Ekesodu 34:6 - ICIGHAN BIBILO

⁶ TER kar sha ishigh nagh gba yôôn er: TERE, TERE, Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je,

Ekesodu 34:6 Iomraidhean Croise

Genese 24:27

Man a kaa er: I̱ wuese TER, Aôndo u terem Aberaham, u A bunde erdoo man mimi Na a terem ga yô; mo yô, TER hemen mo sha gbenda zan zan va nyôr a mo hen ya u anmgbianev mba terem.

2 Samuel 24:14

Davidi kaa a Gadi er: Kondom iyol kpishi je; yô, sé gba sha ikev i TER tsô; gadia mhôônom Nam ma zungwen ma vese, de rumun wer m̱ gba sha ikev i or ga.

1 Utor 19:11

Tsô A kaa a na er: Due, tile sha uwo ne sha ishigh ki TER. Tsô nenge, TER va kar, zegeahumbe u taver za va, a pav uwo, hembe avande sha ishigh ki TER; kpa TER lu ken ahumbe ga; ahumbe la nga kar kera yô, tar tenger; kpa TER lu ken tartenger la ga;

1 Utor 8:30

Man shi ver ato ungwa zamber u wanakiriki Wou, man u ior Ou Iserael, zum u vea eren msen vea ver ishigh hen ijiir ne yô; een, ungwa Sha, sha ijiir You i teman la, man zum u U ungwa yô, de se kwaghbo.

2 Kroniku 30:9

Gadia aluer shi nea gema hen TER yô, anmgbianev enev kua ônov enev vea zua a mhôônom ma zungwen hen mba ve yem a ve uikangen la, shi vea hide hen tar ne je, gadia TER, Aôndo wen, ngu a erdoo, man shi zungu mhôônom kpaa, man Una gema ishigh Nagh her a ven kera ga, aluer né gema ishima né hire her a Na yô.

Nehemia 9:17

ve venda u ungwa kwagh, ve umbur akaa a kpilighyol a Ou a U er hen ve la ga, kpa ve nômbo ikôr; sha mhendan ve la je, ve ver orhemen ugen sha u vea hide vea za lu ikpan her. Kpa U ngu Aôndo u den asorabo, U mgbough a mrumun u sha mhôôn man mhôônom ma zungwen man ishima i wan kua erdoo wuee, U gbihi ve kera ga.

Upasalmi 108:4

Gadia erdoo Wou vese, kar Usha je, mimi Wou kpaa ar sha ikwavaôndo je.

Upasalmi 111:4

A er ityom Na i kpilighyol er á umbur i yô; TER ngu a mrumun u sha mhôôn man mhôônom ma zungwen kpaa.

Upasalmi 111:8

ve taver gbem, mayange á kera bee ga, i er ve sha mimi man perapera kpaa.

Upasalmi 112:4

Iwanger due kôndo sha ken ime sha ci u mba ve lu a mimi yô, a mrumun u sha mhôôn man mhôônom ma zungwen man perapera kpaa.

Upasalmi 116:5

TER ngu a mrumun u sha mhôôn man perapera kpaa, Aôndo wase zungu mhôônom.

Upasalmi 138:2

Me gure me ver ishigh sha icighantempel Wou, me wuese iti You sha erdoo Wou man sha mimi Wou kpaa, gadia U kende a iti You sha hemba a kaa agen cii.

Upasalmi 145:8

TER mgbough a mrumun u sha mhôôn man mhôônom ma zungwen kpaa, ishima vihin Un fefa ga, erdoo Na ngee wuee.

Upasalmi 146:6

u A gbe Sha man tar, kua zegemnger man akaa a a lu shimi cii kpaa yô, u A lu jighjigh gbem sha won,

Upasalmi 31:19

Kpash! Mdoon Ou vese je, ma U ver sha ci u mba ve cie U la, ma U ser sha ci u mba ve suur sha a We, sha ishigh ki ônov mba iorov yô!

Upasalmi 57:10

Gadia erdoo Wou vese ar sha Usha je, mimi Wou kpaa ar sha ikwavaôndo je.

Upasalmi 86:15

Kpa We yô, Tere, U ngu Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je.

Upasalmi 86:5

Gadia We, Tere, U doo, U kegh iyol u den kwaghbo, erdoo Wou ngee a mba ve yer sha iti You cii.

Upasalmi 91:4

Una cir u sha akper a Na, ka ken atô u akper a Na je, ú yer ye; mimi Na ka perutya man akuvautya.

Ekesodu 20:5

De gur ve inya ga, shi de civir ve kpaa ga; gadia Mo TER, Aôndo wou, M ngu Aôndo u gban iwuhe; M tsahan mbayev sha ci u iferkwagh i uter zan zan ikov itiar man inyiin kpaa i mba ve kerem ihom;

Ekesodu 22:27

gadia ka un tseegh a lu kwagh na u cirin ye, ka ikondo i cirin kwavyolough na je la. Ka nyi una yav a mini? Nahan yô, zum u una vaa a Mo yô, Me ungwa; gadia M ngu a mhôônom ma zungwen.

