Ekesodu 5:1 - ICIGHAN BIBILO

¹ Ken masejime la, Mose man Aron ve za, ve za kaa a Farao er: TER, Aôndo u Iserael, kaa nahan er: De ior Av, ve̱ za, ve̱ za erem iniongo ken desereti.

Ekesodu 5:1 Iomraidhean Croise

1 Utor 21:20

Tsô Ahaba kaa a Eliya er: U zua a mo ve orihom wama? A rumun er: M zua a we; gadia u tee iyol you sha u eren ifer sha ishigh ki TER.

Upasalmi 119:46

Me ôr kwagh u mbampase Ou sha ishigh ki utor kpaa, kunya ua kôrom ga.

Ekesodu 10:3

Tsô Mose man Aron ve za hen Farao, ve kaa a na er: TER, Aôndo u Mbaheberu, kaa nahan er: Ka hanma shighe je man ú de u vendan u shirigh a iyol you inya sha ishigh Yagha? De ior Av, ve̱ yem ve̱ za civir Mo.

Ekesodu 10:4

Aluer u venda u den ior Av yô, nenge, kper Me haa ikomon ken tar wou;

Ekesodu 10:9

Mose kaa er: Sé za a mbayev asev mba kiriki kua mbatamen asev man ônov asev mba nomso kua mba kasev; man iyôngo man ivo yase kua ibua yase kpaa, sé za a mi; gadia ka u sé er TER iniongo je.

Ekesodu 3:18

Vea ver ato sha kwaghôron wou; nahan yô, za hen tor u Igipiti, we kua mbatamen mba Iserael, za kaa nen un ner: TER, Aôndo u Mbaheberu, kohol se; hegen yô, ma u shi de ma se ze zende u tsan gbenda ayange atar ken desereti, ma se za ne TER, Aôndo wase nagh.

Ekesodu 33:13

Ahegen yô, aluer a doo U a mo yô, ma U shi tesem igbenda You sha er me fa U yô; sha er i̱ doo U a mo yô; shi fa er ikurior ne i lu ior Ou yô.

Ekesodu 4:23

M kaa u mer: De wan Wam a̱ za, a̱ za civir Mo; kpa u venda wer a̱ de ze ga. Yô, Me wua wan wou u iunda.

Ekesodu 6:11

Za, za ôr kwagh a Farao tor u Igipiti, a̱ de Mbaiserael ve̱ mough ken tar na kera.

Ekesodu 6:27

Ka ve je, ve ôr kwagh a Farao tor u Igipiti er, i̱ due a Mbaiserael ken Igipiti ye; ka ve mban ne, Mose vea Aron.

Ekesodu 7:16

kaa un wer: TER, Aôndo u Mbaheberu tindim her a we, A kaa er: De ior Av ve̱ yem, sha er vea za civir Mo ken desereti yô; man nenge zan zan hegen je kpaa u wa iko ga.

Ekesodu 7:2

We, ú ôr hanma kwagh u M kaa u yô, man anngôu Aron a̱ gema a̱ ôr kwagh a Farao, a̱ de Mbaiserael ve̱ due ken tar na kera.

Ekesodu 8:1

TER shi kaa a Mose er: Za hen Farao, za kaa un wer: TER kaa nahan er: De ior Av ve̱ yem, ve̱ za civir Mo.

Ekesodu 8:16

Tsô TER kaa a Mose er: Kaa Aron wer: Naregh gbough ough, gbidye vuulevu hen inya, u̱ hingir inyarev mbi nyuman ken tar u Igipiti cii.

Ekesodu 8:17

Ve er nahan; Aron naregh uwegh nagh a gbough nagh, gbidye vuulevu hen inya, tsô nenge, inyarev mbi nyuman haa sha ior kua ilev; ihundu i hen inya cii hingir inyarev mbi nyuman ken tar u Igipiti ca ca.

Ekesodu 8:20

TER kaa a Mose er: Mough pepe za tile sha ishigh ki Farao shighe u una zaan shin kpemnger la, kaa a na wer: TER kaa nahan er: De ior Av ve̱ yem, ve̱ za civir Mo.

Ekesodu 8:27

Sé za zende u tsan gbenda ayange atar ken desereti, sé za na TER, Aôndo wase, nagh er A kaa se yô.

Ekesodu 9:1

Tsô TER kaa a Mose er: Za hen Farao, za kaa un wer: TER, Aôndo u Mbaheberu kaa nahan er: De ior Av ve̱ yem, ve̱ za civir Mo.

Ekesodu 9:2

Gadia aluer ú venda u nan ve gbenda, ú kôr ve her zan zan yô,

Yesaia 25:6

Sha uwo ne TER u akum a Sha Una yôr akuraior cii iwer sha akaa a wan ahôm, iwer i sha wain u atse a akase na, sha akaa a ahômough a a mgbough a mshiam, sha wain u tse u i kase un dedoo yô.

Esekiel 2:6

We, wan u or, de cie ve ga, man shi de cie akaaôron a ve kpaa ga, shin er usaa man kpamberakpa ve lu a we, man er u tem her atô u ayese nahan kpaa; de cie akaaôron a ve ga, ishima i̱ de nyian we sha mdugh u ve dughun we ashe kpaa ga, shin er ve lu ya u hendan kwagh nahan je kpaa.

Mateu 10:18

je yô, á va a ven sha ishigh ki ugomna man utor kpaa sha ci Wam, sha er i̱ hingir mpase her a ve man her atôatyev kpaa yô.

Mateu 10:28

Man de cie nen mba ve woo iyol tseegh, kpa ve fetyô u wuan uma ga la ze; guda cia nen Un u A fetyô u timin uma kua iyol cii ken gehena.

Aerenakaa A Mbaapostoli 4:29

Hegen yô, Tere, nenge myange ve ne, yô, na ikpan You ne ve̱ ôr kwagh vangertiôr,

1 Mbakorinte 5:8

Nahan yô, se ya nen iniongo i̱ de lu sha kwa u tse ga, shin sha kwa u bo shin u ifer kpaa ga, kpa i̱ lu sha bredi u i we kwa sha mi ga yô, u wang man u mimi.