Ekesodu 6:7 - ICIGHAN BIBILO

⁷ Me ngohol ne, né hingir Mo ikurior, Me lu Aôndo wen; man shi né fa er Mo TER M lu Aôndo wen u M dugh a ven ken tom u ican u Mbaigipiti yô.

Ekesodu 6:7 Iomraidhean Croise

Genese 26:3

Lu shir ken tar ne, Mo kpaa Me lu a we, Me ver u doo doo; gadia ka we kua tsombor wou Me na ne ityar ne cii ye, Me taver mbum Wam, u M bum a teru Aberaham la;

Genese 28:13

Man TER tile sha ityough nagh kaa er: Mo M ngu TER, Aôndo u teru Aberaham, Aôndo u Isaka kpaa; tar u u yav her ne, Me na u u kua tsombor wou kpaa.

1 Utor 20:28

Tsô or u Aôndo kporom, ôr kwagh a tor u Iserael, kaa er: TER ngu kaan nahan er: Er Mbashiria ve kaan er: TER ka Aôndo u sha agungu, ka Aôndo u shin pev u kpuun kpuun ga yô, nahan Me na ikpilaior ne cii sha ikev you, man né fa er Mo M lu TER ye.

1 Utor 8:60

sha u akuraior a sha won cii a̱ fa er TER, A lu Aôndo yô, mô gen ngu ga.

Nehemia 1:10

Yô, mban ka mbayev Ou man ior Ou mba U paa ve sha agee a Ou a hemban man uwegh Ough ku taver kpaa yô.

Upasalmi 100:3

Fa nen er TER A lu Aôndo yô; ka Un A er se ye, se mba u Nav je; se mba ior Nav je, man iyôngo Na i A koson yô.

Upasalmi 81:6

M tôô un ikav sha vande sha, a pase ave na sha ikese kera.

Ekesodu 13:14

Tsô zum u wan wou una pine u iyange igen er: Inja i kwagh ne ka nyi? Kaa un wer: Ka sha uwegh ku ageegh je TER due a vese ken tar u Igipiti ken ya u ikpan ye;

Ekesodu 13:3

Tsô Mose kaa a ior er: Umbur nen iyange i ne due ken Igipiti ken ya u ikpan ne; gadia ka sha uwegh ku ageegh je TER due a ven ken ajiir ne ye; i̱ de ye bredi u lun a kwa ga.

Ekesodu 14:18

Mbaigipiti kpaa vea fa er M lu TER yô, shighe u Me zua a icivir sha kwagh u Farao man sha akeke na kua mbaanyinyav nav la.

Ekesodu 14:4

Me cighir Farao ishima, una tôv ve angahar; nahan Me gema Me zua a zua a icivir sha kwagh u Farao kua ikumutya na cii; Mbaigipiti vea fa er Mo M lu TER yô. Tsô ve er nahan.

Ekesodu 15:16

Iwondo man mciem haa ve iyol; sha mtaver u uwegh Ough, ve huan ving, er iwen yô, shighe u ior Ou lu karen la TERE, shighe u ior mba U yam la ve lu karen yô,

Ekesodu 15:2

TER ka agee am man icam yam kpaa, A hingir myom wam kpaa. Ka Aôndo wam, me wuese Un; Aôndo u terem, me kende Un sha.

Ekesodu 16:12

M ungwa ivever i Mbaiserael; yô ôr kwagh a ve, kaa ve wer: Aikighe né ya inyam, kper pepe yô, né ya kwaghyan una kuma ne man né fa er Mo M lu Aôndo wen ye.

Ekesodu 16:6

Tsô Mose man Aron kaa a Mbaiserael cii er: Aikighe yô, né va fa er i lu TER je A dugh a ven ken tar u Igipiti yô.

Ekesodu 2:11

Tsô sha ayange la, er Mose hingir orvesen kera yô, a za hen anmgbianev nav, a za nenge ican ve; tsô a nenge Origipiti gema lu gbidyen Orheberu u ken anmgbianev nav.

Ekesodu 6:6

Nahan yô, kaa Mbaiserael wer: Ka Mo TER, Me due a ven ken tom u ican u Mbaigipiti ne kera, man shi Me yima ne sha ican i ikpan i sha ikev ve la kpaa ye; Me paa ne sha uwegh ku naregh, man sha ajiraôron a vesen.

Ekesodu 7:17

TER ngu kaan nahan er: Kwagh u ú fa min, er Mo M lu TER je yô, nenge, ka sha gbough ku ku lu sha uwegh agh kun me gbidye mngerem ma shin ifi ne maa gema maa hingir awambe ye.

Yesaia 41:20

sha u ve̱ nenge, ve̱ fa, ve̱ hen sha mi, ve̱ kar imôngo cii er i lu uwegh ku TER ku er nahan yô, ka Icighan u Iserael A gbe akaa ne ye.

Yesaia 49:23

Utor vea lu uter ou mba kuran we, man ashagba a ukase a ve vea lu ungô mba koson we; vea gule u sha ishi, vea kuma ishiv vev inya, vea ndiar ihundu i shin angahar a ou; tsô ú fa er M lu TER, mba ve veren ashe Mo vea va ahenge ga ye.

