Ekesodu 32:1 - ICIGHAN BIBILO

¹ Zum u ior nenge er Mose tsa sha uwo, kera hungwa ga yum yô, ior va kohol hen Aron, ve kaa a na er: Mough, er se mbaaôndo mba vea hemen se yô; gadia Mose or u a dugh a vese ken tar u Igipiti ne yô, se fa kwagh u a za er un ga.

Ekesodu 32:1 Iomraidhean Croise

Genese 19:14

Tsô Loti due ôr kwagh a ônov nav mba kemev mba ve sôôr ônov nav yô, a kaa er: Mough due nen hen ijiir ne kera; gadia TER timin gar ne je ne; kpa ônov nav mba kemev yô, lu ve er ka asenge a eren yô.

Genese 21:26

Abimeleki gema kaa er: M fa or u nan er kwagh ne ga; we kpaa u kaam ga, mo kpaa, m ungwa ga, saa nyian.

Genese 39:8

Kpa a venda, a kaa a kwase u ter na la er: Nenge, er mo m lu a terem yô, ma kwagh kera gba un u veren ishima sha mi ken ya na ga; akaa a na cii kpaa, a gema a wam sha ikev;

Genese 44:15

Yosev kaa a ve er: Ka nyi kwagh, ne er nahana? Ne kera fa er or er mo nahan nana fa kwagh la kpee gaa?

Genese 44:4

Tsô er ve due ken gar ve lu a gba ca ga je tsô, Yosev kaa a wanakiriki na u nengen un sha ya la er: Mough, zenda ior mban ijime; wea kohol ve yô, pine ve wer: Ka nyi ne or iyev i kwagh u dedoo sha ifer nahana?

Upasalmi 106:19

Ve er wanbua hen Horebi, ve gure ve civir eev mbu i ker a ker mbu yô,

Ekesodu 13:21

TER kar hemen ve gbenda atetan sha ibeenegh ki lun er ityôgh nahan sha u tesen ve gbenda; tugh yô, gema lu sha usu u lun er ityôgh nahan sha u nan ve iwanger, sha er ve̱ Zenden tugh kua tetan kpaa yô;

Ekesodu 14:11

Ve pine Mose er: Ka iwar i ban ken Igipiti ve u kor se wer se̱ va kpe ken toho yee? Ka nyi u er a vese nahan, u due a vese ken Igipiti?

Ekesodu 16:3

Mbaiserael kaa a ve er: Guda u ma se kpe sha uwegh ku TER ken tar u Igipiti zum u se teman a ityev mbi inyamev ikum se yaan bredi kuman se la; gadia ne va a vese ken desereti ne ner, né va wua nongoior ne cii sha ijen.

Ekesodu 20:23

De eren nen ma kwagh seer sha a Mo ga; de eren nen mbaaôndo mba sha azurfa shin mba sha zenaria ga.

Ekesodu 24:12

Tsô TER kaa a Mose er: Unde va her a Mo sha uwo, lu sha mi; yô, Me na u ikpande i awen man atindiakaa kua akaawan a M nger sha u tesen ve a yô.

Ekesodu 24:18

Tsô Mose nyôr ken atô u ibeenegh kila, gba unden sha uwo. Mose tsa sha uwo ayange akunduahar man aime akunduahar.

Ekesodu 32:11

Kpa Mose zamber a TER, Aôndo na, er: Ku TERE, ka nyi man iyugh You i mough a ior Ou ityô, mba U dugh a ve ken tar u Igipiti sha agee a vesen man uwegh ku ageegh nahana?

Ekesodu 32:22

Tsô Aron kaa er: Ishima i̱ de vihin terem tsung nahan ga; we iyol you kpaa u fa ior mban er ve ver asema sha afer a eren yô.

Ekesodu 32:23

Gadia ve kaa a mo er: Er se mbaaôndo mba vea hemen se yô, gadia Mose, or u a dugh a vese ken tar u Igipiti ne yô, se fa kwagh u a za er un ga.

