Ekesodu 7:17 - ICIGHAN BIBILO

¹⁷ TER ngu kaan nahan er: Kwagh u ú fa min, er Mo M lu TER je yô, nenge, ka sha gbough ku ku lu sha uwegh agh kun me gbidye mngerem ma shin ifi ne maa gema maa hingir awambe ye.

Ekesodu 7:17 Iomraidhean Croise

1 Utor 20:28

Tsô or u Aôndo kporom, ôr kwagh a tor u Iserael, kaa er: TER ngu kaan nahan er: Er Mbashiria ve kaan er: TER ka Aôndo u sha agungu, ka Aôndo u shin pev u kpuun kpuun ga yô, nahan Me na ikpilaior ne cii sha ikev you, man né fa er Mo M lu TER ye.

2 Utor 19:19

Yô, TERE, Aôndo wase, shi yima se sha ikev na, sha er ityartor i sha won cii i̱ fa er We TER U lu Aôndo, We tseegh yô.

Upasalmi 105:29

A gema mngerem vem hingir awambe, A tim ishu ve kera.

Upasalmi 78:44

man er A gema uifi vev hingir awambe, kua iwagh ve kpaa, je ve kera fatyô u man ga la.

Upasalmi 83:18

sha er ve̱ fa er We, u i yer iti You er TER la, i lu We tseegh U lu Uhembansha sha tar cii yô. Ngun ka sha ci u orhemen u mbawanatsam; i ver un sha Gititi. Ka Pasalmi u ônov mba Kora

Upasalmi 9:16

TER gema pase iyol Na: A ôr ijir ve! Ka sha tom u ave na iyol na la, i ker iferor ye. Higayon. Sela.

Ekesodu 1:22

Tsô Farao kaa a ior nav er: Hanma wannomso u i mar yô, gbihi nen un shin ifi u Nil, kpa hanma wankwase yô, de nen un a̱ lu uma.

Ekesodu 10:2

man shi sha u, ú ôr sha ato a wan wou man wan u wan wou kpaa, akaa a M er Mbaigipiti, man uivande Av mba M er hen a ve, sha er ne̱ fa er Mo M lu TER yô.

Ekesodu 4:9

Man aluer uivande mba uhar mban kpaa vea na jighjigh ga man vea ungwa imo you kpaa ga yô, kese mngerem shin ifi u Nil, haa hen inya; tsô mngerem ma u kese shin ifi la maa hingir awambe hen inya.

Ekesodu 5:2

Kpa Farao kaa er: Ka an nan lu TER je, u me ungwa imo Na me de Iserael una yemee? M fa TER ga, man den yam Iserael mer, a̱ yem je ga.

Ekesodu 6:7

Me ngohol ne, né hingir Mo ikurior, Me lu Aôndo wen; man shi né fa er Mo TER M lu Aôndo wen u M dugh a ven ken tom u ican u Mbaigipiti yô.

Ekesodu 7:20

Mose vea Aron er er TER kaa nahan; a kende gbough, a gbidye mngerem ma shin ifi sha ashe a Farao kua mbatomov nav kpaa; mngerem ma shin ifi cii maa hingir awambe.

Ekesodu 7:5

Mbaigipiti vea fa er Mo M lu TER yô, zum u Me naregh uwegh Agh sha Igipiti, Me due a Mbaiserael ken atô ve kera la.

Esekiel 25:17

Me or ve iyev i vesen sha mbamtsaha mba sha ishimavihin tsung; tsô vea fa er Mo M lu TER yô, zum u Me va a iyevoron Yam sha a ve la.

Esekiel 29:9

Tar u Igipiti kpaa ua hingir ice man tihialôgh; man vea fa er Mo M lu TER ye; sha ci u a kaa er: Ifi ka u wam, man ka mo m er un ye.

Esekiel 30:19

Kape Me ôr Igipiti ijir Me tsaha un la, nahan man vea fa er Mo M lu TER ye.

Esekiel 30:8

Nahan vea fa er Mo M lu TER yô, zum u Me haa usu ken Igipiti, man mbawasen un cii vea tim.

Esekiel 32:15

Zum u Me gema tar u Igipiti ua hingir ice man gbilinkwagh, tar u i kar a akaa a a mgbough kimi la kera; zum u Me tsaha mba ve tem ken u cii yô, shighe la man vea fa er Mo M lu TER ye.

Esekiel 32:6

Me ur tar sha awambe a ou a a dugh ken a we la, zan zan á ar sha iwo; iwagh ia iv sha a we.

Esekiel 38:23

Nahan Me tese mhembe Wam man mtsegh wam, Me pase iyol Yam ken igbar sha ashe a akuraior kpishi; nahan man vea fa er Mo M lu TER ye.

Esekiel 39:28

Nahan vea fa er Mo M lu TER, Aôndo ve, sha ci u M na, ve yem uikangen ken akuraior, man shi M kohol ve, M hide a ve ken tar ve kpaa; Me kera undu mô ve môm keela ga;

Daniel 4:17

Ka sha imo i mbakuran i wa tindi la, man ka sha mkaa u mba i tsegh ve la a lu ye, ka sha ci u mba ve lu uma, ve̱ fa. Uhembansha ngu a tahav sha tartor u ior, ka A gema u A na hanma or u i doo Un u nan nan yô, ka a ver or hemban gban ijime ken ior sha u kpaa.

Daniel 4:32

Á zenda u hen ior kera, ijiir you i teman la ia lu a inyamtoho imôngo; á na u ú ya toho er ibua nahan, ashighe aa kar u ataankarahar; zan zan ú fa er Uhembansha a lu a tahav sha tartor u ior yô, ka A gema u A na hanma or u i doo Un u nan nan yô.

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Daniel 5:21

i zenda un hen ior kera; ishima na gema hingir er i inyamtoho nahan, ijiir na i tsan kpaa lu a ujaki mba tohov imôngo; a hingir u yan toho er ibua nahan, iyol na heen sha avure a Sha, zan zan a kar fan er Aôndo Uhembansha la, A tem tor sha tartor u ior; ka A gema u, A na hanma or u i doo Un u nan nan yô.

Daniel 5:23

Kpa u kende a iyol you sha, u hendan a Aôndo u Sha; shi i va a ikav mbi ken iyou Na sha ishigh you kpaa, we man mbatarev ou man kasev ou man kasev ou mba sha uika, ne ma wain a mi; man u civir mbaaôndo mba sha azurfa man mba sha zenaria man mba sha togula man sha iyô man mba ikon man mba sha awen, mba ve nengen ga, ve ongo ga, man ve lu a mfe kpaa ga; man Aôndo u iôôn you i lu sha ikev Na, kua igbenda you cii kpaa, u civir Un ga.

Mpase U Yohane 11:6

Ve yô, mba a tahav mbu cirin Sha sha er ma ura u̱ de nee sha ayange a ve lu ôron kwaghôron u profeti la ga yô, shi mba a tahav sha mnger sha u geman ma ma hingir awambe, man shi u haan hanma injacan sha tar, hanma shighe u i sar ve cii.

Mpase U Yohane 8:8

Tsô ortyom u Sha, u sha uhar kpaa tôngo nahan i kende kwagh shin zegemnger lu er ka zegewo u hian nahan,