1 Tsô TER kaa a Mose er: Mough heen, we kua ior mba u due a ve ken tar u Igipiti ne, yem nen ken tar u M bum a Aberaham man Isaka man Yakob M kaa Mer: Ka tsombor wou je Me na u u ye;
Ka sha iyange la man Aôndo ya ikur a Aberam ye. Ka tsombor wou je, Me na u tar ne ye, hii hen ifi u Igipiti zan zan za ar hen zegeifi, ka ifi u Uferati je la:
Lu shir ken tar ne, Mo kpaa Me lu a we, Me ver u doo doo; gadia ka we kua tsombor wou Me na ne ityar ne cii ye, Me taver mbum Wam, u M bum a teru Aberaham la;
Tsô Yosev kaa a anngôôv nav er: M ngu kpen; Aôndo Una va sôr ne kpee je, Una due a ven ken tar ne, Una yem a ven ken tar u A bum er Una na Aberaham man Isaka man Yakob yô.
Yô, imura lu kôron ior, nahan ior gba zan Mose ivever iyol pinen er: Ka nyi u dugh a vese ken tar u Igipiti wer u va wua se a ônov asev kua uzendenya asev sha imura?
Zum u ior nenge er Mose tsa sha uwo, kera hungwa ga yum yô, ior va kohol hen Aron, ve kaa a na er: Mough, er se mbaaôndo mba vea hemen se yô; gadia Mose or u a dugh a vese ken tar u Igipiti ne yô, se fa kwagh u a za er un ga.
Umbur mbayev Ou, Aberaham man Isaka man Iserael, mba U bum a ve sha iyol You je, U kaa a ve Wer: Me seer tsombor wen ua ngee er asan a Sha nahan; man tar u M ter kwagh u u ne cii Me na tsombor wen, ú ya dyako u u gbem sha won.
Ahegen yô, za za hemen ior, za a ve hen ijiir i M kaa u la; nenge, ortyom Wam una hemen we; nahan kpaa, sha iyange i Me va u va tsahan yô, Me tsaha ve sha isholibo ve.
Kpa ne yô, M kaa ne Mer, ka ne né ya dyako u tar ve ye, Mo Me na ne u, u̱ hingir kwagh wen jim, ka tar u atumbabua a dumbur ken u kua iyough kpaa; ka Mo TER M lu Aôndo wen u M ver ne kposo a akuraior yô.
Ka mo m wa iyav mbu ior mban yee? Ka mo m mar ve shinii, ve U kaan a mo Wer: Kôr ve sha ikum er yese ka a kôr wan u man atumba nahan, a ve hen tar u U bum Wer Ú na uter vev la yee?
Nenge, M gema tar la m na ne; yô, nyôr nen, ngohol nen tar la, u TER lu bum a uter enev, Aberaham man Isaka man Yakob, er Una na ve u, kua vor ve u ken ijime ve la.