Ekesodu 7:2 - ICIGHAN BIBILO

² We, ú ôr hanma kwagh u M kaa u yô, man anngôu Aron a̱ gema a̱ ôr kwagh a Farao, a̱ de Mbaiserael ve̱ due ken tar na kera.

Ekesodu 7:2 Iomraidhean Croise

1 Utor 22:14

Kpa Mikaia kaa er: Er TER A lu u uma ne, kwagh u TER Una kaam yô, ka un me ôr ye.

Ekesodu 4:15

Ú ôron kwagh a na, ú waan un akaaôron ken zwa. Mo Me lu a zwa wou imôngo man zwa na kpaa, Me tesen ne kwagh u né er yô.

Ekesodu 4:16

Una hingir we or u lun a imo hen ior; man una hingir zwa wou, we ú gema ú hingir un er Aôndo nahan.

Ekesodu 5:1

Ken masejime la, Mose man Aron ve za, ve za kaa a Farao er: TER, Aôndo u Iserael, kaa nahan er: De ior Av, ve̱ za, ve̱ za erem iniongo ken desereti.

Ekesodu 6:29

TER ôr kwagh a Mose, kaa er: Ka Mo TER; ôr Farao, tor u Igipiti, akaa a M lu ôron we ne cii.

Ekesodu 7:6

Mose man Aron ve er, er TER kaa ve la, kape ve er je la.

Yeremia 1:17

Ahegen yô, we, fiir ikondo shin iwenge, mough sha, ôr ve kwagh u Me kaa u cii; de yen ishima sha ishigh vegh ga, sha er M̱ de ne u ishima i yinan sha ishigh vegh ga yô.

Yeremia 1:7

Kpa TER kaa a mo er: De kaan wer: M ngu wanye, ga; gadia hanmô u Me tindi u her a nan yô, ka hen nan ú za ye, man hanma kwagh u Me kaa u yô, ka wen ú ôr ye.

Esekiel 3:10

A shi A kaa a mo er: Wan u or, akaaôron Am a Me ôr u cii, ngohol a ken ishima you, man ungwa a sha ato ou kpaa.

Esekiel 3:17

Wan u or, M ver u orkuran sha ya u Iserael, aluer wea ungwa kwaghôron sha zwa Wam yô, wa ve kwagh sha ci Wam.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

Aerenakaa A Mbaapostoli 20:27

Gadia ityough yuhwam sha u pasen ne awashima u Aôndo ci ca cii ga.

Duteronomi 4:2

De seer ne kwagh sha kwaghôron u m we ne tindi sha mi ne ga, man de panden nen kwagh sha min kpaa ga, sha er né waan atindi a TER, Aôndo wen, a m lu wan ne ne, iko yô.