Ekesodu 3:15 - ICIGHAN BIBILO

¹⁵ Shi Aôndo kaa a Mose er: Kaa Mbaiserael nahan wer: TER, Aôndo u uter enev, Aôndo u Aberaham man Aôndo u Isaka man Aôndo u Yakob, tindim hen a ven; ingin ka iti Yam gbem sha won je ne, ka sha i je á umbur Mo sha ikov ikov ye.

Ekesodu 3:15 Iomraidhean Croise

Genese 24:12

A kaa er: TERE, Aôndo, u terem Aberaham, ma U shi doom ikôr nyian, ma i doo U a terem Aberaham!

1 Kroniku 16:16

ikuryan i A ya a Aberaham la, man mbum Na a Isaka;

1 Kroniku 29:18

TERE, Aôndo u uter asev, Aberaham man Isaka man Iserael, kura kwagh ne ken mhen u asema a ior Ou, gbem, ver ve asema sha a We taveraa;

2 Kroniku 28:9

Kpa profeti u TER lu her, iti na er Odedi; a due a za kegh ikumutya i i lu hiden hen Samaria la gbenda, a kaa a ve er: Nenge nen, er TER, Aôndo u uter enev, A yugh a Yuda yô, A na ve sha ikev yen, ne wua ve sha iyugh i i ar Sha je yô.

Upasalmi 102:12

Kpa We yô, TERE, U ngu gbem sha won, á umbur iti You sha ikov ikov.

Upasalmi 102:13

Ú mough, Ú zungwe Shion mhôônom; gadia shighe u zungwen un mhôônom kuma ve, shighe u i vande veren la kuma ve.

Upasalmi 135:13

TERE, iti You yô, ka i tsôron gbem sha won; TERE, m-umbur u á umbur We kpaa, á lu sha ikov ikov.

Upasalmi 30:4

Wa nen icam i civir TER, ne mba i doo Un a ven ne, wuese nen icighanti Na.

Upasalmi 30:5

Gadia iyugh Na ngi sha anshighe kpeghee tsô, mrumun Na yô, ngu zan zan ayange a uma u or cii; mliam ma haan ka ma tsa tugh, kpa pepe yô, a lu iember.

Upasalmi 68:5

Aôndo ka ter u ancôgholov, man orjir u kasev mba côgholov, ken icighanyou Na la.

Upasalmi 72:17

Iti na i̱ lu gbem sha won, iti na i̱ samber er iyange i lu her ne, ior ve̱ ver ayol a ve doo doo ken a na, ve̱ wuese un er ka or u sar sar.

Upasalmi 72:19

man shi i̱ wuese iti Na i dion tsung gbem sha won; tar cii u̱ iv a iengem Na. Amen, man shi Amen kpaa.

Ekesodu 15:2

TER ka agee am man icam yam kpaa, A hingir myom wam kpaa. Ka Aôndo wam, me wuese Un; Aôndo u terem, me kende Un sha.

Ekesodu 15:3

Ter ka orutya je; iti na er TER.

Ekesodu 3:13

Mose kaa a Aôndo er: Tsô aluer me za hen Mbaiserael, me za kaa a ve mer: Aôndo u uter enev tindim hen a ven, man vea pinem er: Iti Na er ana? Yô, m̱ kaa a ve mer nana?

Ekesodu 3:6

Shi A kaa er: Ka Mo, Aôndo u teru, Aôndo u Aberaham man Aôndo u Isaka man Aôndo u Yakob. Tsô Mose yer ishigh nagh kera; gadia lu cier un iyol u nengen a Aôndo.

Ekesodu 4:1

Mose gema kaa er: Kpa nenge, vea nam jighjigh ga, man vea ver ato sha kwaghôron wam kpaa ga; gadia vea kaa er: TER ande hen a we ga.

Ekesodu 4:5

sha u ve̱ na jighjigh er TER, Aôndo u uter vev, Aôndo u Aberaham man Aôndo u Isaka man Aôndo u Yakob, A ande hen a we yô.

