Ekesodu 8:32 - ICIGHAN BIBILO

³² Kpa Farao shi cighir ishima na hen shighe ne kpaa, a de ior er ve̱ yem ga.

Ekesodu 8:32 Iomraidhean Croise

Ekesodu 4:21

TER kaa a Mose er: Zum u ú hide ken Igipiti yô, ver ishima, akaakpilighyol a M ne sha ikev you cii, er a sha ishigh ki Farao; kpa Mo Me cighir un ishima, sha er a̱ de pasen ior Av ve̱ yemen ga yô.

Ekesodu 8:15

Kpa zum u Farao nenge er i hire a mi ijime yô, a cighir ishima na, a kera ungwa imo ve ga; er TER kaa yô.

Ekesodu 8:31

TER er sha imo i Mose la; A kura ikpila-akughô la hen Farao kera, man hen mbatomov nav kua hen ior nav kpaa; A shi i môm ga.

Ekesodu 8:8

Tsô Farao tindi i za yila Mose kua Aron, a kaa er: Sôn nen TER, A̱ kuram asôhô ne kera, kua hen ior av kpaa, tsô me de ior mban ve̱ yem, ve̱ za na TER nagh.

Ekesodu 9:7

Farao tindi, yô, nenge uzendenya mba Mbaiserael, môm tsô kpaa, kpe ker ga. Nahan kpaa, ishima i Farao cighir her, a de ior er ve̱ yem ga.

Yesaia 63:17

TERE, ka nyi U de Wer, se̱ undu igbenda You, shi U cighir se asema kpaa Wer, se̱ de cie U ga nahana? Hide sha ci u mbayev Ou, ikwe i dyako Wou la.

Mbaromanu 2:5

Ka sha ishima you i cighir man ishima i geman ga la je u lu ombon iyugh sha ci wou iyol you sha iyange i iyugh man m-ande u ijirôron i mimi i Aôndo la ye.

1 Samuel 6:6

Ka nyi man ne cighir asema er Mbaigipiti kua Farao lu ve cighir asema nahana? Zum u A er akaakpilighyol her a ve la, nahan ve na ior gbenda er ve̱ yem gaa?