Ekesodu 39:6 - ICIGHAN BIBILO

⁶ Shi ve sôr awen a oniki a i wa a agbende a zenaria ken ijime, i gber ati a ônov mba Iserael sha mi, er ka i nger ikav sha kwagh nahan.

Ekesodu 39:6 Iomraidhean Croise

Yobu 28:16

Zenaria u Ofir kuma sha mi ga, shin oniki u taver ishe je kpaa ga, shin safir kpaa ga.

Ekesodu 25:7

man awen a oniki man shi awen a varen sha efodi man sha ikpa i sha vanger.

Ekesodu 28:11

I̱ lu or u fan u gberen akav sha iwen nana̱ er ye, er ka i gber akav sha kwagh nahan; gber ati a ônov mba Iserael sha awen ahar la; i̱ er a agbende a zenaria ken ijime.

Ekesodu 28:12

Var awen ahar la sha abamber a sha avande a efodi la, a̱ lu awen a umbur Mbaiserael a mi; Aron a̱ tôôn ati a ve sha avande a na ahar sha ishigh ki TER, sha er á umbur ve yô.

Ekesodu 28:9

Man shi tôô awen a oniki ahar, gber ati a ônov mba Iserael sha a;

Ekesodu 35:9

man awen a oniki man shi awen a varen sha efodi kua sha ikpa i sha vanger kpaa.

Ekesodu 39:5

Tsar na u zeren un a mi u a lu sha mi la, lu kwagh môm a na, shi lu inja i môm a na, sha ikondo i kwel man i nyian dindee man i nyian bong man ikondo i pupuu i kôngor i sha mou u sendan, er TER kaa Mose nahan.

Esekiel 28:13

U lu ken Eden, sule u Aôndo, hanma iwen i injaa cir u iyol: sardiu man topashi man daimondi, beril man oniki man yasepi, safir emeraldi man karbunkel; agbende a varen a sha mi sha u haren we a iyol yô, lu a sha zenaria; iyange i i gba u la, i vande sôron a, i ver a ver.