Ekesodu 27:21 - ICIGHAN BIBILO

²¹ Ken tenti u kohol her la, ken won u ikondo i yisan i i lu sha ishigh ki Shiada la, Aron vea ônov nav ve̱ sôron i sha ishigh ki TER, i̱ yeghen aikighe zan zan sev mbu̱ aven a mi; i̱ hingir Mbaiserael tindi gbem sha ikov ikov.

Ekesodu 27:21 Iomraidhean Croise

Genese 1:5

Tsô Aôndo yila iwanger er atetan, man ime yô, A yila er tugh. Nahan hingir iyange i been man pepe, ka iyange i hiihii je la.

Genese 1:8

Tsô Aôndo yila kwavaôndo er Sha. Nahan hingir iyange i been man pepe, ka iyange i sha uhar je la.

2 Kroniku 13:11

Hanma iyange pepe man aikighe ve nanden TER iniav mbi nanden man kwaghhumandoon, ve veren ubredi mba sha tebul u wang, ve tsaren daarimenger u zenaria a amenger a na a zer yeghen aikighe gbem, gadia se mba we iko sha imo i TER, Aôndo wase; kpa ne yô, ne undu Un.

Upasalmi 134:1

Va wuese nen TER, ne mbayev mba TER cii, ne mba ne til ken iyou i TER tugh yô.

Ekesodu 12:14

Iyange ne, i̱ lu ne iyange i umbur, ver nen i, i̱ hingir iniongo i civir TER; yaan nen i sha ikov ikov, i̱ hingir ne tindi u eren nahan gbem sha won je.

Ekesodu 16:34

Er TER kaa Mose nahan, kape Aron ver un sha ishigh ki Shiada la, sha u kuran un her.

Ekesodu 25:16

Areki la yô, ú wa Shiada u Me na u la ker.

Ekesodu 28:43

Aron man ônov nav ve̱ huwan a shighe u vea nyôron ken tenti u kohol ker la, shin shighe u vea kporom hen atse sha u eren tom ken icighanjiir, sha u ve̱ de kpel ibo, ve̱ kpeen ga yô; i̱ lu un tindi u gbem kua tsombor na u ken ijime na.

Ekesodu 29:28

ve̱ hingir kwar u Aron kua ônov nav gbem je, u Mbaiserael vea naan ve yô, gadia ka nagh ku kenden sha je, ka nagh ku kenden sha, ku Mbaiserael ve̱ kenden ku sha, sha iniav vev mbi bem, ka nagh vegh ku kenden sha ku ve ne TER je la.

Ekesodu 29:42

I̱ hingir ne nagh ku nanden gbem sha ikov ikov hen hunda u tenti u kohol ker la, sha ishigh ki TER, henpe Me kohol ne sha u ôron kwagh a we her yô.

Ekesodu 29:44

Me tsegha tenti u kohol ker la, kua atse a nanden nagh sha min la kpaa; Aron man ônov nav kpaa Me tsegha ve, ve̱ eren Mo tom u pristi.

Ekesodu 30:21

Kape ve̱ ôôn ave kua angahar kpaa la, sha er vea kpe ga yô; i̱ hingir ve tindi u gbem je, un a tsombor na sha ikov ikov.

Ekesodu 30:36

Pande un, kume a̱ via, ver sha ishigh ki Shiada ken tenti u kohol ker la, hen ijiir i Me kohol a we la, a̱ hingir we icighankwagh u hemban cii.

Ekesodu 30:8

Zum u Aron una tsaren amenger aikighe yô, a̱ nande un, ka kwaghhumandoon u gbem sha ishigh ki TER sha ikov ikov je la.

Ekesodu 40:3

Ver areki u shiada ker, yisa areki la sha ikondo i yisan la.

Levitiku 10:9

Msôrom, shin ma kwaghman u taver yô, de me nen ga, we kua ônov ou kpaa, zum u nea nyôron ken tenti u kohol ker la, sha er né kpe ga yô; ka tindi u eren sha mi gbem sha ikov ikov;

Levitiku 16:34

I̱ hingir ne tindi u gbem sha won je, u nan iwom sha ci u Mbaiserael sha ci u asorabo a ve cii, hanma inyom kwa môm. Tsô a er er TER kaa Mose nahan.

Levitiku 17:7

Ve̱ de kera senge iniav vev ve̱ naan ujijingi mba bov mba ve lu dondon ve, ve eren idya la ga. I̱ hingir ve tindi u gbem sha won sha ikov ikov.

Levitiku 23:14

De ye nen bredi ga, shin iyiagh ki kaan a kaa kpaa ga, shin asagher a he kpaa ga, zan zan iyange la i̱ kar kuman, saa ne vande van a nagh ku Aôndo wen ve; ka tindi u gbem sha ikov ikov, ken a jiir a en a ne tem cii.

