Ekesodu 4:15 - ICIGHAN BIBILO

¹⁵ Ú ôron kwagh a na, ú waan un akaaôron ken zwa. Mo Me lu a zwa wou imôngo man zwa na kpaa, Me tesen ne kwagh u né er yô.

Ekesodu 4:15 Iomraidhean Croise

2 Samuel 14:3

Yô, za hen tor, za ôr un kwagh nahan nahan. Tsô Yoabi tam kwaghôron wa un ken zwa.

Upasalmi 25:12

Ka anti nan cie TERE? Una tese nan gbenda u nana̱ tsuwa yô.

Upasalmi 51:15

Tere, bughum ityumbuzwaagh, nahan zwa wam ua pase iwuese You.

Ekesodu 3:12

A kaa er: Mimi je, Me lu a we imôngo; kwagh ne una hingir we ikav, er i lu Mo M tindi u yô: zum u ú due a ior ken tar u Igipiti yô, ka hen uwo ne je né va civir Aôndo ye.

Ekesodu 4:12

Nahan yô, gba zan tsô, Mo Me lu a zwa wou imôngo, Me tesen we kwagh u ú ôr yô.

Ekesodu 4:28

Mose ôr Aron akaaôron a TER tindi un a mi cii, man uivande mba A wa un sha ikev cii.

Ekesodu 4:30

Aron ôr akaaôron a TER A er Mose cii, shi a er uivande sha ishigh ki iorov kpaa.

Yesaia 51:16

M ver akaaôron a Am ken zwa wou, M yer u ken mure u ikevwe Yam; M samber Usha, M tim imagh ki taregh, M kaa a Shion kpaa Mer: Ne mba ior Av je.

Yesaia 59:21

TER ngu kaan nahan er: Ikuryan Yam a ve ka i ne: Jijingi Wam u A lu sha a we man akaaôron Am a M we u ken zwa, aa due u ken zwa kera mayange ga, shin sha zwa u tsombor u vor wou kpaa ga, kape TER A kaa la, hii hegen je, zan zan gbem sha won.

Yeremia 1:9

Tsô TER naregh uwegh Nagh bendem sha zwa; man TER kaa a mo er: Nenge, M ver akaaôron Am ken zwa wou;

Yeremia 36:32

Nahan Yeremia tôô ihurenruamabera ugen, na orngeren Baruki wan u Neria, wen gema nger akaaôron a ken ruamabera u Yehoyakim tor u Yuda nande sha usu la cii ker sha zwa u Yeremia, shi a seer akaaôron agen sha mi kpishi a sha inja i angara.

Numeri 16:28

Mose kaa er: Ka sha kwagh ne man né fa er i lu TER A tindim sha u m̱ eren ityom ne cii ye, m gbe eren i sha ishima yam tsô ga.

Numeri 22:38

Balaam kaa a Balaki er: Nenge, m va her a we je ve, kpa kwaghôron yô, me fatyô u ôron ma kwagh jee? Kwagh u TER A ne ken zwa wam ka un je me ôr ye.

Numeri 23:12

A kaa a na er: Kera ka u me ver ishima me ôr kwagh u TER A ne ken zwa wam la tseegh gaa?

Numeri 23:16

Tsô TER va kohol Balaam, na un kwaghôron ken zwa. A kaa er: Hide hen Balaki, ka kwagh ne za ôr un ye.

Numeri 23:5

Tsô TER na kwaghôron ken zwa u Balaam, A kaa er: Hide hen Balaki, ka kwagh ne za ôr un ye.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

Luka 21:15

gadia Mo Me na ne zwa man mfe u mba ve hendan kwagh a ven cii vea fatyô u vendan ga, u nyiman kpaa ga yô.

1 Mbakorinte 11:23

Gadia mo yô, kwagh u m ngohol un hen Ter yô, m gema m na ne mer: Ter Yesu tôô bredi hen tugh mbu i nenge Un mker la,

1 Mbakorinte 15:1

Anmgbianev, m ngu pasen ne sha u fa nen Loho u Dedoo u m ôr ne, ne ngohol ne til sha mi la.

Duteronomi 18:18

Me ver ve Profeti, Una due ken anmgbianev vev, er we nahan; Me na akaaôron Am ken zwa Na, Una ôr ve akaa cii a Me kaa Un yô.

Duteronomi 5:31

Kpa we yô, tile a Mo heen, Mo Me ôr u atindi cii man akaawan kua akaaôron a jirigh a ú za tese ve sha u ve̱ eren sha a ken tar u M lu nan ve Mer ve̱ ngohol u la.

1 Samuel 16:3

Lôhô Yese nagh kula, Mo kpaa Me tese u kwagh u ú er yô; shighem un u Me ter u un la mkurem.