Ekesodu 8:4 - ICIGHAN BIBILO

⁴ Asôhô aa unde u iyol man ior ou kpaa kua mbatomov ou cii.

Ekesodu 8:4 Iomraidhean Croise

1 Utor 13:6

Tsô tor gba ôron kwagh, kaa a or u Aôndo la er: Yô, sôn ase TER, Aôndo wou, A̱ zungwem mhôônom, er msen sha ci wam er m̱ shi m̱ hide a uwegh agh her yô. Tsô or u Aôndo la zamber a TER, uwegh ku tor kpaa hide her er ku lu keke nahan.

Upasalmi 107:40

Ka A hee ashagbaior, A na ve, ve zende wue wue ken taaikôngo henpe gbenda lu ga yô.

Ekesodu 10:17

Nahan yô, ma ne mase den mo kwaghbo wam kwa ne tsô, sôn nen TER, Aôndo wen, A̱ hirem a ku ne ijime tsô.

Ekesodu 8:24

Ka ape TER er je la; ikpila-akughô i nyuman nyôr ken ya u Farao man ken uya mba mbatomov nav kua ken tar u Igipiti cii; tar vihi sha ci u ikpila-akughô la.

Ekesodu 8:3

Ifi una iv a asôhô, aa unde aa nyôr ken ya wou man iyou you i tsan man sha gambe wou man ken ya u mbatomov ou man sha ior ou man ken atse a ou kua shin mbaakpela ou mba hôron mwem min kpaa.

Ekesodu 8:5

TER kaa a Mose er: Kaa Aron wer: Naregh uwegh ough a gbough ough sha uifi man sha mbaakpambamngerev man atungu, sha er asôhô aa va ken tar u Igipiti yô.

Ekesodu 9:28

Sôn nen TER, gadia mbamdor mba Aôndo kua awombo ne gande; me na ne gbenda, kera ngôôr yen je ga.

Yesaia 19:11

Atiator a Soan ka ior mba lanen kwagh dedoo je; mhen u mbahenen kwagh a Farao mba ve hembe fan la, hingir ibumegh dang. Hii nan man ne kaan a Farao ner: Mo m ngu wan u mbafankwagh, wan u utor mba tsuaa je, nahana?

Yesaia 19:22

TER Una tsaha Igipiti, una tsaha man Una shi á sôr; tsô vea gema asema vea hide hen TER; Un kpaa, Una rumun msen ve, man Una sôr ve.

Yesaia 23:9

TER u akum a Sha, ka Un A we ishima sha u vihin iyolgengese i icivir la cii, sha u heen mbaciviriv mba sha won cii ye.

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Numeri 21:7

Nahan ior va hen Mose, ve kaa er: Se er isholibo er se hingir ayôôso a TER man a we kpaa yô; sôn TER A̱ kura iyô ne hen a vese kera. Tsô Mose gba sônon sha ci u ior.