Levitiku 23:21

Sha iyange la je, i̱ yôô i̱ lu ne icighanmkohol, de eren nen ma tom u ican ga; ngun ka tindi u gbem sha ajiir a ne tem cii sha ikov ikov.

Levitiku 24:2

Kaa Mbaiserael ve̱ va na u mkurem ma olev ma kumen ma wang sha ci u tsaren, sha er i̱ tsar imenger i̱ yeghen gbem yô.

Levitiku 24:3

Aron a̱ sôron i ken won u ikondo i yisan i Shiada ken tenti u kohol ker la, i̱ yeghen her aikighe zan zan sev mbu av, sha ishigh ki TER gbem; i̱ lu tindi u gbem sha ikov ikov.

Levitiku 24:9

Ve̱ lu sha ci u Aron a ônov nav; ve̱ yaan ve ken icighanjiir, gadia ka un icighankwagh u hemban cii, ken iniav mbi usugh mbi nan TER, ka tindi u tsôron je.

Levitiku 3:17

Ka tindi u eren nahan gbem sha won sha ikov ikov ken uya enev cii: De ye nen ahôm man awambe mayange ga.

Levitiku 3:8

nana̱ penda uwegh sha nagh ku nan, nana̱ sôngo ku sha ishigh ki tenti u kohol ker la; ônov mba Aron ve̱ haa awambe a ku sha ambusuatsegh ve̱ ningir ve̱ tser.

Levitiku 6:15

A̱ ongo mwem ma kengese ma nagh ku sha samuyia ma i hee mkurem sha mi la, ikevwe poo, shi a̱ kura libano u human doon u a lu sha nagh ku sha samuyia la cii, a̱ nande sha atse, i̱ lu ihuma i doon; ka nagh ku umbur ku nan TER.

Levitiku 7:36

ka kwar u TER kaa er Mbaiserael ve̱ naan ve ne, sha iyange i A shighe ve mkurem la. Ka tindi u eren sha mi gbem je, sha ikov ikov.

Malaki 2:7

Gadia hemba doon u zwa u pristi ma u kor mfe man ior ma ve ker ityesen ken zwa na, gadia ka ortyom u TER u akum a Sha je.

Numeri 18:23

Kpa Mbalevi ve̱ eren tom u tenti u kohol ker, man shi ka ve vea tôôn ibo ve ye; ka tindi u gbem sha ikov ikov; ken Mbaiserael yô, vea zua a ma dyako ga.

Numeri 18:5

Eren nen tom u icighanjiir kua tom u atse a nanden nagh sha mi kpaa, sha er i̱ de kera shi yuwen a Mbaiserael ga yô.

Numeri 19:21

I̱ hingir ieren ve gbem; or u a mishi mngerem ma wanger kwagh a mi la, a̱ ôô akondo a na; hanma or u nana bende a mngerem ma wanger kwagh mi la yô, nana kera lu wang ga zan zan iyange ia kar been.

Numeri 35:29

Kwagh ne a̱ hingir ne tindi, eren nen nahan sha ikov ikov sha ajiir a en a ne tema cii.

Numeri 8:9

Va a Mbalevi hen hunda u tenti u kohol ker la; kohol ior i Mbaiserael cii;

Mateu 4:16

Nongoior u u tem ken ime yô, ve nenge a iwanger i vesen, man mba ve tem ken tar kua mure u kuugh yô, iwanger due ta sha a ve.

Luka 12:35

Ta nen akondo uya, amenger a en kpaa a̱ yeghen.

YOHANE 5:35

Un yô lu imenger i yeghen i mondon iwanger kpaa, man doo ne u ember iwanger na la anyangem kpeghee.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

2 Peteru 1:19

Se mba a kwaghôron u profeti u a til dông je. Doo u né wa iko sha mi er ka imenger i i wanger ken ijiir i wan ime nahan, zan zan sev mbu kar aven man ishan i sha use kpaa ia due ia kôndo sha ken asema a en yô.

Mpase U Yohane 2:1

Nger hen ortyom u nongo u Kristu u ken Efese wer: Un u A ker asan ataankarahar ken uwegh Nagh ku yanegh shi A lu zenden ker atô u udaarmbaamengerev mba zenaria mba utaankaruhar la, ngu ôron akaa ne nahan er:

1 Samuel 3:3

imenger i Aôndo lu a pir ga, Samuel yav hungul mnyam ken tempel u TER, u areki u Aôndo lu ker la.

1 Samuel 30:25

Tsô hii hen iyange la zan zan ken hemen á lu nahan; a ver kwagh ne, hingir tindi kua ieren i Iserael zan zan nyian.