Ekesodu 4:5 - ICIGHAN BIBILO

⁵ sha u ve̱ na jighjigh er TER, Aôndo u uter vev, Aôndo u Aberaham man Aôndo u Isaka man Aôndo u Yakob, A ande hen a we yô.

Ekesodu 4:5 Iomraidhean Croise

Genese 12:7

Tsô TER ande hen Aberam, kaa er: Me na tsombor wou tar ne. Nahan a ta TER u A ande her a na la, atse a nanden nagh sha mi heregh.

Genese 17:1

Zum u Aberam lu anyom akunduanyiingber kar ataankaranyiin la, TER ande hen Aberam, kaa a na er: Mo M ngu Aôndo Uhembanagee, zenden sha ishigh Yagh, nahan yô, ú lu vough.

Genese 18:1

Tsô TER shi ande her a na hen ikon i terebin i Mamre er a tema hen hunda u tenti na, oo gera gera yô.

Genese 26:2

TER ande her a na, kaa er: De senen yemen shin Igipiti ga, kpa tema hen tar u Me kaa u yô.

Genese 28:13

Man TER tile sha ityough nagh kaa er: Mo M ngu TER, Aôndo u teru Aberaham, Aôndo u Isaka kpaa; tar u u yav her ne, Me na u u kua tsombor wou kpaa.

Genese 48:15

Tsô a ver Yosev doo doo, a kaa er: Aôndo, u uter av Aberaham man Isaka ve zenden sha ishigh Nagh la, Aôndo, u A kuran mo sha ayange a uma wam cii zan zan nyian ne,

Genese 48:3

Yakob kaa a Yosev er: Aôndo Uhembanagee ande her a mo hen Lushi ken tar u Kanaan, verem doo doo,

1 Utor 18:36

Tsô sha shighe u nan nagh ku aikighe la, profeti Eliya kporom, kaa er: TERE, Aôndo u Aberaham man u Isaka kua u Iserael, na i̱ fa nyian ken igbar je er We U lu Aôndo ken Iserael, man mo kpaa m lu wanakiriki Wou, m er akaa ne cii sha imo You yô.

2 Kroniku 20:20

Ve mough pepe, ve za nyôr ken desereti u Tekoa; mba ngur yemen hemen yô, Yehoshafati tile sha, kaa er: Ungwam nen, Yuda, man ne mba ne tem ken Yerusalem! Na nen TER, Aôndo wen, jighjigh, ka nahan man né tile dông ye; uprofeti Nav kpaa na nen ve jighjigh, ka nahan man á kpe ne iyol ye.

Ekesodu 19:9

Nahan TER kaa a Mose er: Nenge, M ngu van hen a we ken ibeenegh ki iligh sha shighe u Me ôron kwagh a we yô, ior ve̱ ungwa, ve̱ gema, ve̱ naan we jighjigh gbem. Mose ôr TER akaaôron a ior la.

Ekesodu 3:15

Shi Aôndo kaa a Mose er: Kaa Mbaiserael nahan wer: TER, Aôndo u uter enev, Aôndo u Aberaham man Aôndo u Isaka man Aôndo u Yakob, tindim hen a ven; ingin ka iti Yam gbem sha won je ne, ka sha i je á umbur Mo sha ikov ikov ye.

Ekesodu 3:16

Za, za kohol mbatamen mba Iserael, kaa a ve wer: TER, Aôndo u uter enev, Aôndo u Aberaham man u Isaka man u Yakob ande her a mo, A kaa er: M ver ishima sha a ven dedoo, M shi M nenge kwagh u i er a ven ken Igipiti la kpaa;

Ekesodu 3:18

Vea ver ato sha kwaghôron wou; nahan yô, za hen tor u Igipiti, we kua mbatamen mba Iserael, za kaa nen un ner: TER, Aôndo u Mbaheberu, kohol se; hegen yô, ma u shi de ma se ze zende u tsan gbenda ayange atar ken desereti, ma se za ne TER, Aôndo wase nagh.

Ekesodu 3:4

Zum u TER nenge er a kaha sha u za nengen yô, Aôndo yila un ken atô u ageva la, er: Mose, Mose! A rumun er: Een.

Ekesodu 3:6

Shi A kaa er: Ka Mo, Aôndo u teru, Aôndo u Aberaham man Aôndo u Isaka man Aôndo u Yakob. Tsô Mose yer ishigh nagh kera; gadia lu cier un iyol u nengen a Aôndo.

Ekesodu 4:1

Mose gema kaa er: Kpa nenge, vea nam jighjigh ga, man vea ver ato sha kwaghôron wam kpaa ga; gadia vea kaa er: TER ande hen a we ga.

Ekesodu 4:31

Ior na jighjigh; man zum u ve ungwa er TER A va ser Mbaiserael, A nenge ican ve kpaa yô, ve gema ve kuma ityouv inya, ve wuese.

Ekesodu 4:4

Tsô TER kaa a Mose er: Za uwegh, kôr i shin tsa; tsô a za uwegh a kôr i, i gema i hingir gbough ken ikev na;

Yesaia 7:9

Ityough ki Eferaim ka Samaria je, man ityough ki Samaria ka wan u Remalia je. Aluer nea na jighjigh ga yô, mimi je né tile dông ga.

Yeremia 31:3

TER ande her a mo ken ica je, kaa er: Een, u doom ishima sha dooshima u tsôron je, ka sha ci u nahan M udugh we sha erdoo ye.

YOHANE 11:15

Man M gema M ember sha ci wen er M lu her ga yô, sha er né na jighjigh yô. Nahan kpaa, se za nen her a na.

YOHANE 11:42

kera je kpaa M fa er U ongom keke yô, kpa ka sha ci u ikpelaior i i kasem heen ne man M kaan nahan ye, sha u ve̱ na jighjigh er i lu We U tindim yô.

YOHANE 20:27

Tsô A kaa a Toma er: Naregh hôwe heen, nenge ave Am, shi naregh uwegh bendem ken ihan, de kera lu or u banen a jighjigh u nan ga, kpa lu or u nan jighjigh.

YOHANE 20:31

kpa mban yô, i nger ve sha er ne̱ na jighjigh er Yesu A lu Kristu, Wan u Aôndo je yô, er ne̱ zua a uma ken iti Na er ne ne jighjigh yô.

YOHANE 5:36

Kpa Mo M ngu a mpase u sha kwagh Wam u a hembe u Yohane la yô; gadia ityom i Ter A nem er M̱ kure i ne, ka ityom i M eren i ne je i lu pasen kwagh Wam er Ter A tindim ye.

Aerenakaa A Mbaapostoli 7:2

Tsô Sefanu kaa er: Anmgbianev man uter, ver nen ato, Aôndo u iengem ande hen ter wase Aberaham zum u a lu ken Mesopotamia, je er a lu a tema ken Haran ga la.

Mbaheberu 11:16

Kpa hegen yô, ka u u hembe doon la u sar ve ye, inja na yô, ka u Sha je la. Ka nahan man Aôndo kpaa kunya u ker Un u i̱ yila Un er Aôndo ve ga ye, gadia A sôr ve gar.