Ekesodu 4:23 - ICIGHAN BIBILO

²³ M kaa u mer: De wan Wam a̱ za, a̱ za civir Mo; kpa u venda wer a̱ de ze ga. Yô, Me wua wan wou u iunda.

Ekesodu 4:23 Iomraidhean Croise

Upasalmi 105:36

A wua ônovmbaiundav ken tar ve cii kpaa, ka mhii u agee a ve je la.

Upasalmi 135:8

A wua ônovmbaiundav mba Igipiti, mba iorov kua mba uile kpaa.

Upasalmi 136:10

A tsaha Igipiti, A wua ônov vev mba iundav, gadia erdoo Na ka u tsôron gbem sha won;

Upasalmi 78:51

A wua hanma waniunda ken Igipiti, ka mhii u agee a ve, ken tenti u Ham je la.

Ekesodu 10:3

Tsô Mose man Aron ve za hen Farao, ve kaa a na er: TER, Aôndo u Mbaheberu, kaa nahan er: Ka hanma shighe je man ú de u vendan u shirigh a iyol you inya sha ishigh Yagha? De ior Av, ve̱ yem ve̱ za civir Mo.

Ekesodu 10:4

Aluer u venda u den ior Av yô, nenge, kper Me haa ikomon ken tar wou;

Ekesodu 11:5

ônovmbaiundav mba ken tar u Igipiti cii vea kpe, á hii sha waniunda u Farao u ma a tem sha ikônough nagh ki torough la je, zan zan ar hen waniunda u kpankwase u a lu sha nasewua, kua ônovmbaiundav mba uzendenya cii kpaa.

Ekesodu 12:29

Tsô ka kom ateghôtôutu yô, TER wua ônovmbaiundav mba ken tar u Igipiti cii, hii sha waniunda u Farao u ma a tem sha ikônough nagh ki torough la je zan zan ar hen waniunda u orkwar u a lu ken gaadi, kua ônovmbaiundav mba uzendenya cii kpaa.

Ekesodu 13:15

man shi er Farao venda er se̱ de yemen ga yô, TER wua hanma waniunda ken tar u Igipiti, waniunda u or kua waniunda u zendenya kpaa; ka nahan man m ne TER nagh mi; kpa ônov mba iundav mba ônov av yô, m paan ve.

Ekesodu 18:8

Mose ôr ter na kem akaa cii, a TER A er a Farao man Mbaigipiti sha ci u Iserael yô, man shi atsan a a tser ve sha gbenda cii, kua myem u TER yima ve kpaa.

Ekesodu 3:18

Vea ver ato sha kwaghôron wou; nahan yô, za hen tor u Igipiti, we kua mbatamen mba Iserael, za kaa nen un ner: TER, Aôndo u Mbaheberu, kohol se; hegen yô, ma u shi de ma se ze zende u tsan gbenda ayange atar ken desereti, ma se za ne TER, Aôndo wase nagh.

Ekesodu 5:1

Ken masejime la, Mose man Aron ve za, ve za kaa a Farao er: TER, Aôndo u Iserael, kaa nahan er: De ior Av, ve̱ za, ve̱ za erem iniongo ken desereti.

Ekesodu 6:11

Za, za ôr kwagh a Farao tor u Igipiti, a̱ de Mbaiserael ve̱ mough ken tar na kera.

Ekesodu 7:16

kaa un wer: TER, Aôndo u Mbaheberu tindim her a we, A kaa er: De ior Av ve̱ yem, sha er vea za civir Mo ken desereti yô; man nenge zan zan hegen je kpaa u wa iko ga.

Ekesodu 8:1

TER shi kaa a Mose er: Za hen Farao, za kaa un wer: TER kaa nahan er: De ior Av ve̱ yem, ve̱ za civir Mo.

Ekesodu 8:16

Tsô TER kaa a Mose er: Kaa Aron wer: Naregh gbough ough, gbidye vuulevu hen inya, u̱ hingir inyarev mbi nyuman ken tar u Igipiti cii.

Ekesodu 8:17

Ve er nahan; Aron naregh uwegh nagh a gbough nagh, gbidye vuulevu hen inya, tsô nenge, inyarev mbi nyuman haa sha ior kua ilev; ihundu i hen inya cii hingir inyarev mbi nyuman ken tar u Igipiti ca ca.

Ekesodu 8:20

TER kaa a Mose er: Mough pepe za tile sha ishigh ki Farao shighe u una zaan shin kpemnger la, kaa a na wer: TER kaa nahan er: De ior Av ve̱ yem, ve̱ za civir Mo.

Ekesodu 9:1

Tsô TER kaa a Mose er: Za hen Farao, za kaa un wer: TER, Aôndo u Mbaheberu kaa nahan er: De ior Av ve̱ yem, ve̱ za civir Mo.

Ekesodu 9:13

TER shi kaa a Mose er: Mough pepe, za tile sha ishigh ki Farao, kaa a na wer: TER Aôndo u Mbaheberu ngu kaan nahan er: De ior Av ve̱ yem ve̱ za civir Mo.

Ekesodu 9:2

Gadia aluer ú venda u nan ve gbenda, ú kôr ve her zan zan yô,

Hosea 11:1

Zum u Iserael lu wanye yô, a doom ishima; ka ken Igipiti man M yila wan wam kpaa ye.