Ekesodu 29:3 - ICIGHAN BIBILO

³ Haa ve shin ikese i môm, tôô ve hen ikese, va a mi, kua nombua man anomaiyôngo ahar la kpaa.

Ekesodu 29:3 Iomraidhean Croise

Ekesodu 29:2

man shi tôô bredi u i we kwa sha mi ga, man umasa mba i we kwa sha mi ga, mba i nongo sha mkure yô, man umasa mba par par mba i we kwa sha mi ga, mba i shigh ve mkurem yô. Ka sha mwem ma alakema ma kengese ú er ve ye.

Ekesodu 29:4

Yô, va a Aron man ônov nav hen hunda u tenti u kohol ker la, ôô ve iyol sha mnger.

Levitiku 8:2

Va a Aron kua ônov nav a na imôngo, man akondo la man mkurem ma shighen man nombua u nagh ku isholibo man anomaiyôngo ahar kua ikese i umasa mba i we kwa sha mi ga yô;

Levitiku 8:26

man shin ikese i masa u i we kwa sha mi ga yô, i i lu sha ishigh ki TER la, a dugh masa môm u i we kwa sha mi ga, man masa môm u bredi u sha mkure kua masa môm u par par, a penda ve sha ahôm la kua sha namegh ku yanegh kura;

Levitiku 8:31

Tsô Mose kaa a Aron man ônov nav er: Jiir nen inyam la hen hunda u tenti u kohol ker la, ya nen i heregh sha bredi u a lu shin ikese i iniav mbi tseghan la, er m vande kaan nahan mer: Aron a ônov nav ve̱ yaan la.

Numeri 6:17

a̱ va a nomiyôngo la, a̱ na TER nagh ku sôngon ku bem a mi kua ikese i bredi u i we kwa sha mi ga kpaa, shi pristi a̱ na nagh ku sha samuyia ku maghen sha mi kua nagh ku man kpaa.