Ekesodu 27:9 - ICIGHAN BIBILO

⁹ Man shi kase kwa, wa tembe u tabernakel atô; vegher u ken imbusutariyan ken ian i imbusutariyan la, akondo a kasen tembe a mi la, a̱ lu ikondo i pupuu i kôngor i sha mou u̱ sendan; iniembe i vegher u môm i̱ lu aseva deri;

Ekesodu 27:9 Iomraidhean Croise

1 Utor 6:36

A kase tembe u kimi sha kpekpe u i maa sha awen a kuan iniongo itiar, man nongo ugen sha ikpande i sedar.

1 Utor 8:64

Sha iyange la je, tor tsegha ijiir i ken atô u tembe u u lu sha ishigh ki iyou i TER la; gadia ka heregh je a na nagh ku nanden man nagh ku sha samuyia kua ahôm a iniav mbi bem; gadia atse a togula a a lu sha ishigh ki TER la, yina u tôôn nagh ku nanden man nagh ku sha samuyia kua ahôm a iniav mbi bem la.

2 Kroniku 33:5

Shi a ta atse a nanden nagh sha mi imôngo sha ci u akum a Sha cii, hen ityembe i iyou i TER ihiar la.

2 Kroniku 4:9

Man a shi a er tembe u upristi, man zegetembe u gbanger la, man ucivir sha ci u tembe, a cir ucivir mba i togula iyol.

Upasalmi 100:4

Nyôr nen hen ihinda Na a ishughun, man hen ityembe Na kpaa a iwuese. Sugh nen Un, wuese nen iti Na.

Upasalmi 116:19

ken ityembe i sha ishigh ki iyou i TER, hen atô wou, we Yerusalem. Haleluya.

Upasalmi 84:10

Gadia sev môm sha ityembe i sha ishigh ki iyou You yô, hemba dubu; hemba doon mo u ma m lu orkuranhunda ken iyou i Aôndo wam a u ma m lu ken utenti mba ifer la.

Upasalmi 92:13

I môôr ve ken iyou i TER, á kpe ve iyol ken ityembe i sha ishigh ki iyou i Aôndo wase.

Ekesodu 27:10

mtôm nam ma̱ lu ikundu, agbur a togula a ma kpaa a̱ lu ikundu; uiwever mba mtôm mara kua ahye a ma la, ve̱ lu mba azurfa.

Ekesodu 35:17

man akondo a kasen tembe la, man mtôm ma a kua agbur a ma, man ikondo i yisan hunda u tembe la;

Ekesodu 36:17

A er ahura a wever akunduahargber sha kur u ikondo i ken kpe, i ikondo i yisan i i zough i la, shi a er ahura a wever akunduahargber sha kur u ikondo i yisan i sha uhar i i zough a zua i la kpaa.

Ekesodu 39:40

man akondo a yisan a tembe man mtôm ma u, kua agbur a u man kwaghyisan hunda u tembe man ikor i u, kua amande a u man ikav mbi eren tom a mi ken tabernakel u tenti u kohol ker la cii,

Ekesodu 40:33

A kase kwa u tembe, a wa tabernakel kua atse atô; a har kwaghyisan u sha hunda u kungur. Kape Mose kure tom la la.

Ekesodu 40:8

Kase tembe kwa, ningir tser, har kwaghyisan u hunda u tembe la.

Esekiel 40:14

A er ambusu a ihinda kpaa, aseva akunduatar; tembe ar sha imbusuhunda, ningir hunda tser.

Esekiel 40:17

Tsô a va a mo hen tembe u ken won, man nenge, ayou lu her, man tembe u i wa u awen, ningir tser tembe la cii; ayou ikundugber lu sha tembe u i wa u awen la.

Esekiel 40:20

Hunda u tembe u ken won u u ver ishigh ki u ken imbusutarimese la, a kar ilihen i u man igbanger i u kpaa.

Esekiel 40:23

Hunda lu u nyôron hen tembe u ken atô, u ver ishigh sha hunda u ken imbusutarimese man lu er hunda u sha ityoughkitaregh nahan; a kar, hii hen hunda ungun zan zan za ar hen hunda ungula lu aseva akunduataan.

Esekiel 40:28

Tsô a nyôr a mo hen tembe u ken atô, sha hunda u ken vegher u imbusutariyan la; a kar hunda u ken vegher u imbusutariyan la, u lu ikaren môm;

Esekiel 40:32

A va a mo hen tembe u ken atô, vegher u sha ityoughkitaregh; a kar hunda, lu ikaren môm

Esekiel 40:44

Ken won u hunda u ker atô la, ayou lu ahar ken tembe u ker atô la, i môm lu hen kpe u hunda u ken imbusutarimese, i ver ishigh ken imbusutariyan; i môm gema lu hen kpe u hunda u imbusutariyan, i ver ishigh ken imbusutarimese.

Esekiel 42:3

Sha ishigh ki aseva ikundu a ken tembe u ken atô la, man sha ishigh ki tembe u i wa u sha awen u ken tembe u ken won la, galeri ver ishigh sha galeri ukpo utar.

Numeri 3:26

man akondo a kasen tembe a mi, man kwagh yisan hunda u tembe a mi u u we tabernakel man atse a nanden nagh sha mi atô la, man ikor na, akaa a sha tom na cii.

Numeri 4:26

man akondo a kasen tembe a mi man kwagh u yisan hunda u nyôron sha tembe la a mi u u kase tabernakel man atse a nanden nagh sha mi la, man ikor ve man ikav mbi tomov vev cii; akaa a eren sha mi cii, ve̱ eren a.

Numeri 4:32

man mtôm ma ma kasen tembe la, man agbur a ma, man amande a ma kua ikor i ma a ikav mbi tomov cii, man akaa a eren sha mi cii; tesen nen ve ikav mbi tomov sha ati ati, mbi vea tôôn yô.