpilighyoloo?

Ekesodu 7:19

TER shi kaa a Mose er: Kaa Aron wer: Tôô gbough ough, naregh uwegh ough sha mngerem ma Igipiti, sha uifi vev man sha mbaakpambamngerev vev man sha atungu a ve man sha ajiir a ve a mngerem ma kohol cii, ve̱ hingir awambe; á zua a awambe han han kpaa, ken tar u Igipiti cii, ken ikav mbi ikonov man mbi awenev kpaa.

Ekesodu 9:14

Gadia hen shighe ne Me haa atsan a Am cii ken ishima you man sha mbatomov ou kua ior ou kpaa, sha er u̱ fa er ma or môm nan lu er Mo sha won ga yô.

Ekesodu 9:29

Mose kaa a na er: Me due a due ken akôngo a gar tsô me kende ave am sha TER; mbamdor vea huan, awombo kpaa aa kera haa ga, sha er u̱ fa er tar u lu u TER yô.

Yesaia 43:10

Ka ne ne lu mbashiada Av ye, kape TER A kaa ne, wanakiriki Wam u M tsough, sha er ne̱ fam, ne̱ nam jighjigh, ne̱ kav er M lu Un kpaa yô; aôndo ugen vande lun a Mo ga, ken ijime Yam kpaa una lu ga.

Levitiku 11:12

Hanma kwagh u shin mnger u a lu a tsaase man avuu ga yô, a̱ lu ne kwagh u ndôhôrshima je.

Duteronomi 32:31

Gadia vande ve ngu er Vande wase ga, mbaihomov asev ayol a ve je kpaa ve fa nahan.

Duteronomi 33:26

Mô môm ngu er Aôndo ga, we Yeshurun, A zenden sha Usha, sha u wasen we, man sha kwavaôndo kpaa sha mhembe Na.

Duteronomi 4:35

Ka we i tese u a ye, sha u u̱ fa er i lu TER A lu Aôndo yô; mô gen ngu ga, saa Un tseegh.

Mpase U Yohane 16:13

M shi m nenge ujijingi mba hwangerev utar er asôhô nahan due ken zwa u darakon la man shi ken zwa u inyam la man shi ken zwa u profeti u aiegh la.