Ekesodu 34:7 - ICIGHAN BIBILO

⁷ u eren a ior udubu imôngo dedoo, u deen ifer man tindi u peren man isholibo; kpa u tsahan yô, deen ga, tsahan ônov sha ci u ifer i uter kua ônov mba ônov kpaa, zan zan kov u sha utar man shi u sha unyiin kpaa.

Ekesodu 34:7 Iomraidhean Croise

Genese 19:16

Kpa a er zô zô; ior mbala kôr un sha uwe kua kwase na man ônov nav mba kasev uhar, gadia Aôndo lu zungwen un mhôônom; ve due a na, ve ver un ken akôngo a gar.

1 Utor 8:30

Man shi ver ato ungwa zamber u wanakiriki Wou, man u ior Ou Iserael, zum u vea eren msen vea ver ishigh hen ijiir ne yô; een, ungwa Sha, sha ijiir You i teman la, man zum u U ungwa yô, de se kwaghbo.

1 Utor 8:32

ungwa Sha, er sha mi, ôr ijir i mbayev Ou, na iferor ibo, hide nan a ieren i nan sha ityough ki nan; man gema na or u mimi ishô, er a nan sha mimi u nan la.

2 Kroniku 30:9

Gadia aluer shi nea gema hen TER yô, anmgbianev enev kua ônov enev vea zua a mhôônom ma zungwen hen mba ve yem a ve uikangen la, shi vea hide hen tar ne je, gadia TER, Aôndo wen, ngu a erdoo, man shi zungu mhôônom kpaa, man Una gema ishigh Nagh her a ven kera ga, aluer né gema ishima né hire her a Na yô.

Nehemia 1:5

m kaa mer: TERE, Aôndo u Sha, Aôndo u hemban, u cier iyol, u wan ikuryan iko man erdoo a mba A doo ve ishima man ve we atindi Na iko yô.

Nehemia 9:32

Yô, Aôndo wase, u hemban, u ageegh, u cier iyol, u wan ikuryan man erdoo iko; ican ne cii i̱ de luun kwagh u kiriki sha ishigh You ga, ican i i tser se a utor asev man atiator a ase man upristi asev man uprofeti asev man uter asev kua ior Ou cii la, hii sha ayange a utor mba Ashiria je zan zan nyian ne.

Yobu 10:14

Aluer mea er kwaghbo yô, ma U verem ikav, ma U nem ishô sha ifer yam ga.

Upasalmi 103:3

u A de u aferakaa a ou cii, A bee u angev ou cii,

Upasalmi 109:14

Ifer i uter nav i̱ lu kwagh u á umbur sha ishigh ki TER; i̱ de koughon isholibo i ngô na kera ga,

Upasalmi 130:4

Kpa We U ngu a mde u asorabo, sha er á cia U yô.

Upasalmi 136:10

A tsaha Igipiti, A wua ônov vev mba iundav, gadia erdoo Na ka u tsôron gbem sha won;

Upasalmi 136:15

kpa A gbihi Farao a ikumutya na shin Zegemnger u Nyian, gadia erdoo Na ka u tsôron gbem sha won;

Upasalmi 25:11

Sha ci u iti You yô, TERE, dem iferkwagh yam, gadia i vese.

Upasalmi 86:15

Kpa We yô, Tere, U ngu Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je.

Upasalmi 99:8

U rumun imo ve, TERE, Aôndo wase, U lu ve Aôndo u den ve asorabo, shin er U or iyev sha aeren a ve a bo nahan kpaa.

Ekesodu 23:21

Ver nen ishima sha a Na, ver nen ato sha imo Na kpaa; shi de hendan nen a Na ga; gadia Una de ne asorabo a en ga; gadia iti Yam ngi ken a Na.

Ekesodu 23:7

Lu ca a kwagh u aiegh; de woo orishôôgh man orperapera ga; gadia Me na oriboogh ishô ga.

Ekesodu 33:19

A kaa er: Me er mdoom Am cii maa kar sha ishigh you, shi Me yôô iti i TER sha ishigh you kpaa; Me rumun or sha mhôôn, u i lum pe rumun nan yô; Me zungwe or mhôônom u i lum pe zungwen nan yô.

Ekesodu 34:9

A kaa er: TERE, aluer doo U a mo yô, TER ma A ze a vese imôngo, gadia ka ior i taver ityough yum; de se ifer yase man isholibo yase kpaa, ngohol se, se̱ lu dyako Wou.

Yesaia 45:21

Pase nen, due nen a mi; ve̱ hen kwagh ayol a ve: Ka anti nan tese kwagh ne, hii sha ayange a tsuaa la je? Ka anti nan pase kwagh ne sha ayange a tsuaa la? Kera ka Mo TER gaa? Ma aôndo ugen kpaa ngu ga, saa Mo; Aôndo u jighilii man u yiman kpaa ngu ga, saa Mo.

