Ekesodu 8:19 - ICIGHAN BIBILO

¹⁹ Tsô mbaahiriv mbala kaa a Farao er: Kwagh ne ka ihôwe u Aôndo je; kpa ishima i Farao cighir, a wa ve iko ga; er TER kaa yô.

Ekesodu 8:19 Iomraidhean Croise

Genese 41:24

Asagher a tsaasaa la mena asagher a ataankarahar a doon la; m gema m ôr mbaahiriv ma, kpa mô ve môm fatyô u pasen mo ma ga.

Upasalmi 8:3

Er m veren ishima sha akaa a sha aôndo a a lu tôm u ahôaveegh Ou, ka uwer man asan a U ver a yô,

Ekesodu 10:23

ve nengen a ayol a ve ga, ma or kpa moughon henpe nan lu la ga zan zan ayange atar je; kpa Mbaiserael cii yô, iwanger lu ken ajiir a ve a teman la.

Ekesodu 10:7

Nahan mbatomov mba Farao kaa a na er: Ka hanma shighe je man or ne una de hônon se? De ior ve̱ yem ve̱ za civir TER Aôndo ve; u ngu a fa er Igipiti a saa ishe je gaa?

Ekesodu 11:7

Kpa hanma or u ken Mbaiserael yô, aniwa tsô kpaa, una dugh nombor a nan ga, man a zendenya kpaa ga; sha er ne̱ fa er TER A pav Mbaigipiti kposo a Mbaiserael yô.

Ekesodu 7:13

Kpa ishima i Farao cighir, a wa ve iko ga, er TER kaa yô.

Ekesodu 7:4

Kpa Farao una ungwa ne ga, Mo Me penda uwegh Agh sha Igipiti, Me due a akum a Am, ior Av Mbaiserael, ken tar u Igipiti kera, sha ajiraôron a vesen.

Ekesodu 7:5

Mbaigipiti vea fa er Mo M lu TER yô, zum u Me naregh uwegh Agh sha Igipiti, Me due a Mbaiserael ken atô ve kera la.

Ekesodu 9:26

Saa ken tar u Goshen tseegh, u Mbaiserael lu ker la, awombo haa ga ye.

Ekesodu 9:4

TER Una pav uzendenya mba Mbaiserael kposo a uzendenya mba Mbaigipiti; mba ken Mbaiserael cii yô, môm môm una kpe ga.

Daniel 2:19

Tsô i pase Daniel kwaghmyer ne ken mpase u sha mnenge, tugh. Nahan Daniel wuese Aôndo u Sha,

Mateu 12:28

Kpa aluer ka sha Jijingi u Aôndo man M dughun ujijingi mba bov kera yô, tartor u Aôndo va hen a ven je ve.

Luka 11:20

Kpa aluer ka sha ihôwe u Aôndo M dughun ujijingi mba bov yô, tartor u Aôndo va hen a ven je ve.

YOHANE 11:47

Tsô upristi mba tamen man Mbafarishi ve zua mkohol, ve kaa er: Se er nana, gadia Or ne ngu eren uivande kpishi.

Aerenakaa A Mbaapostoli 4:16

ve kaa er: Ka nyi je sé er a ior mbana? Gadia er ve er ivande i vesen yô, hingir ken igbar hen ior mba ve tem ken Yerusalem cii ne; man se kpaa se fatyô u nyiman i ga.

1 Samuel 6:3

Ve kaa er: Aluer nea naan areki u Aôndo u Iserael gbenda yô, de ne nen un gbenda gbilin ga; shin a lu nan nan kpaa, na nen Un nagh ku iboogh, tsô, angev mbua bee ne, man shi né fa ityôikaa i uwegh Nagh ku kar sha a ven kera ga la.

1 Samuel 6:9

Man nenge, aluer ia yem sha gbenda u ken tar na, hen Bete-Shemeshi yô, nahan ka Wen je A er se zegekwaghbo ne ye; kpa aluer ka nahan ga yô, se fa ka uwegh Nagh ku tsaha se ga; kwagh ne gba tseren se tsô.