Ekesodu 3:18 - ICIGHAN BIBILO

¹⁸ Vea ver ato sha kwaghôron wou; nahan yô, za hen tor u Igipiti, we kua mbatamen mba Iserael, za kaa nen un ner: TER, Aôndo u Mbaheberu, kohol se; hegen yô, ma u shi de ma se ze zende u tsan gbenda ayange atar ken desereti, ma se za ne TER, Aôndo wase nagh.

Ekesodu 3:18 Iomraidhean Croise

Genese 12:1

Tsô TER kaa a Aberam er: Due ken tar wou man ken ityô you man ken ya u teru, yem ken tar u Me tese u la.

Genese 14:13

Tsô orgen u a war yô, za ôr Aberam Orheberu u a tema hen ikon i terebin i Mamre, Oramor la. Mamre ne lu angbian u Esekol man u Aner la; ve yô, ve lian a Aberam.

Genese 15:1

Ken masetyô u akaa ne yô, mkaanem ma TER va hen Aberam sha mpase u sha mnenge er: De cie ga Aberam, Mo M ngu u perutya, injar you kpaa ia vese kpishi.

Genese 17:1

Zum u Aberam lu anyom akunduanyiingber kar ataankaranyiin la, TER ande hen Aberam, kaa a na er: Mo M ngu Aôndo Uhembanagee, zenden sha ishigh Yagh, nahan yô, ú lu vough.

Genese 48:3

Yakob kaa a Yosev er: Aôndo Uhembanagee ande her a mo hen Lushi ken tar u Kanaan, verem doo doo,

2 Kroniku 30:12

Shi ken Yuda kpaa TER na ve u lun ishima i môm, u eren sha tindi u tor kua atiator, sha imo i TER la.

Upasalmi 110:3

Ior Ou vea na nagh sha ayol a ve sha asema a dedoo je sha iyange i ikumutya You, a uicighanmbaakondov iyol, sha mve u use; er avure a lu nahan kape ikaior You ia va la.

Ekesodu 10:3

Tsô Mose man Aron ve za hen Farao, ve kaa a na er: TER, Aôndo u Mbaheberu, kaa nahan er: Ka hanma shighe je man ú de u vendan u shirigh a iyol you inya sha ishigh Yagha? De ior Av, ve̱ yem ve̱ za civir Mo.

Ekesodu 17:5

TER kaa a Mose er: Mough a mbatamen mba Iserael mbagenev, undu ior ken hemen; gbough ough ku iyange u gbidye ifi a mi la, kôr ku ken uwe, yem.

Ekesodu 19:1

Sha uwer u sha utar u mdugh u Mbaiserael ken tar u Igipiti sha iyange la je, ve nyôr ken desereti u Senai.

Ekesodu 25:22

Me kohol we ker, Me ôr kwagh a we hen ijiir i nan iwom her la, hen atô u ucerubi uhar, mba ve lu sha areki u shiada la, Me kaa u akaa cii a Me kaa Mer Mbaiserael ve̱ er a la.

Ekesodu 3:12

A kaa er: Mimi je, Me lu a we imôngo; kwagh ne una hingir we ikav, er i lu Mo M tindi u yô: zum u ú due a ior ken tar u Igipiti yô, ka hen uwo ne je né va civir Aôndo ye.

Ekesodu 3:16

Za, za kohol mbatamen mba Iserael, kaa a ve wer: TER, Aôndo u uter enev, Aôndo u Aberaham man u Isaka man u Yakob ande her a mo, A kaa er: M ver ishima sha a ven dedoo, M shi M nenge kwagh u i er a ven ken Igipiti la kpaa;

Ekesodu 30:36

Pande un, kume a̱ via, ver sha ishigh ki Shiada ken tenti u kohol ker la, hen ijiir i Me kohol a we la, a̱ hingir we icighankwagh u hemban cii.

Ekesodu 30:6

Ver a sha ishigh ki ikondo i yisan i i lu sha ishigh ki areki u shiada sha ishigh ki ijiir i nan iwom i i lu sha Shiada, hen ijiir i Me kohol we la.

