Ekesodu 33:4 - ICIGHAN BIBILO

⁴ Zum u ior ungwa mkaanem ma bom man, nahan ve gba zungwen; mô kera haa ikav mbi nan mbi hweev ga.

Ekesodu 33:4 Iomraidhean Croise

2 Samuel 19:24

Mefibosheti wan u Saulu kpaa va sha u va keghen tor gbenda; angahar a na tsô kpa, a ôô ga, indyer na kpaa a sôr ga, akondo na kpaa a ôô ga, hii sha iyange i tor mough je zan zan iyange i a kar hiden doo doo la.

1 Utor 21:27

Tsô, zum u Ahaba ungwa akaaôron ne yô, a ande akondo a na, a ta ikondo uya, a hôr kwaghyan, a yav a ikondo uya, a gba zenden teghelee teghelee.

2 Utor 19:1

Tsô zum u tor Hesekia ungwa kwagh ne yô, a ande akondo a na, a haa iba iyol, a za nyôr ken iyou i TER.

Esera 9:3

Zum u m ungwa kwagh ne yô, m ande ikondo yam kua riga wam kpaa, man m gbera ice yam i sha ityou man indyer yam kpaa, m tema kông.

Yobu 1:20

Tsô Yobu mough ande riga na, tolough ityough nagh, a gba inya, a gure a civir;

Yobu 2:12

Kpa er ve ta ashe ve za nenge a na ken ica je, man ve kav un ga yô, ve gba vaan genger genger; tsô hanmô ve ande riga u nan, ve tsenda inya sha, i va haa ve sha ityou.

Ekesodu 33:6

Mbaiserael maa hii u den ikav mbi hweev hen uwo u Horebi la je.

Yesaia 32:11

Mciem ma̱ ta ne iyol, ne kasev mba ishima i nyian ne sha kwagh ga ne; gbidye nen ikarikase iyol, ne mba ne we iko sha kwagh ga ne; er nen akondo kera, lu nen idyelegh, ta nen ikondo uya.

Esekiel 24:17

Shir ishima teghelee, de kera zungu ku u orkpen ga, kange atsar sha ityou, wa akôv a ou shin angahar, de cirin zwa wou ga man de kera ye kwaghyan u ior ve va u a mi la ga.

Esekiel 24:23

Atsar a en aa lu ne sha ityou man akôv a en kpaa shin angahar; man nea zungwe shin nea vaa kpaa ga, kpa nea use ken afer a en, man hanma or nana toghor ican a ugen.

Esekiel 26:16

Nahan utor mba hen zegemnger cii vea hungwa sha mkônom vem ma torom, vea er uriga vev, man vea bugh akondo ve a sha hwe la kera; vea gema vea cir ikarikase iyol, vea tema inya, vea zer gbidyen ikarikase iyol, man á kondo ve iyol sha ci wou.

Hosea 7:14

Ve yilam sha ishima i môm ga, kpa mba ngoron sha ugambe vev; ve tôndo avav iyol ayol a ve sha ci u samuyia man wain u he; mba hendan a Mo.

Levitiku 10:6

Mose gema kaa a Aron man ônov nav Eleasar man Itamar, er: De lu nen ityough meghaa ga, man de anden nen akondo a en kpaa ga, sha er né kpe ga, man A̱ de yugh ior cii kpaa ga yô; kpa anmgbianev enev, ya u Iserael cii yô, ve̱ gba vaan usu u TER A nande la tsô.

Yona 3:6

Loho la za ar hen tor u Nineve kpaa, nahan a mough sha ikônough nagh ki torough kera, a er riga na, a ta ikondo uya, a za tema shin mtwe.

Sekaria 7:3

ve̱ za pine upristi mba sha iyou i TER u akum a Sha man uprofeti, er: M̱ vaan, man m̱ hôron kwaghyan sha uwer u sha utaan, er m vande eren anyom a a kar kpishi la nahan shinii?

Sekaria 7:5

Ôr kwagh a ior mba hen tar ne cii man a upristi kpaa, kaa wer: Er ne lu hôron kwaghyan man zungwen sha uwer u sha utaan man u sha utaankaruhar la, anyom a akunduatargber ne cii, lu sha ci Wam je ne hôr kwaghyan ye he?

Numeri 14:1

Tsô ior cii ger mliam, ior tsa vaan tugh mbula.

Numeri 14:39

Mose er Mbaiserael akaa ne cii yô, ior gba zungwen tsung.

1 Samuel 6:19

Tsô A wua ior mba Bete-Shemeshi sha ci u ve kenger areki u TER yô; A wua ior akunduatargber, ior akunduahargber sha dubu; nahan ior zungwe sha ci u TER A woo ior kpishi yum yô.