Ekesodu 3:13 - ICIGHAN BIBILO

¹³ Mose kaa a Aôndo er: Tsô aluer me za hen Mbaiserael, me za kaa a ve mer: Aôndo u uter enev tindim hen a ven, man vea pinem er: Iti Na er ana? Yô, m̱ kaa a ve mer nana?

Ekesodu 3:13 Iomraidhean Croise

Genese 32:29

Yakob pine un er: Shi kaam iti you. Nan kaa er: Inja na nan man u pin iti yama? Tsô maa nan ver un doo doo hen ijiir la.

Ekesodu 15:3

Ter ka orutya je; iti na er TER.

Ekesodu 3:12

A kaa er: Mimi je, Me lu a we imôngo; kwagh ne una hingir we ikav, er i lu Mo M tindi u yô: zum u ú due a ior ken tar u Igipiti yô, ka hen uwo ne je né va civir Aôndo ye.

Ekesodu 3:14

Aôndo kaa a Mose er: M NGU ER M LUUN YÔ; shi A kaa er: Kaa Mbaiserael nahan wer: Ka M NGU, A tindim her a ven ye.

Ekesodu 3:15

Shi Aôndo kaa a Mose er: Kaa Mbaiserael nahan wer: TER, Aôndo u uter enev, Aôndo u Aberaham man Aôndo u Isaka man Aôndo u Yakob, tindim hen a ven; ingin ka iti Yam gbem sha won je ne, ka sha i je á umbur Mo sha ikov ikov ye.

Ekesodu 7:16

kaa un wer: TER, Aôndo u Mbaheberu tindim her a we, A kaa er: De ior Av ve̱ yem, sha er vea za civir Mo ken desereti yô; man nenge zan zan hegen je kpaa u wa iko ga.

Anzaakaa 30:4

Ka an nan undu Sha, shi nan hongo? Ka an nan kusu ahumbe ken ave a nana? Ka an nan kange mngerem ken ikondo i nana? Ka an nan ver akighir a tar ciilii? Iti i nan er nyi, man iti i wan u nan er nyi? aluer wea fa yô.

Yesaia 52:6

Nahan ior Av vea fa iti Yam; sha iyange la vea fa er i lu Mo, M er kwagh yô; Mo M ngun heen ne.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yeremia 23:6

Sha ayange Na, Yuda una war, man Iserael kpaa una tema bem bem; iti i á yilan Un a mi je yô, er: TER KA PERAPERA WASE.

Mateu 1:21

Una mar wan u nomso; ú ii Un iti wer, Yesu; gadia ka Un Una yima nongoior Na sha asorabo a ve ye.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

Aerenakaa A Mbaapostoli 3:13

Ka Aôndo u Aberaham man Isaka man Yakob, ka Aôndo u uter asev, A civir Wanakiriki Na Yesu ye, Un u ne na Un kera, ne nyiman Un sha ishigh ki Pilatu zum u wa ishima u una pase Un á tuhwa yô.

Mbaajiriv 13:17

Nahan Manoa pine Ortyom u TER la er: Iti you er nyi; sha u kwaghôron wou una kure yô, se̱ civir we?

Mbaajiriv 13:6

Tsô kwase la va, va ôr nom na, kaa er: Or u Aôndo va hen mo, ishigh nagh ki er ishigh ki ortyom u Aôndo nahan, cier iyol kpishi; man mo kpaa, m pine un henpe a dugh ga, man un di kpaa, a kaam iti na ga;