Yesaia 49:26

Mba ve kighir we a ican la, Mo Me na ve inyam ve vea ya; vea hunde sha awambe a ve ayol a ve kpaa, er ka sha wain u nyohon nahan; man uuma cii vea fa er Mo, TER, M lu Oryiman wou man Orpaan wou kpaa ye, Uageegh u Yakob.

Yesaia 51:15

Gadia Mo M ngu TER, Aôndo wou, ka M kpianger zegemnger, je agôndo a na a ta kume; TER u akum a Sha, ka iti Yam je la.

Yesaia 60:16

Ú ma atumba a akuraior, man shi ú ambe atumba a utor, man ú fa er Mo TER, M lu Oryiman wou man Orpaan wou kpaa, Uageegh u Yakob.

Yesaia 63:8

A kaa er: Ve, ka ior Av je, ka ônov mba vea er sha icugh ga; man A hingir Oryiman ve kpaa.

Yeremia 30:22

Nea lu ior Av, Mo kpaa Me lu Aôndo wen.

Yeremia 31:33

Kpa ikuryan i Me ya a ya u Iserael er ayange ne á kar kera yô, ka i ne, kape TER A kaa ne: Me ver atindi Am ken atô ve je man shi Me nger a ken asema a ve kpaa; nahan Me lu Aôndo ve, ve di kpaa vea lu ior Av.

Esekiel 20:19

Mo M ngu TER, Aôndo wen; zenden nen ken akaawan a Am, waan nen akaaôron a Am a jirigh iko, man eren nen sha mi kpaa;

Hosea 1:10

Nahan kpaa iyenge i ônov mba Iserael ia lu er waarawa u shin zegemnger, u i fetyô u karen u ga, shin u ôron u kpaa ga yô, tsô hen ijiir i i lu kaan a ve er: Ne mba nongoior Wam ga la, á gema á yila ve er: Ne mba ônov mba Aôndo u uma.

Levitiku 11:44

Gadia ka Mo M lu TER Aôndo wen; nahan tsegha nen ayol a en, lu nen uicighanmbaiorov je, gadia Mo M ngu icighan je; yô, de hôngor nen ayol a en sha inyarev mbi mbi kper a kpela inya ga.

Levitiku 11:45

Gadia ka Mo TER u M dugh a ven ken tar u Igipiti sha u Me lu Aôndo wen yô; lu nen uicighanmbaiorov, gadia Mo kpaa M ngu icighan je.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Numeri 15:41

Ka Mo TER M lu Aôndo wen, u M dugh a ven ken tar u Igipiti Mer, Me lu Aôndo wen ye; ka Mo TER M lu Aôndo wen ye.

Mateu 22:32

Mo M ngu Aôndo u Aberaham man Aôndo u Isaka man Aôndo u Yakob kpaa, gaa? Aôndo ka Aôndo u mbakpenev ga, kpa ka u mbaumav.

Mbaromanu 8:31

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

Duteronomi 14:2

Gadia u ngu TER, Aôndo Wou, icighanikurior je; ken akuraior sha won cii, ka we, TER A tsough u, u hingir ikurior Na jim ye.

Duteronomi 26:18

Nyian kpaa TER rumun er we, u̱ lu ikurior Na iyol Na jim, er A kaa a we nahan, man ú waan atindi Na cii iko;

Duteronomi 29:12

sha u u̱ nyôr ken ikuryan i TER, Aôndo wou, man ken mbum Na u TER, Aôndo wou, A bum a we nyian ne;

Duteronomi 29:13

sha er Una ver u nyian u̱ hingir ikurior Na, man Una lu Aôndo wou er A kaa u nahan man er A bum a uter ou Aberaham man Isaka man Yakob yô.

Duteronomi 29:5

Anyom akunduahar M hemen ne ken desereti; akondo a ne lu a mi iyol la, bee iyol ga, ikôvough ki shin nguhar ou kpaa, bee iyol ga.

Duteronomi 4:20

Ne yô, TER kua a ven due a ven ken usu u ken adum kera, ka ken Igipiti je la, sha u ne̱ hingir Un ikurior i dyako, er i lu nyian nahan.

Duteronomi 7:6

Gadia we u ngu TER, Aôndo wou, icighannongo je; TER, Aôndo wou, tsuwa u ken akuraior a a lu sha won cii, er u̱ lu nongo Na jim.

Mbaheberu 11:16

Kpa hegen yô, ka u u hembe doon la u sar ve ye, inja na yô, ka u Sha je la. Ka nahan man Aôndo kpaa kunya u ker Un u i̱ yila Un er Aôndo ve ga ye, gadia A sôr ve gar.

1 Peteru 2:10

Ngise ne lu nongoior ga, kpa hegen ne gema ne hingir nongoior u Aôndo, i zungwen ne mhôônom ga, kpa hegen yô, mba zungwen ne mhôônom.

Mpase U Yohane 21:3

Shi m ungwa zegeimo due ken ikônough ki torough kila kaa er: Nenge, tenti u Aôndo ngu hen ior, Una tema a ve, vea lu nongoior Na, Aôndo iyol Na Una lu a ve.

Mpase U Yohane 21:7

Or u nan hembe yô, nana ya dyako sha akaa ne, Me lu Aôndo u nan, nan di kpaa nana lu wan Wam.