Ekesodu 32:8 - ICIGHAN BIBILO

⁸ Ve undu gbenda u M kaa ve Mer ve̱ za sha mi la kera kpaa, ve er wanbua u keren a ker, ve va gure un inya, ve na un nagh, ve kaa er: Iserael ka mbaaôndo ou, mba ve dugh a we ken tar u Igipiti je ne.

Ekesodu 32:8 Iomraidhean Croise

1 Utor 12:28

Nahan tor hen kwagh, a gema a er anibuav uhar sha zenaria; a kaa a ve er: Ne za ken Yerusalem kuma ve; nenge mbaaôndo ou, we Iserael, ka mba ve due a we ken tar u Igipiti je ne.

Nehemia 9:18

Een, je yô, shighe u ve haa wanbua la, ve kaa er: Ngun ka Aôndo wou u A dugh a we ken tar u Igipiti je ne, man ve er kwagh u ndôhôrshima kpishi,

Upasalmi 106:19

Ve er wanbua hen Horebi, ve gure ve civir eev mbu i ker a ker mbu yô,

Upasalmi 78:36

Kpa ve bume Un sha zwa, ve tsugh Un sha nombor ve.

Ekesodu 20:23

De eren nen ma kwagh seer sha a Mo ga; de eren nen mbaaôndo mba sha azurfa shin mba sha zenaria ga.

Ekesodu 22:20

Or u nan ne ma aôndo ugen nagh ku sôngon i lu TER tseegh ga yô, i̱ tim nan kera purututu.

Ekesodu 32:4

A ngohol i sha ikev ve, a sôr i sha kanji, a er wanbua a mi, a ker; tsô ve kaa er: Iserael, ka mbaaôndo ou mba ve dugh a we ken tar u Igipiti je ne!

Ekesodu 34:15

De ye ikur a ior mba ken tar la je ga, gadia zum u vea eren idya sha u dondon mbaaôndo vev, shi nan mbaaôndo vev nagh kpaa yô, vea lôhô u, we kpaa ú za ya nagh vegh kura;

Yesaia 46:6

Ve mba ve haa zenaria u ken ikpa hen inya, man shi ve karen azurfa sha iyôgh ki karen kwagh a min la, ka ve er tôndo a orvarenzenaria er nana̱ er aôndo a mi; maa ve gule inya ve civir!

Yeremia 31:32

kpa ia kera lu sha inja i ikuryan i M ya a uter vev ayange a M kôr ve uwegh sha u duen a ve ken tar u Igipiti la ga—ikuryan Yam i ve vihi la, shin er M lu ter ve je nahan kpaa, kape TER A kaa ne.

Levitiku 17:7

Ve̱ de kera senge iniav vev ve̱ naan ujijingi mba bov mba ve lu dondon ve, ve eren idya la ga. I̱ hingir ve tindi u gbem sha won sha ikov ikov.

Duteronomi 32:17

Ve na ujijingi mba bov mba ve lu Aôndo ga la nagh, mbaaôndo mba ve fe ve ga, mbaaôndo mba hev, mba ve dugh ainge ne, mba uter enev cia ve ga la.

Duteronomi 9:12

TER kaa a mo er: Mough heen, hungwa fese, gadia ior ou mba u dugh a ve ken Igipiti la, ve er kwagh u dang ve; ve undu gbenda u M kaa ve la fese je, ve gema ve ker eev.

Duteronomi 9:16

Tsô m nenge er ne er TER, Aôndo wen, isholibo je yô; ne er wanbua ne ker un a ker, ne undu gbenda u TER, Aôndo wen, A kaa ne la fese je.

Yosua 22:15

Ve va hen ônov mba Ruben man ônov mba Gadi kua vegherkwe u Manase ken tar u Gileadi, ve va ôr kwagh a ve, ve kaa er:

Mbaajiriv 2:17

Nahan kpaa ve ver ato sha mbaajiriv vev ga, kpa ve er idya sha u dondon mbaaôndo mbagenev, ve gure ve civir ve; ve kaha fese, ve undu gbenda u uter vev lu zan sha mi waan atindi a TER iko la; ve yô, ve kera er nahan ga.

Mbaajiriv 8:24

Tsô Gidion kaa a ve er: Sarem ka sônon ne kwagh; hanmô wen ma nan nem iyôgh ki ken ato ki nan zough a mi sha ishar i yan yô. Gadia ve lu a iyôv mbi zenaria ker ato, sha er ve lu Mbaishemael yô.