Ekesodu 7:16 - ICIGHAN BIBILO

¹⁶ kaa un wer: TER, Aôndo u Mbaheberu tindim her a we, A kaa er: De ior Av ve̱ yem, sha er vea za civir Mo ken desereti yô; man nenge zan zan hegen je kpaa u wa iko ga.

Ekesodu 7:16 Iomraidhean Croise

Ekesodu 10:3

Tsô Mose man Aron ve za hen Farao, ve kaa a na er: TER, Aôndo u Mbaheberu, kaa nahan er: Ka hanma shighe je man ú de u vendan u shirigh a iyol you inya sha ishigh Yagha? De ior Av, ve̱ yem ve̱ za civir Mo.

Ekesodu 13:15

man shi er Farao venda er se̱ de yemen ga yô, TER wua hanma waniunda ken tar u Igipiti, waniunda u or kua waniunda u zendenya kpaa; ka nahan man m ne TER nagh mi; kpa ônov mba iundav mba ônov av yô, m paan ve.

Ekesodu 14:5

Zum u i kaa tor u Igipiti er ior mbala ve yem a yem je yô, ishima i Farao kua i mbatomov nav gema kposo sha kwagh u ior mbala, ve pine er: Ka nyi se gbe den Iserael ve yem ve de u shiren se nahana?

Ekesodu 3:12

A kaa er: Mimi je, Me lu a we imôngo; kwagh ne una hingir we ikav, er i lu Mo M tindi u yô: zum u ú due a ior ken tar u Igipiti yô, ka hen uwo ne je né va civir Aôndo ye.

Ekesodu 3:13

Mose kaa a Aôndo er: Tsô aluer me za hen Mbaiserael, me za kaa a ve mer: Aôndo u uter enev tindim hen a ven, man vea pinem er: Iti Na er ana? Yô, m̱ kaa a ve mer nana?

Ekesodu 3:18

Vea ver ato sha kwaghôron wou; nahan yô, za hen tor u Igipiti, we kua mbatamen mba Iserael, za kaa nen un ner: TER, Aôndo u Mbaheberu, kohol se; hegen yô, ma u shi de ma se ze zende u tsan gbenda ayange atar ken desereti, ma se za ne TER, Aôndo wase nagh.

Ekesodu 4:22

Man kaa a Farao wer: TER kaa nahan er: Iserael ka wan Wam u iunda je.

Ekesodu 4:23

M kaa u mer: De wan Wam a̱ za, a̱ za civir Mo; kpa u venda wer a̱ de ze ga. Yô, Me wua wan wou u iunda.

Ekesodu 7:4

Kpa Farao una ungwa ne ga, Mo Me penda uwegh Agh sha Igipiti, Me due a akum a Am, ior Av Mbaiserael, ken tar u Igipiti kera, sha ajiraôron a vesen.

Ekesodu 8:1

TER shi kaa a Mose er: Za hen Farao, za kaa un wer: TER kaa nahan er: De ior Av ve̱ yem, ve̱ za civir Mo.

Ekesodu 8:20

TER kaa a Mose er: Mough pepe za tile sha ishigh ki Farao shighe u una zaan shin kpemnger la, kaa a na wer: TER kaa nahan er: De ior Av ve̱ yem, ve̱ za civir Mo.

Ekesodu 9:1

Tsô TER kaa a Mose er: Za hen Farao, za kaa un wer: TER, Aôndo u Mbaheberu kaa nahan er: De ior Av ve̱ yem, ve̱ za civir Mo.

Ekesodu 9:13

TER shi kaa a Mose er: Mough pepe, za tile sha ishigh ki Farao, kaa a na wer: TER Aôndo u Mbaheberu ngu kaan nahan er: De ior Av ve̱ yem ve̱ za civir Mo.

Yesaia 45:13

Mo M mough a na sha ken perapera, Me sôr igbenda na cii, una maa gar Wam, man ka un je una pase mbakwarev Av kpaa ye, á lu sha inyar ga man sha iwua kpaa ga, kape TER u akum a Sha A kaa la.

Yeremia 50:33

TER u akum a Sha ngu kaan nahan er: I kighir Mbaiserael kua Mbayuda imôngo; man mba ve kura ve ve yem a ve uikangen la cii, ve kôr ve gbang gbang, ve venda u nan ve gbenda.