Ekesodu 32:7

Tsô TER ôr kwagh a Mose, kaa er: Mough, hungwa, gadia ior ou mba u dugh a ve ken tar u Igipiti la, ve hôngor ayol a ve ve,

Ekesodu 33:3

u zan hen tar u atumbabua man iyough ve dumbur ker la, gadia Mo Me zaan hen atô wou a we imôngo ga, gadia we u ngu ikurior i taver ityough, sha er Me tim u sha gbenda ga yô.

Esekiel 20:8

Kpa ve hendan a Mo, ve rumun u ungwan imo Yam ga; or môm haa akaa a ndôhôrshima a sha ashe a nan la kera ga, man ve undu akombo a Igipiti kpaa ga; nahan M kaa Mer: Me haa iyugh Yam sha a ve sha u kuren ishima i vihin Yam sha a ve jimin cii, ker atô u tar u Igipiti je.

Hosea 12:13

Ka sha ikev i profeti TER due a Iserael ken tar u Igipiti, man sha ikev i profeti kpaa i kura un ye.

Mika 6:4

Gadia ka Mo M dugh a ven ken tar u Igipiti ye, M paa ne ken ya u ikpan; M tindi Mose mer a̱ hemen ne, kua Aron man Miriam kpaa.

Numeri 14:22

mimi je, ior mban cii, mba ve nenge iengem Yam man uivande Av mba M er ken Igipiti man ken desereti, nahan kpaa, ve meem je i kom kwa pue, ato kpa ve veren sha imo Yam ga ne yô,

Mateu 24:43

Kpa fa nen kwagh ne: Aluer orya una fe shighe u ormbaiv a ve yô, ma a kor, ma a kera rumun er i̱ va pev un iyou ga.

Mateu 24:48

Kpa aluer wanakiriki u bo la nana kaa ken ishima i nan er:

Aerenakaa A Mbaapostoli 17:29

Man er se lu tsombor u Aôndo je yô, doo u sé hen ser, Aôndo ngu er zenaria shin azurfa shin ma iwen i i koo i a kua sha kwaghfan man sha mhen u or nahan ga.

Aerenakaa A Mbaapostoli 19:26

ne mba nengen, shi ne mba ungwan kpaa, ka ken Efese tseegh ga, shi ciôn ma i lu ken Ashia cii je man Paulu ne a lu ulugh ior kpishi, geman ve je, ngu kaan er, mban mba i eren sha ave ne ka mbaaôndo je ga.

Aerenakaa A Mbaapostoli 7:40

ve kaa a Aron er: Er se mbaaôndo mba vea hemen se yô; gadia Mose u a due a vese ken tar u Igipiti ne yô, se fa kwagh u a er un ga.

Duteronomi 31:8

Ka TER Una hemen we ye; Una lu a we, Una kende u ga, Una undu u kpaa ga; de cie ga, de luun a mciem iyol kpaa ga.

Duteronomi 9:1

Ver ato Iserael, nyian u ngu peren Yordan sha u u̱ nyôr u̱ za ngohol akuraior a a hembe u iyenge man agee kpaa, agar a vesen a vesen a i maa a ugir tav za tagher sha aôndo je,

Duteronomi 9:9

Zum u m unde sha uwo sha u za ngohol ikpande i ikuryan i TER ya a ven la, shighe la m tsa sha uwo ayange akunduahar man aime akunduahar; m ya kwagh ga, mngerem kpaa m ma ga.

Yosua 7:13

Mough za wanger ior, kaa wer: Wanger nen ayol a en sha ci u kper; gadia TER, Aôndo u Iserael, kaa er: Kwagh u i te icin sha mi ngu her a ven, Iserael; ú fatyô u tilen sha ishigh ki Mbaihomov ou ga, saa né dugh kwagh u i te icin sha mi la ken a ven kera ve.

2 Peteru 3:4

Vea kaa er ityendezwa i m-ande Na ngi hana? Gadia hii sha shighe u uter kpe kera la akaa cii nga her di er a lu sha mhii u igbetar la nahan.