Ekesodu 32:2 - ICIGHAN BIBILO

² Tsô Aron kaa a ve er: Tsuwa nen ikunya i zenaria i ken ato a kasev enev man ônov enev mba nomso kua mba kasev la, va nam nen i.

Ekesodu 32:2 Iomraidhean Croise

Genese 24:22

Tsô urakumi mba til mngerem ma man yô, or la tôô kunya u zenaria u wan sha ihinga, myohom ma u kuma veghershekel je, man ahye ahar a wan ken ave, myohom ma a kuma ushekel mba zenaria pue.

Genese 24:47

Tsô m pine un mer: U ngu wan u ana? A kaa er: Ka wan u Betuel, wan u Nahor, u Milka a mar a na yô; tsô m wa un kunya sha ihinga man ahye sha ave na kpaa.

Ekesodu 20:23

De eren nen ma kwagh seer sha a Mo ga; de eren nen mbaaôndo mba sha azurfa shin mba sha zenaria ga.

Ekesodu 32:3

Tsô ior cii tsuwa ikunya i ve wa ken ato la, ve va na Aron.

Ekesodu 35:22

Ve va nomso man kasev, hanmôv mba asema a doo ve, ve va a akaa a hweegh a sha vanger man inyarev mbi wan ken ato man ikunya i lun a akav man akaahweegh a zeren sha iker, lu akaa a sha zenaria cii. Hanma or u nan lu a nagh ku zenaria ku nan TER,

Anzaakaa 25:12

Er kunya u zenaria u ken to, man kwagh u hweegh u zenaria u wang a lu nahan, kape or u yangen kwagh sha kwaghfan nan lu hen togh ku ungwan ikaan la.

Yesaia 3:19

man inyarev mbi ken ato man mbi sha ave, kua akondo a yisan ishigh la kpaa,

Yesaia 30:22

Nea hôngor ieev you mbi gban a gba mbi i cir mbi azurfa iyol la, man ieev you mbi haan a haa mbi i cir mbi zenaria iyol la; wea haa mbi kera er kwagh u hôngorough nahan; wea kaa a mbi wer: Kar heen kera.

Esekiel 16:17

Man shi u tôô ikav you mbi hweev mbi sha zenaria Wam man sha azurfa Wam mbi M ne u yô, u er ieev mbi nomso a mi, u er idya sha mi.

Hosea 2:8

Gadia a kera fa er i lu Mo M ne un samuyia man wain man mkurem, man M seer un azurfa man zenaria mba ve gem ve ne Baal la ga.