Ekesodu 40:9 - ICIGHAN BIBILO

⁹ Tôô mkurem ma shighen, shighe tabernakel kua akaa a a lu kimi cii, tsegha un a ikav nav cii; nahan una lu icighankwagh je.

Ekesodu 40:9 Iomraidhean Croise

Upasalmi 45:7

perapera doo U ishima, kpa iferkwagh yô, vihi U ishima, ka nahan man Aôndo, Aôndo Wou, A shigh U mkurem ma iember hemba mba kwav Wou ye.

Ekesodu 37:29

A er icighanmkure u shighen man kwaghhumandoon u wang u nanden la, sha ilyôghonov mbi dedoo, lu tom u orfan u eren kwaghhumandoon je.

Ekesodu 39:39

man atse a togula man kperiyôô u a u togula man igbough mbi a kua ikav mbi a cii man tasa a ityô na,

Ekesodu 40:8

Kase tembe kwa, ningir tser, har kwaghyisan u hunda u tembe la.

Yesaia 11:2

Jijingi u TER Una lu sha a Na, ka Jijingi u kwaghfan man u mkav, Jijingi u wasen henen kwagh man u ageegh, Jijingi u mfe man u cian TER.

Yesaia 61:1

Jijingi u Ter AÔNDO ngu sha a Mo, sha ci u TER shighem mkurem; A verem er M̱ sur mba asema a vihi ve la asema, M̱ yôô i̱ pase mbakwarev man i̱ bugh gaadi u mba i hee ve ahye la.

Esekiel 28:14

We u lu cerubi u samber akper cirin; M ver u ijiir: U lu sha icighanwo u Aôndo, u zende hen atô u awen a usu.

Levitiku 8:10

Tsô Mose tôô mkurem ma shighen, a shighe tabernakel kua akaa a a lu kimi cii, a tsegha un.

Numeri 7:1

Tsô sha iyange i Mose tim tabernakel kera la, a shighe un mkurem a tsegha un kua ikav mbi kimi cii, man atse a nanden nagh sha mi kua ikav mbi a cii kpaa; er a shighe mbi mkurem a tsegha mbi kera la,

Mateu 3:16

Tsô er i er Yesu batisema kera yô, A due shin mnger fese, maa i bugh Sha man A nenge a Jijingi u Aôndo lu senen er ikungugh nahan, va tema sha a Na.

YOHANE 3:34

Gadia Un u Aôndo A tindi Un la, ngu ôron akaaôron a Aôndo gadia Aôndo na Un Jijingi wuee je, kar a kar ga.

2 Mbakorinte 1:22

Ka Un kpaa A ver se ikav shi A ne se ibumun ken asema ase ye, ka Jijingi je la.

2 Mbakorinte 1:4

Un u A surun se asema sha atsan a ase cii sha er se kpaa se fatyô u surun mba ve lu ken hanma ican la ishima sha ishimasurun i se ayol a ase kpaa Aôndo A sur se asema a mi la.

Mbaheberu 9:21

Kape shi a mishi awambe la sha tabernakel kua ikav mbi tomov cii je la.

1 Yohane 2:20

Kpa ne yô, ne mba a mshigh u u A lu Icighan la, ne cii, ne fa.