Ekesodu 4:1

Mose gema kaa er: Kpa nenge, vea nam jighjigh ga, man vea ver ato sha kwaghôron wam kpaa ga; gadia vea kaa er: TER ande hen a we ga.

Ekesodu 4:23

M kaa u mer: De wan Wam a̱ za, a̱ za civir Mo; kpa u venda wer a̱ de ze ga. Yô, Me wua wan wou u iunda.

Ekesodu 4:24

Tsô sha gbenda, hen ijiir i tsan la, TER va kohol un her, gba nôngon u wuan un.

Ekesodu 4:31

Ior na jighjigh; man zum u ve ungwa er TER A va ser Mbaiserael, A nenge ican ve kpaa yô, ve gema ve kuma ityouv inya, ve wuese.

Ekesodu 5:1

Ken masejime la, Mose man Aron ve za, ve za kaa a Farao er: TER, Aôndo u Iserael, kaa nahan er: De ior Av, ve̱ za, ve̱ za erem iniongo ken desereti.

Ekesodu 5:3

Ve kaa er: Ka Aôndo u Mbaheberu je A va ande hen vese ye, ma u shi de se, ma se ze ken desereti, zende u tsan gbenda ayange atar, ma se za ne TER, Aôndo wase nagh; sha u A̱ de kera hee se angev mbu tsaren ga, shi A̱ de woo se sha sanker kpaa ga yô.

Ekesodu 7:16

kaa un wer: TER, Aôndo u Mbaheberu tindim her a we, A kaa er: De ior Av ve̱ yem, sha er vea za civir Mo ken desereti yô; man nenge zan zan hegen je kpaa u wa iko ga.

Ekesodu 8:1

TER shi kaa a Mose er: Za hen Farao, za kaa un wer: TER kaa nahan er: De ior Av ve̱ yem, ve̱ za civir Mo.

Ekesodu 8:20

TER kaa a Mose er: Mough pepe za tile sha ishigh ki Farao shighe u una zaan shin kpemnger la, kaa a na wer: TER kaa nahan er: De ior Av ve̱ yem, ve̱ za civir Mo.

Ekesodu 8:23

Me yima ior Av, Me pav ve kposo a ior ou; kper je, ivande ne ia er.

Ekesodu 9:1

Tsô TER kaa a Mose er: Za hen Farao, za kaa un wer: TER, Aôndo u Mbaheberu kaa nahan er: De ior Av ve̱ yem, ve̱ za civir Mo.

Ekesodu 9:13

TER shi kaa a Mose er: Mough pepe, za tile sha ishigh ki Farao, kaa a na wer: TER Aôndo u Mbaheberu ngu kaan nahan er: De ior Av ve̱ yem ve̱ za civir Mo.

Yesaia 64:5

Or u nan eren perapera saan saan la yô, U kegh nan gbenda, ka mba ve umbur We sha igbenda You. Nenge, U yuwe, se kpaa se er asorabo, se lu ken a ica i gba, nahan sé war je kpa?

Yeremia 2:2

Za, za yila sha ato a Yerusalem, kaa Wer: TER ngu kaan nahan er: Sha kwagh wou yô, M umbur erdoo u iyev ou man dooshima u ivaa you, er u dondo sha a Mo ken taaikôngo, hen tar u i lee kwagh her ga yô.

Yeremia 2:6

Ve kera pine er: TER u A dugh a vese ken tar u Igipiti la yô, ngu han ga, Wen u A kar a vese ken taaikôngo, ken tar u udeserti man u ahungwa, ken tar u ikpoghonya man u mure u kuugh, ken tar u or nan karen ken u ga, man ma or kpaa nan tem ya ker ga yô?

Yeremia 26:5

man né venda u veren ato sha akaaôron a mbayev Av, uprofeti, mba M tindi her a ven pepe kua aikighe yô, kpa ne we iko ga la,

Numeri 17:4

Ver i ken tenti u kohol ker la, sha ishigh ki Shiada, henpe M kohol a ven la.

Yosua 1:17

Er iyange se ver ato sha Mose sha akaa cii nahan, kape we kpaa sé ver ato sha a we la; TER, Aôndo wou, A̱ gba lun a we tsô, er yan lu a Mose nahan.