Ekesodu 3:8 - ICIGHAN BIBILO

⁸ Nahan M sen sha u Me va yima ve sha ikev i Mbaigipiti, Me due a ve ken tar la, Me yem a ve ken tar u dedoo man u kehen kpaa, tar u atumbabua man iyough ve dumbur ker yô; ka ker ape Mbakanaan man Mbahiti man Mbaamor man Mbaperishi man Mbahivi kua Mbayebushi ve tem la.

Ekesodu 3:8 Iomraidhean Croise

Genese 11:5

Tsô TER sen sha u Una nenge gar man gôgôyou u ônov mba iorov ve maan yô.

Genese 11:7

Yô, Sé sen, Sé za nzughul ve zwa, ve̱ de kera ongo kwaghôron u ayol a ve ga.

Genese 15:13

Nahan A kaa a Aberam er: Fa dedoo, tsombor wou ua lu shir ken tar u lu u ve ga yô, ua er tom u ikpan, man á er u ican anyom deri unyiin je;

Genese 15:14

man ikurior i vea er i tom u ikpan la, Me ôr i ijir; ken masetyô yô, vea due a akaa kpishi.

Genese 18:21

Me hungwa hegen. Me nenge; aluer ieren ve ia kuma sha mliam ma ma nyer her a Mo la yô, Me fa; shin a lu nahan ga kpaa Me fa.

Genese 43:11

Tsô ter ve Iserael kaa a ve er: A lu nahan keng yô, er nen nahan: tôô nen akaa a dedoo a ken tar ne ken ikav yenev, za sugh nen or la a mi: balsem kpeghee man zariyoughough kpeghee man ilyôghonov man mire man amondi.

Genese 46:4

Me za a we ken tar u Igipiti imôngo, Me shi Me hide a we kpee je; Yosev una kusu u ashe.

Genese 50:24

Tsô Yosev kaa a anngôôv nav er: M ngu kpen; Aôndo Una va sôr ne kpee je, Una due a ven ken tar ne, Una yem a ven ken tar u A bum er Una na Aberaham man Isaka man Yakob yô.

1 Kroniku 1:15

man Mbahivi man Mbaarki man Mbashini

Nehemia 9:8

U zua un a ishima i jighjigh sha ishigh You man shi U tôndo zwa a na kpaa, Wer, Ú na un tar u Mbakanaan man Mbahiti man Mbaamor man Mbaperishi man Mbayebushi kua Mbagirgashi, Ú na tsombor na je; man shi U er sha kwaghôron Wou vough, gadia We U ngu u perapera.

Upasalmi 12:5

Sha ci u mkighir u i kighir mbaatsanev man mtoghor u mbaibanave yô, Me mough hegen kape TER A kaa la, Me ver or u nan lu tômon la, nana tema a mkpeyol.

Upasalmi 12:6

Akaaôron a TER yô, ka a wang je, er azurfa u i ser un ken adum u shin inya, u i ser un kwa taankaruhar je.

Upasalmi 34:8

Bende, nenge nen, TER ka u doon je; saan or u nan suur sha a Na la, iyol.

Upasalmi 91:15

Zum u una yilam yô, Mo kpaa Me ungwa imo na; ken ican Mo Me lu a na, Me yima un, shi Me civir un kpaa.

Ekesodu 12:41

Tsô anyom deri unyiin man ikundugber nga kar yô, sha iyange la je, akumaior a TER cii due ken tar u Igipiti.

Ekesodu 12:51

Tsô sha iyange la je, TER due a Mbaiserael ken tar Igipiti akum akum.

Ekesodu 13:5

Yô, zum u TER Una za a we ken tar u Mbakanaan man Mbahiti man Mbaamor man Mbahivi man Mbayebushi, u A bum a uter ou er Una na u u la, tar u atumbabua man iyough ve dumbur ken u la yô; shighe la, wa iko u eren ieren ne sha uwer ne je

Ekesodu 3:17

man shi M kaa Mer: Me due a ven ken ican i ken Igipiti, Me yem a ven ken tar u Mbakanaan man Mbahiti man Mbaamor man Mbaperishi man Mbahivi man Mbayebushi, tar u atumbabua man iyough ve dumbur ker la.

Ekesodu 34:11

Ver ishima sha kwagh u M we u nyian ne; nenge, M zenda Mbaamor sha ishigh you kera kua Mbakanaan man Mbahiti man Mbaperishi man Mbahivi man Mbayebushi kpaa.

Ekesodu 5:23

Gadia er m va hen Farao sha u ôron kwagh ken iti You je, tsô a hii u eren ior mban ican je, man U kera yima ior Ou kpaa ga.

Yesaia 36:17

zan zan me kar van, me va kua a ven, me za a ven ken tar ugen u u lu er tar wen nahan, tar u uyia man u zar u wain, tar u ruam man u ishule i ikon i wain.

Yesaia 64:1

Ma U shi pav Usha, ma U hongo, iwo kpaa ma i tenger sha ishigh You,

Yeremia 11:5

sha u Me kure mbum u M bum a uter enev, Mer, Me na ve tar u atumbabua kua iyough ve dumbur ker la, er i lu nyian nahan ne. Tsô m rumun, mer: Amen, TERE.

