Ekesodu 28:1 - ICIGHAN BIBILO

¹ Due a anngôu Aron kua ônov nav, ken atô u Mbaiserael, ve̱ kporom her a we sha er a̱ eren Mo tom u pristi yô, ka Aron man Nadabi man Abihu man Eleasar kua Itamar, ônov mban Aron.

Ekesodu 28:1 Iomraidhean Croise

1 Kroniku 23:13

Ônov mba Amram yô, lu Aron kua Mose; i tsegha Aron sha u a̱ tseghan uicighanmbaakaav mba hemban cii, un a ônov nav gbem sha won, sha u ve̱ nanden kwagh u humandoon sha ishigh ki TER, ve̱ eren Un tom man ve̱ naan iveren ken iti Na gbem sha won.

1 Kroniku 6:10

Yohanan mar Asaria (ka wen lu eren tom u pristi ken iyou i Solomon maa ken Yerusalem la),

1 Kroniku 6:34

wan u Elkana, wan u Yeroham, wan u Eliel, wan u Toa,

2 Kroniku 11:14

Gadia Mbalevi undu ajiir a ve a ilev yan toho her, man akaa a ve, ve va hen Yuda kua ken Yerusalem; gadia Yerobiam kua ônov nav ta ve kera, er ve̱ de kera eren TER tom u pristi ga;

Upasalmi 115:10

We, ya u Aron, suur sha TER; ka Un A lu iwasen ve, man perutya ve kpaa ye.

Upasalmi 99:6

Mose man Aron lu ken upristi Nav, Samuel kpaa lu ken mba ve yer sha iti Na yô, ve yila TER, Un kpaa A rumun ve.

Ekesodu 24:1

Tsô A kaa a Mose er: Unde va nen hen TER, we vea Aron man Nadabi man Abihu man mbatamen mba Iserael akunduatargber; gure nen ca je;

Ekesodu 24:9

Nahan Mose vea Aron man Nadabi man Abihu man mbatamen mba Iserael akunduatargber mbala ve unde,

Ekesodu 28:41

Yô, haa anngôu Aron ikav mbila iyol kua ônov nav kpaa a na imôngo; shighe ve mkurem, ver ve sha tom, tsegha ve, ve̱ eren Mo tom u Pristi.

Ekesodu 29:1

Kwagh u ú er ve, sha u tseghan ve, sha u ve̱ eren Mo tom u pristi yô: Kôr gumbua kua anomaiyôngo ahar, ve cii ve̱ de luun a ihogholough iyol ga,

Ekesodu 29:44

Me tsegha tenti u kohol ker la, kua atse a nanden nagh sha min la kpaa; Aron man ônov nav kpaa Me tsegha ve, ve̱ eren Mo tom u pristi.

Ekesodu 29:9

Kange ve atsar shin awenge, Aron a ônov nav; cir ve ader sha ityou; tom u pristi u̱ lu u ve sha tindi gbem sha won; kape ú ver Aron a ônov nav sha tom je la.

Ekesodu 30:30

Shi shighe Aron ma, a ônov nav kpaa, tsegha ve, ve̱ eren Mo tom u pristi.

Ekesodu 31:10

man akondo a i kor a tsembelee, uicighanmbaakondov mba pristi Aron, man akondo a ônov nav la, sha u eren tom u pristi a mi;

Ekesodu 35:19

man akondo a i kor a tsembelee a eren tom a mi ken icighanjiir yô, man uicighanmbaakondov sha ci u pristi Aron, kua akondo a ônov nav a eren tom u pristi a mi.

Ekesodu 6:23

Aron yô, er Elisheba wan u Aminadabi, anngô u Nashon, mar Nadabi man Abihu man Eleasar man Itamar a na.

Levitiku 10:1

Tsô Nadabi vea Abihu ônov mba Aron, ve tôô ugbande mba usuv, hanmô tôô u nan, nan wa usu shimi, shi nan wa kwaghhumandoon shimi, kpa nan va a usu ugen kposo sha ishigh ki TER, u A ne ve zwa sha u ga yô.

Levitiku 10:12

Tsô Mose ôr kwagh a Aron man a Eleasar man Itamar ônov nav mba ve shi her la, a kaa a ve er: Tôô nen nagh ku sha samuyia ku iniav mbi usuv mbi TER ku ku shi her la, ya nen ku hen kpeatsegh, kwa u̱ de lu shimi ga; gadia ka icighankwagh u hemban je;

Levitiku 7:35

Ungun ka kwar u Aron kua kwar u ônov nav ken iniav mbi TER mbi usuv je ne, sha iyange i A va a ve sha u ve̱ er tom u pristi sha ishigh ki TER la,

Levitiku 8:1

TER shi ôr kwagh a Mose kaa er:

Levitiku 8:2

Va a Aron kua ônov nav a na imôngo, man akondo la man mkurem ma shighen man nombua u nagh ku isholibo man anomaiyôngo ahar kua ikese i umasa mba i we kwa sha mi ga yô;

Numeri 18:7

Kpa we a ônov ou yô, eren nen tom u pristi u sha hanma kwagh u hen atse a nanden nagh sha mi man u ken atô u ikondo i yisan la; ka her né eren tom ye; M na ne tom u pristi gbilin; or u ken inya u nana kporom her yô, i̱ wua nan.

Numeri 2:4

Ikum na la, mba i ôr iyenge ve yô, lu ior dubu akunduatargber kar unyiin man deri ataratar.

Numeri 26:61

Nadabi man Abihu yô, ve kpe, zum u ve na nagh sha usu ugen kposo sha ishigh ki TER la.

Luka 1:8

Tsô zum u a lu ken tom na u pristi sha ishigh ki Aôndo sha shighe u nongo na la yô,

Duteronomi 10:6

(Tsô Mbaiserael hembe hen Beeroti Bene-Yakan yem hen Mosera; Aron maa kpe her, i ii un her; wan na Eleasar tema sha tom u pristi sha ityough nagh.

Duteronomi 18:5

Gadia TER, Aôndo wou, tsuwa un ken ikwe you cii, sha u a̱ tile a̱ eren tom ken iti i TER, un a ônov nav gbem sha won.

1 Samuel 2:28

Man ken ikwe i Iserael cii m tsuwa un Mer, a̱ hingir pristi Wam, a̱ unden sha atse Am a nanden nagh sha mi, a̱ nanden kwaghhumandoon, man a̱ haan efodi sha ishigh Yagh; shi M na ya u teru iniav mbi usuv mbi Mbaiserael cii.