Biblia Todo Logo
Bìoball air-loidhne

- Sanasan -




Ekesodu 3:14 - ICIGHAN BIBILO

14 Aôndo kaa a Mose er: M NGU ER M LUUN YÔ; shi A kaa er: Kaa Mbaiserael nahan wer: Ka M NGU, A tindim her a ven ye.

Faic an caibideil Dèan lethbhreac




Ekesodu 3:14
21 Iomraidhean Croise  

U fatyô u fan mze u akaa a Aôndo a ze yum la kpa? U fatyô u fan kwagh u Uhembanagee cii, ú bee kpa?


Wa icam ter nen Aôndo, wa nen atsam a wuese iti Na; kaha nen igbudu a̱ tav sha, sha ci u Un u A zenden A karen ken udeserti la; iti Na er TER, ember nen tsung sha ishigh Nagh.


Er i lu a due a iwo ken igbar ga, man er U lu a gba inya man tar ga, hii sha uicôrombaashighev je zan zan gbem sha won, U ngu Aôndo.


Ter ka orutya je; iti na er TER.


Ver nen ishima sha a Na, ver nen ato sha imo Na kpaa; shi de hendan nen a Na ga; gadia Una de ne asorabo a en ga; gadia iti Yam ngi ken a Na.


Mose kaa a Aôndo er: Tsô aluer me za hen Mbaiserael, me za kaa a ve mer: Aôndo u uter enev tindim hen a ven, man vea pinem er: Iti Na er ana? Yô, m̱ kaa a ve mer nana?


Man shi Aôndo ôr kwagh a Mose, kaa a na er: Ka Mo TER;


M ande hen Aberaham man Isaka man Yakob, Mo Aôndo Uhembanagee, kpa iti Yam i TER (ka Yehova je la) ne yô, ve fa ga.


Ka Mo TER, ka iti Yam je ne; icivir Yam kpaa Me na orgen ga, iwuese Yam Me na ieev mbi gban a gba la ga.


TER, Tor u Iserael man Orpaan na kpaa, TER u akum a Sha ngu kaan nahan er: Mo M ngu u hiihii, shi M ngu u masetyô kpaa; ma aôndo ugen ngu ga, saa Mo.


Gadia her ape ior ihiar shin itiar ve kohol ken iti Yam yô, Mo kpaa M ngu ve her atô je.


Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.


Ka nahan man M kaa a ven Mer: Né kpe ken isholibo yen ye; gadia aluer ne na jighjigh ner, Mo M ngu Un ga yô, né kpe ken asorabo a en.


Nahan Yesu kaa er: Zum u nea kende Wan u or sha tsô né fa er M lu Un yô, man shi er M gbe eren ma kwagh sha tahav Av iyol Yam ga, kpa M er akaa er Ter a tesem yô.


Yesu kaa a ve er: Mimi mimi je, M kaan ne ne, er i lu a mar Aberaham ga je, tsô Mo M lu.


Gadia uityendezwa mba Aôndo cii, ken A Na yô, ka “een” ka nahan man se rumun amen ken a Na sha ci u icivir i Aôndo ye.


Yesu Kristu ngu inja i môm tsô, nyen kua nyian zan zan gbem sha won.


M nengen a Na yô, m gba hen angahar a Na er orkpen nahan, kpa A penda uwegh Nagh ku yanegh sha mo, A kaa er: De cie ga. Mo M ngu u hiihii man u masetyô kpaa,


Yohane ngu sughun iniongo i Kristu i itiankarihiar i ken Ashia la. Mrumun u sha mhôôn a̱ lu sha a ven kua bem mba ve dugh hen Un u A lu hegen, ngise kpaa lu, shi A lu van kpaa la, man shi hen Ujijingi mba utaankaruhar mba ve lu sha ishigh ki ikônough Nagh ki torough la,


Mo M ngu Alefa man Omega, kape Ter Aôndo A kaa la, Un u A lu hegen, ngise kpaa lu, shi A lu van kpaa la, Uhembanagee.


Akaauma a anyiin la cii hanmô ve lu a akper ataratar, ve cir ashe iyol kpulughuu ken won man kimi kpaa. Tugh man tetan cii ve memen ga, ve kaan er: Icighan, Icighan, Icighan, Ter Aôndo Uhembanagee, u ngise lu shi A lu hegen shi A lu van kpaa la.


Lean sinn:

Sanasan


Sanasan