Ekesodu 30:1 - ICIGHAN BIBILO

¹ Er atse a nanden kwaghhumandoon sha mi; ka sha kon u saa ú er a ye;

Ekesodu 30:1 Iomraidhean Croise

1 Utor 6:20

Kpar u kimi la yô, ilihen na lu aseva ikundu man igbanger na kpaa lu aseva ikundu kua ityaven na kpaa lu aseva ikundu, a cir un sha zenaria u wang; atse a nanden nagh sha mi yô, a cir a sha kon u sedar.

1 Utor 6:22

Iyou la cii, a cir zenaria sha mi zan zan i bee iyou la cii; atse a nanden nagh sha mi a a lu sha ci u kpar u kimi la kpaa, a cir a zenaria iyol.

1 Utor 7:48

Shi Solomon er ikav mbi ken iyou i TER cii sha zenaria, ka atse a nanden nagh sha mi a zenaria, man tebul u i penda ubredi mba sha ishi sha mi la kpaa,

1 Kroniku 28:18

man sha ci u atse a nanden kwagh u humandoon sha mi kpaa, a na zenaria u i ser sha usu i kar un myohom yô; man zenaria sha ci u ikav i ikyekye, ka ucerubi mba ve naregh akper a ve, ve cir areki u ikuryan u TER je la.

1 Kroniku 6:49

Kpa Aron man ônov nav yô, ve naan nagh sha atse a nanden nagh sha mi la kua sha atse a kwaghhumandoon sha ci u tom u ken icighanjiir u hemban cii la, man sha u nan iwom sha ci u Iserael, sha kwagh u Mose wanakiriki u Aôndo kaa la cii.

2 Kroniku 26:16

Kpa zum u a taver la yô, ishima gengese un, nahan a er kwaghbo, a per tindi u TER, Aôndo na; gadia a nyôr ken tempel u TER er una nande kwaghhumandoon sha atse a nanden kwaghhumandoon sha mi la.

Ekesodu 30:10

Aron a̱ na iwom sha akor a a, hanma inyom kwa môm, sha awambe a iwom i nagh ku isholibo la; a̱ na iwom sha ci u a, hanma inyom kwa môm sha ikov ikov cii; ka TER icighankwagh u hemban cii.

Ekesodu 30:2

Iniembe i a, i̱ lu ishiva i môm, igbanger i a kpaa ishiva i môm; a̱ lu ambusu anyiin akuku; ityaven i a, i̱ lu aseva ahar; akor a a, a̱ lu kwagh môm a a cii.

Ekesodu 31:8

man tebul a ikav nav, man daarimenger u wang a ikav nav cii, man atse a nanden kwaghhumandoon sha mi kpaa,

Ekesodu 35:15

man atse a nanden kwaghhumandoon sha mi a igbough mbi a, man mkurem ma shighen, man kwaghhumandoon u nanden nagh a mi, man ikondo i yisan hunda u tabernakel;

Ekesodu 39:38

man atse a zenaria man mkurem ma shighen man kwaghhumandoon u nanden man kwagh u yisan hunda u tenti mi;

Ekesodu 40:5

Ver atse a zenaria a nanden kwaghhumandoon sha mi la, sha ishigh ki areki u shiada, har kwaghyisan sha hunda u tabernakel la.

Esekiel 41:22

Atse a nanden nagh sha mi la, i er a sha ikon, ityaven i a lu aseva atar, man ilihen i a lu aseva ahar; azongo a a, man ityô i a, man ambusu a a, lu sha ikon cii. Tsô a kaa a mo er: Ngun ka tebul u a lu sha ishigh ki TER yô.

Levitiku 4:18

A̱ er awambe la, a̱ feregh sha akor a atse a a lu sha ishigh ki TER ken tenti u kohol ker la, a̱ gema awambe la cii, a̱ haa a hen ityô i atse a nanden nagh sha mi a a lu hen hunda u tenti u kohol ker la.

Levitiku 4:7

Pristi la a̱ er awambe la, a̱ feregh sha akor a atse a nanden kwaghhumandoon sha mi, a a lu sha ishigh ki TER, ken tenti u kohol ker la; awambe a nombua la cii, a̱ gema a̱ haa hen ityô i atse a nanden nagh, a a lu hen hunda u tenti u kohol ker la.

Numeri 3:31

Tom ve yô, lu u nengen sha areki man tebul man daarimenger man atse a nanden nagh sha mi, man ikav mbi icighanjiir mbi ve eren tom sha mbi, man ikondo i yisan man tom u sha mi la cii.

Numeri 4:11

Ve̱ samber ikondo i kwel sha atse a zenaria a nanden nagh sha mi la, ve̱ cir kwaghcirin a mi, sha mi, u i er sha akôv a ayu, ve̱ shindi igbough nagh sha mi;

Mbaheberu 9:4

lu a atse a zenaria a nanden kwaghhumandoon sha mi man shi areki u ikuryan, i cir un zenaria iyol cii. Ityegh ki sha zenaria ki ki lu a mana shimi lu ker, kua gbough ku Aron ku ku kpar la man shi ikpande i awen i ikuryan kpaa.

Mpase U Yohane 8:3

Ortyom u Sha ugen va tile hen atse a nanden nagh sha mi la, lu a gbande u zenaria. I na un kwaghhumandoon ngee er a̱ nungwa sha mbamsen mba uicighanmbaiorov cii, sha atse a zenaria a a lu sha ishigh ki ikônough ki torough la.