Ekesodu 6:2

Man shi Aôndo ôr kwagh a Mose, kaa a na er: Ka Mo TER;

Anzaakaa 18:10

Iti i TER ka gôgôyou u taven u taver, orperapera ka nan yevese nan ta kimi, nan war.

Yesaia 26:8

Sha gbenda u ajiraôron a Ou kpaa, TERE, se lu keghen We. Iti You man m-umbur u umbur We la, sar uma wase tsung.

Yesaia 42:8

Ka Mo TER, ka iti Yam je ne; icivir Yam kpaa Me na orgen ga, iwuese Yam Me na ieev mbi gban a gba la ga.

Yesaia 63:12

Wen u lu na uwegh Nagh ku icivirigh ku zan a uwegh ku yanegh ku Mose imôngo man A pav mngerem sha ishigh vegh, sha u Una er iti Na i̱ tsôr sha won;

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yeremia 33:2

TER u A eren kwagh ne, TER u ka A sôr kwagh A ver er á va er sha mi vough la, TER ka iti Na je la, ngu kaan nahan er:

Daniel 2:23

We, Aôndo u uter Av, m sugh U, man m wuese We kpaa, U nam kwaghfan man tahav, man ahegen kpaa shi U tesem kwagh u se lu keren her a We yô; gadia U pase se kwagh u tor la.

Hosea 12:5

ka TER, Aôndo u akum a Sha, iti Na er TER.

Hosea 12:6

Nahan we yô, hire hen Aôndo wou, lu a dooshima man perapera, ver ishima kegh Aôndo wou gbem.

Levitiku 24:11

Tsô or u ngô na lu wan Mbaiserael la ter ITI la dang, gba tuhwan; nahan i va a na hen Mose. Iti i ngô na er Shelomiti wan u Diberi u ken kwe u Dan.

Mika 4:5

Gadia ior cii mba zenden hanmô ve ken iti i aôndo u nan, man se yô, sé zende ken iti i TER, Aôndo wase, gbem sha won.

Malaki 3:6

Gadia Mo TER M gem kposo ga, ka nahan man ne ônov mba Yakob kpaa, i tim ne ga ye.

Mateu 22:32

Mo M ngu Aôndo u Aberaham man Aôndo u Isaka man Aôndo u Yakob kpaa, gaa? Aôndo ka Aôndo u mbakpenev ga, kpa ka u mbaumav.

Aerenakaa A Mbaapostoli 3:13

Ka Aôndo u Aberaham man Isaka man Yakob, ka Aôndo u uter asev, A civir Wanakiriki Na Yesu ye, Un u ne na Un kera, ne nyiman Un sha ishigh ki Pilatu zum u wa ishima u una pase Un á tuhwa yô.

Aerenakaa A Mbaapostoli 7:32

Ka Mo Aôndo u uter ou, Aôndo u Aberaham man u Isaka man u Yakob kpaa. Nahan ikarikase gbidye Mose iyol, a kera cihi u kenger sha mi ga.

Duteronomi 1:11

TER Aôndo u uter enev, A̱ shi A̱ seer ne iyenge er né hemba iyenge yen i hegen ne kwa dubu je, A̱ ver ne doo doo, er A tende zwa a ven nahan yô.

Duteronomi 1:35

Mimi je, ior mba kov u bo mban ne, mô ve môm nana nenge a tar u dedoo u M bum Mer, Me na uter enev la ashe ga,

Duteronomi 4:1

Hegen yô, we Iserael, ungwa akaawan man atindi a m lu tesen ne mer, eren nen sha mi, sha er né lu uma né nyôr né ngohol tar u TER, Aôndo u uter enev, A lu nan ne la yô.

Mbaheberu 11:16

Kpa hegen yô, ka u u hembe doon la u sar ve ye, inja na yô, ka u Sha je la. Ka nahan man Aôndo kpaa kunya u ker Un u i̱ yila Un er Aôndo ve ga ye, gadia A sôr ve gar.

Mbaheberu 13:8

Yesu Kristu ngu inja i môm tsô, nyen kua nyian zan zan gbem sha won.