Yeremia 2:7

Man shi M va a ven ken tar u doon iyiagh, sha u ne̱ ya atam a u, man mdoom ma u; kpa er ne nyôr yô, ne hôngor Mo tar, ne gema dyako Wam hingir kwagh u ndôhôrshima.

Yeremia 32:22

man shi U na ve tar ne U bum a uter vev Wer, Ú na ve, tar u atumbabua man iyough ve dumbur ken u la;

Esekiel 20:6

Sha iyange la je M bum a ve Mer: Me due a ve ken tar u Igipiti, Me va a ve ken tar u lu M tsuwa sha ci ve la, tar u dumbur a atumba man iyough, u hemba ityar igen cii mdoom.

Levitiku 20:24

Kpa ne yô, M kaa ne Mer, ka ne né ya dyako u tar ve ye, Mo Me na ne u, u̱ hingir kwagh wen jim, ka tar u atumbabua a dumbur ken u kua iyough kpaa; ka Mo TER M lu Aôndo wen u M ver ne kposo a akuraior yô.

Amoshi 2:10

Shi Mo kpaa M due a ve ken tar u Igipiti, M hemen ve ken desereti anyom akunduahar sha u u̱ ngohol tar u Amor yô.

Numeri 13:18

nenge nen tar la er u lu yô, kua ior mba ve tem kimi, shin ka mba taverou, shin ka aseeraiorou, shin mba kpegheou, shin mba kpishiou;

Numeri 13:19

man injatar i ve tem ker la, shin ka u dedoou, shin ka u dedoo gaou; man anzaagar a ve tem ken a la, shin a lu ken afoou, shin a lu ken ugilgarou;

Numeri 13:27

Ve ôr un er: Se za ken tar u u tindi se la, mimi je, atumbabua dumbur ken u man iyough; ka atam a ikon a ker je ne.

YOHANE 3:13

Man shi mayange or ngu a kôndo nan yem Sha ga, saa di Un u A hongo Sha la tsô, ka Wan u or u A dugh Sha je la.

YOHANE 6:38

Gadia M sen Sha, ka sha u Me er ishima Yam ga, kpa ka u eren ishima i u A tindim la.

Duteronomi 1:25

Ve kura atam a ikon a ken tar la, ve va se a mi, shi ve va ôr se kwagh u ker kpaa, ve kaa er: Tar u TER, Aôndo wase, A lu nan se ne ka u dedoo.

Duteronomi 1:7

yô, hembe yem nen ken tar u iwoogh u Mbaamor, man ken ajiir a a dondo a u cii, ken Araba man ken tar u iwoogh, man tar u shin upev man ken Imbusutarimese la man hen kpe u Zegemnger, ka tar u Mbakanaan man Lebanon zan zan za ar hen ifi u tamen, ka ifi u Uferati je la.

Duteronomi 27:3

Zum u ú per yô, nger akaaôron a tindi ne cii sha mi, sha er u nyôr ken tar u TER, Aôndo wou, Una na u la, tar u u dumbur a atumbabua man iyough, er TER, Aôndo u uter ou, lu tôndo zwa a we nahan.

Duteronomi 28:11

TER Una na u akaadoon wuee, sha tsombor wou man sha ônov mba uzendenya ou, man sha iyiav mbi ken sule wou ken tar u TER bum a uter ou er Una na u u la.

Duteronomi 6:3

Yô, ver ato Iserael, ver ishima u eren sha mi, sha er á kpe u iyol ú seer iyenge kpishi er TER, Aôndo u uter ou, tôndo zwa a we nahan ken tar u atumbabua kua iyough ve dumbur ker yô.

Duteronomi 7:1

Zum u TER, Aôndo wou, Una nyôr a we ken tar u u ze sha u za ngohol u la yô, man Una zenda akuraior kpishi sha ishigh you kera, ka Mbahiti man Mbagirgashi man Mbaamor man Mbakanaan man Mbaperishi man Mbahivi man Mbayebushi, akuraior ataankarahar a a hembe u iyenge man agee kpaa yô,

Yosua 5:6

Gadia Mbaiserael zende ken toho anyom akunduahar zan zan ior cii, ka nomso mbanôngontyav mba ve due ken Igipiti je la, ve saa kera, sha ci u ve ungwa imo i TER ga yô; TER kpaa bum a ve er, Una de ve, ve̱ nenge tar u TER lu bum a uter vev, er Una na se la, ga, tar u dumbur a atumbabua man iyough la.

Yosua 9:1

Tsô zum u utor cii mba ve lu yande Yordan, sha tar u iwoogh man ken tar u pev, man hen kpe u zegemnger u tamen cii, sha ishigh ki Lebanon, ka Mbahiti man Mbaamor man Mbakanaan man Mbaperishi man Mbahivi man Mbayebushi, ve ungwa gwa yô,

Yosua 9:7

Tsô ior mba Iserael kaa a Mbahivi mbala er: Alaghga ijiir yen ngi hen atô wase, nahan sé er nan sé ya ikur a vene?