Yeremia 30:11

Gadia M ngu a we je, kape TER A kaa ne, sha u yiman we; gadia Me tim akuraior cii, a M sambe u ken a la; kpa we yô, Me tim u cii ga, kpa me tsaha u akuma akuma, Me gba den we nahan tsô ga.

Yeremia 32:18

We u U zungu ior udubu imôngo mhôônom man u oron iyev sha ifer i uter, U haa ônov vev mba ken ijime ve la, ikum; ka Aôndo u vesen, u hemban agee, TER u akum a Sha; ka iti Na je la;

Yeremia 9:24

kpa u i sar nan ka tan ihagh yô, nana̱ ta ihagh sha kwagh ne, er nan kav man shi nan fam, er Mo M lu TER u eren dedoo, u ôron ijir sha mimi man u eren perapera sha tar, gadia ka akaa ne a doom ye, kape TER A kaa ne.

Daniel 9:4

Tsô m sôn TER, Aôndo wam, m rumun ibo kpaa, m kaa mer: Tere, Aôndo u hemban, u cier iyol, u U we ikuryan man mhôônom ma zungwen iko a mba U doo ve ishima man mba ve eren sha atindiakaa a Ou kpaa yô;

Daniel 9:9

Ka hen TER, Aôndo wase, mhôônom ma zungwen man mde u asorabo ve lu ye; gadia se hendan a Na;

Mika 6:11

Aluer Mea rumun uikaren mba aiev, man iba u a iv a uikaren mba icughugh kpaa yô, shi Me lu wang je kpa?

Mika 7:18

Ka an nan lu Aôndo er We nahan, u U deen iferkwagh man U deen atindi a peren a asande a dyako Wou a a shi her laa? Ishima i nyoon We gbem ga, sha ci u erdoo doo U.

Nahum 1:6

Ka an nana fatyô u hendan ishigh a iyugh Na? Ka an nana fatyô u teman hen mtsee u ishimavihin Na? Iyugh Na ngi haan er ka usu yô, avande nga paven sha ishigh Nagh.

Mateu 12:31

Kape i lu man M kaan ne Mer: Hanma isholibo man hanma ityuhwanev kpaa á de ior; kpa ityuhwanev mbi i toho Jijingi yô,á de ior mayange ga.

Mateu 6:12

man de se anzô ase di er se kpaa se deen mba ve gbe anzô hen vese la nahan;

Luka 7:42

Man mba fetyô u kimbin ga yô, a de ve mbauhar mbala cii anzô ve. Ken ve yô, ka anti á hemba doon nan a naa?

Luka 7:48

Tsô A kaa a kwase la er: I de u asorabo a ou ve.

Aerenakaa A Mbaapostoli 13:38

Nahan yô, anmgbianev, fa nen, ka ken a Na je man i lu yôôn ne mde u asorabo ye,

Aerenakaa A Mbaapostoli 5:31

Ka Un je Aôndo kende Un sha sha uwegh Nagh ku yanegh sha u A̱ lu Orhemen man Oryiman, sha u A̱ na Iserael mgemshima man A̱ de ve asorabo kpaa ye.

Mbaefese 1:7

Ken a Na yô, se mba a mpaa u sha awambe Na man shi mde u gbev mbu nôngon sha mrumun Na u sha mhôôn u ngeen yum la,

Mbaefese 4:32

Kpa lu nen sar sar ayol a en, zungwen nen mhôônom, de nen ayol a en kwaghbo, er Aôndo kpaa A de ne ken Kristu nahan.

Duteronomi 32:35

Iyevoron ka i Yam man mkimbi kpaa, shighe u nguhar ve ua lyemen yô; gadia iyange i ican i mtim ve kuma ve, akaa a á va tser ve la, aa va fese je.

Duteronomi 7:10

oron iyev sha mba ve ker Un ihom sha ishiv vev je, timin ve; Una de or u nan ker Un ihom ga, Una or iyev sha nan sha ishigh ki nan je.

Duteronomi 7:9

Yô, fa, TER, Aôndo wou, Un ka Aôndo; Aôndo u jighjigh, u A we iko sha ikuryan man erdoo a mba A doo ve ishima man ve we atindi Na iko, zan zan ikov dubu je yô,

Mbaheberu 12:29

Gadia Aôndo wase ka usu u hian kwagh kera.

Yosua 24:19

Tsô Yosua kaa a ior er: Ne fatyô u civir TER ga; gadia Un ka Aôndo u wang; ka Aôndo u gban iwuhe Una de ne akaabo a en kua asorabo a en ga.

1 Yohane 1:9

Aluer se pase asorabo ase yô, Un ngu jighjigh man u perapera Una de se asorabo man Una wanger se aferakaa kera cii.

Mpase U Yohane 20:15

Man aluer i nenge i nger or ken ruamabera u uma la ga yô, i kende nan ken berusu je.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.