Ekesodu 7:19 - ICIGHAN BIBILO

¹⁹ TER shi kaa a Mose er: Kaa Aron wer: Tôô gbough ough, naregh uwegh ough sha mngerem ma Igipiti, sha uifi vev man sha mbaakpambamngerev vev man sha atungu a ve man sha ajiir a ve a mngerem ma kohol cii, ve̱ hingir awambe; á zua a awambe han han kpaa, ken tar u Igipiti cii, ken ikav mbi ikonov man mbi awenev kpaa.

Ekesodu 7:19 Iomraidhean Croise

Genese 1:10

Tsô Aôndo yila tareghnyaagh er tar; man mngerem ma ma kohol mara yô, A yila ma er zegemnger. Aôndo nenge er i doo nahan yô.

2 Utor 4:29

Nahan a kaa a Gehashi er: Fiir ikondo, tôô gbough agh sha uwe, za, wea kohol an or kpaa de sughun nan ga, man aluer orgen nana sugh u kpaa, de bughun nan zwa ga; za penda gbough agh sha ishigh ki wanye la.

Ekesodu 10:12

Nahan TER kaa a Mose er: Naregh uwegh ough sha tar u Igipiti sha u ikomon i̱ va haa ken tar u Igipiti i̱ ya hanma imendenegh ki ken tar la, ka hanma kwagh u awombo a shi la.

Ekesodu 10:21

Tsô TER kaa a Mose er: Naregh uwegh ough Sha, sha er ime i̱ wa ken tar u Igipiti, imbaime i ia wa je á bende i ave yô.

Ekesodu 14:16

We gema gbough ough kende sha, naregh uwegh ough sha zegemnger pav un.

Ekesodu 14:21

Tsô Mose naregh uwegh nagh sha zegemnger; TER er zegemnger kuwa kera sha ahumbe a ken ityoughkitaregh, a taver, a tsa van tugh kaka; zegemnger uma, mngerem pav.

Ekesodu 14:26

Tsô TER kaa a Mose er: Naregh uwegh ough sha zegemnger, mngerem ma hide ma zua her, ma cir Mbaigipiti a akeke a ve kua mbaanyinyav vev kpaa.

Ekesodu 4:9

Man aluer uivande mba uhar mban kpaa vea na jighjigh ga man vea ungwa imo you kpaa ga yô, kese mngerem shin ifi u Nil, haa hen inya; tsô mngerem ma u kese shin ifi la maa hingir awambe hen inya.

Ekesodu 8:16

Tsô TER kaa a Mose er: Kaa Aron wer: Naregh gbough ough, gbidye vuulevu hen inya, u̱ hingir inyarev mbi nyuman ken tar u Igipiti cii.

Ekesodu 9:33

Tsô Mose mough hen Farao due ken akôngo a gar, a kende ave na sha, sha TER; nahan mbamdor kua awombo de, ura kpaa kera nôô shin inya ga.

Yesaia 19:10

Mtôm nam ma suur sha mi la, á hembe ma avur avur, man mbaerentom sha tôndo cii, asema aa vihi ve.

Yesaia 5:25

Ka nahan man iyugh i TER i kende sha ior Nav ye, man shi A naregh uwegh Nagh sha u eren num a ve; A tsaha ve, iwo kpaa tenger, man akom a ve hingir er ihôghonov nahan ker atô u akômaigbinda. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Habaku 3:8

Ishima vihi We a uifi, TERE? Ishima nyoon We a uifi? Shin U yuwe a zegemnger er U zende sha anyinya a Ou, sha akeke a Ou, a mhembe la?