Ekesodu 33:3 - ICIGHAN BIBILO

³ u zan hen tar u atumbabua man iyough ve dumbur ker la, gadia Mo Me zaan hen atô wou a we imôngo ga, gadia we u ngu ikurior i taver ityough, sha er Me tim u sha gbenda ga yô.

Ekesodu 33:3 Iomraidhean Croise

2 Utor 17:14

Nahan kpaa, ve venda u ungwan, ve nômbo ikôr, er uter vev mba ve na TER, Aôndo ve, jighjigh ga la nahan.

Upasalmi 78:8

ve̱ de kera luun er uter vev ga, kov u taver ityough u henda kwagh, kov u tilen a ishima i u vough ga, u ishima i u i lu jighilii a Aôndo ga la.

Ekesodu 13:5

Yô, zum u TER Una za a we ken tar u Mbakanaan man Mbahiti man Mbaamor man Mbahivi man Mbayebushi, u A bum a uter ou er Una na u u la, tar u atumbabua man iyough ve dumbur ken u la yô; shighe la, wa iko u eren ieren ne sha uwer ne je

Ekesodu 23:21

Ver nen ishima sha a Na, ver nen ato sha imo Na kpaa; shi de hendan nen a Na ga; gadia Una de ne asorabo a en ga; gadia iti Yam ngi ken a Na.

Ekesodu 3:17

man shi M kaa Mer: Me due a ven ken ican i ken Igipiti, Me yem a ven ken tar u Mbakanaan man Mbahiti man Mbaamor man Mbaperishi man Mbahivi man Mbayebushi, tar u atumbabua man iyough ve dumbur ker la.

Ekesodu 3:8

Nahan M sen sha u Me va yima ve sha ikev i Mbaigipiti, Me due a ve ken tar la, Me yem a ve ken tar u dedoo man u kehen kpaa, tar u atumbabua man iyough ve dumbur ker yô; ka ker ape Mbakanaan man Mbahiti man Mbaamor man Mbaperishi man Mbahivi kua Mbayebushi ve tem la.

Ekesodu 32:14

Tsô TER gema ishima de kwaghbo u A kaa er Una er ior Nav la.

Ekesodu 33:5

TER shi kaa a Mose er: Kaa Mbaiserael wer: Ne mba ior i taver ityough yum; aluer Me zaan hen atô wou a ven imôngo anshighe kpeghee tsô kpaa, Me tim ne kera; ahegen yô, er ikav youv mbi hweev kera, man Me fa er Me er a we ye.

Ekesodu 34:9

A kaa er: TERE, aluer doo U a mo yô, TER ma A ze a vese imôngo, gadia ka ior i taver ityough yum; de se ifer yase man isholibo yase kpaa, ngohol se, se̱ lu dyako Wou.

Yesaia 48:4

Gadia M fa, u taver ityough, mon wou ka gbelaiyôgh, man icul you ka togula je;

Yeremia 11:5

sha u Me kure mbum u M bum a uter enev, Mer, Me na ve tar u atumbabua kua iyough ve dumbur ker la, er i lu nyian nahan ne. Tsô m rumun, mer: Amen, TERE.

Esekiel 20:6

Sha iyange la je M bum a ve Mer: Me due a ve ken tar u Igipiti, Me va a ve ken tar u lu M tsuwa sha ci ve la, tar u dumbur a atumba man iyough, u hemba ityar igen cii mdoom.

Levitiku 20:24

Kpa ne yô, M kaa ne Mer, ka ne né ya dyako u tar ve ye, Mo Me na ne u, u̱ hingir kwagh wen jim, ka tar u atumbabua a dumbur ken u kua iyough kpaa; ka Mo TER M lu Aôndo wen u M ver ne kposo a akuraior yô.

Yona 3:10

Aôndo nenge aeren a ve er ve gema ishima ve undu gbenda ve u bo la, nahan Aôndo de kwagh u bo u A wa ishima u eren ve la; A kera er un ga.

Yona 3:4

Yona hii u nyôron ken gar, a zende zende u iyange i môm, a genger imo, a kaa er: Shi ayange akunduahar tsô á yôhôl Nineve ne.

Numeri 13:27

Ve ôr un er: Se za ken tar u u tindi se la, mimi je, atumbabua dumbur ken u man iyough; ka atam a ikon a ker je ne.

Numeri 14:12

Me tsaha ve sha bouange, Me ngohol ve dyako ve kera Me gema u ú hingir ikurior i ia hemba ve iyenge man agee kpaa.

Numeri 14:8

Aluer i doo TER a vese yô, Una nyôr a vese ken tar la, Una na se u; ka tar u atumbabua man iyough ve dumbur ken u.

Numeri 16:13

er u dugh a vese ken tar u atumbabua man iyough dumbur ker la wer, ú va wua se ken desereti ne, nahan ka kwagh u kiriki? Shi ka u ka yan tor sha vese kpaa ha?

Numeri 16:21

Due nen ken ior mban kera, M tim ve icin i môm.

Numeri 16:45

Kar nen hen ior ne kera, Me tim ve icin i môm; tsô ve gure ve kuma ishiv inya.

Aerenakaa A Mbaapostoli 7:51

Ne mbatavertyough mban, ne mbatsôngon asema man ato ga ne, ne mba hendan a Icighan Jijingi gbem je; er uter enev lu er nahan, kape ne kpaa ne eren je ne.

Duteronomi 4:24

Gadia TER, Aôndo wou, ka usu u hian, ka Aôndo u gban iwuhe je.

Yosua 5:6

Gadia Mbaiserael zende ken toho anyom akunduahar zan zan ior cii, ka nomso mbanôngontyav mba ve due ken Igipiti je la, ve saa kera, sha ci u ve ungwa imo i TER ga yô; TER kpaa bum a ve er, Una de ve, ve̱ nenge tar u TER lu bum a uter vev, er Una na se la, ga, tar u dumbur a atumbabua man iyough la.

1 Samuel 2:30

Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.