Ekesodu 33:19

A kaa er: Me er mdoom Am cii maa kar sha ishigh you, shi Me yôô iti i TER sha ishigh you kpaa; Me rumun or sha mhôôn, u i lum pe rumun nan yô; Me zungwe or mhôônom u i lum pe zungwen nan yô.

Anzaakaa 3:3

Erdoo man mimi ve̱ de undun we ga, har ve sha mon wou, nger ve sha kpande u ishima you,

Orpasenkwagh 8:11

Ka er i kur ijirôron i sha tom u ifer fefa ga yô, man ishima i ônov mba iorov i taver sha u eren ifer nahan ye.

Yesaia 12:4

Sha iyange la kpaa nea kaa ner: Wuese nen TER, yila nen sha iti Na, pase nen ityom Na hen ior, ter nen Un er i kende a iti Na sha yô.

Yesaia 65:16

sha u or u nan ver iyol i nan doo doo shin tar yô, nana ver iyol i nan ken Aôndo u mimi, man u nan bumun shin tar yô, nana bum Aôndo u mimi; sha ci u mbamzeyol mba tsuaa la hungul ve kera, i yer ashe Am ve je.

Yeremia 32:18

We u U zungu ior udubu imôngo mhôônom man u oron iyev sha ifer i uter, U haa ônov vev mba ken ijime ve la, ikum; ka Aôndo u vesen, u hemban agee, TER u akum a Sha; ka iti Na je la;

Yeremia 9:24

kpa u i sar nan ka tan ihagh yô, nana̱ ta ihagh sha kwagh ne, er nan kav man shi nan fam, er Mo M lu TER u eren dedoo, u ôron ijir sha mimi man u eren perapera sha tar, gadia ka akaa ne a doom ye, kape TER A kaa ne.

Ukwelegh 3:23

ve mba hegh hanma sev; jighjigh Wou gba ikôr.

Yoel 2:13

ande nen asema a en, i̱ de kera lu akondo ga; gema nen hen TER, Aôndo wen, gadia ngu a mrumun u sha mhôôn, a mgbough a mhôônom ma zungwen, we ishima man ngu a erdoo tsung, ka A vaa afanyô sha kwagh u bo u A we ishima u eren la.

Yona 4:2

Tsô A sôn TER, a kaa er: TERE, ka kwagh u iyange m vande kaan, je er m lu ken tar wam la gaa? Ka nahan man iyange m gba yevese yemen Tarshishi ye; gadia m fa er U lu Aôndo u mhôônom ma ker U man u zungu mhôônom, U wan ishima, man U ngee a erdoo, man U deen ifer kpaa.

Mika 7:18

Ka an nan lu Aôndo er We nahan, u U deen iferkwagh man U deen atindi a peren a asande a dyako Wou a a shi her laa? Ishima i nyoon We gbem ga, sha ci u erdoo doo U.

Mika 7:20

Ú tese Yakob mimi man Aberaham di erdoo, u U vande bumun a uter asev hii sha ayange a tsuaa la je yô.

Nahum 1:3

TER we ishima, tahav Nav vese, kpa u tsahan yô, deen ga. Gbenda Na ngu ken ihiar man ken ijeverahumbe, abeen ka ihundu i shin angahar a Na.

Numeri 12:8

M er kwagh a na sha zwa wanger wanger je, ka lun kwaghôron u cimin ga, nengen mlu u TER er A lu yô; man ka nyi ne cie u ôron kwaghvihin sha wanakiriki Wam, Mose ga?

YOHANE 1:17

Gadia i na atindiakaa a va sha ikev i Mose, kpa mrumun u sha mhôôn man mimi yô, gema ka ken Yesu Kristu ve va ye.

Mbaromanu 2:4

Shin u ngu tsumen sha kwagh u erdoo Na u ngeen yum la man bem Na man ishimawan Na; u kera fa er erdoo u Aôndo a lu zan a we ken mgemshima gaa?

Duteronomi 32:3

Gadia me yôô iti i TER. Wuese nen Aôndo wase er A hembe yô.

Duteronomi 4:31

gadia TER, Aôndo wou, ka Aôndo u zungwen mhôônom je; Una kende u ga, shi Una tim u kpaa ga, man ikuryan i A ye a uter ou la kpaa ia hungul Un ga.

Duteronomi 5:10

kpa mba M doo ve ishima man ve we atindi a Am iko yô, M eren a udubu vev imôngo dedoo.

Yakobu 5:11

Mba ve taver ishima yô, ka se yila ve ser, mba i saan ve iyol. Ne ungwa er Yobu a taver ishima yô, man shi ne nenge mkur u Ter kure kwagh na yô, mhôônom ma ker Ter man shi zungu mhôônom kpaa.