Ekesodu 26:36 - ICIGHAN BIBILO

³⁶ Er ikondo i yisan hunda u tenti a mi, i kwel man i nyian dindee man i nyian bong man ikondo i pupuu i kôngor i sha mou u sendan, i̱ lu or u eren kwagh sha hwe nana̱ er ye.

Ekesodu 26:36 Iomraidhean Croise

2 Samuel 7:6

Gadia hii sha iyange i M due a ônov mba Iserael ken Igipiti la je zan zan nyian, M ngu a tema ken ma iyou ga, kpa ka ken tenti, ka ken tabernakel M lu zenden ye.

Upasalmi 78:60

A undu tabernakel u ken Shilo, tenti u A tim hen atô u ior la.

Ekesodu 26:31

Kor ikondo i yisan, sha ikondo i kwel man i nyian dindee man i nyian bong man i pupuu i kôngor, i sha mou u sendan, a ucerubi sha mi, i̱ lu or u fan eev nana̱ er ye.

Ekesodu 27:16

Sha hunda u tembe la, kwagh u yisan a̱ lu iniembe aseva ikundu, u i er un sha ikondo i kwel man i nyian dindee man i nyian bong man ikondo i pupuu i kôngor i sha mou u sendan, i̱ lu or u eren kwagh sha hwe nana̱ er ye; mtôm nam mnyiin, man agbur a ma kpaa anyiin.

Ekesodu 28:15

Man shi er ikpa i sha vanger i kuren kwagh, i̱ lu or u fan eev nana̱ er i ye; er i, i̱ lu injatom i môm a efodi; ka sha zenaria man ikondo i kwel, man i nyian dindee man i nyian bong man ikondo i pupuu i kôngor i sha mou u sendan ú er i ye.

Ekesodu 28:39

Man tume riga la sha hwe sha ikondo i pupuu i kôngor, man shi er atsar a sha ityou sha ikondo i pupuu i kôngor, shi er tsar u shin iwenge, i̱ lu or u nan fe u eren hwe sha kwagh nana̱ er ye.

Ekesodu 35:11

tabernakel man tenti na man ikondo i sanen un a mi, man uiwever nav, man mtôm nam ma ipeem, man itiran na, man mtôm nam, man agbur a na;

Ekesodu 35:15

man atse a nanden kwaghhumandoon sha mi a igbough mbi a, man mkurem ma shighen, man kwaghhumandoon u nanden nagh a mi, man ikondo i yisan hunda u tabernakel;

Ekesodu 36:37

Shi a er ikondo i yisan hunda u tenti, i kwel man i nyian dindee man i nyian bong man ikondo i pupuu i kôngor i sha mou u sendan, lu tom u orfan ikondo i tumen sha hwe;

Ekesodu 38:18

Kwaghyisan hunda u tembe lu tom u orfan u eren hwe sha akaa, lu ikondo i kwel man i nyian dindee man i nyian bong man ikondo i pupuu i kôngor i sha mou u sendan; iniembe na lu aseva ikundu, ityaven na, ka igbangese i ikondo je la, lu aseva ataan, vough er akondo a i kasen tembe mi la nahan.

Ekesodu 39:29

man tsar u shin iwenge u sha ikondo i pupuu i kôngor i sha mou u sendan man ikondo i kwel man i nyian dindee man i nyian bong, lu tom u or u tumen akondo sha hwe; er TER kaa Mose nahan.

Ekesodu 39:33

Tsô ve va na Mose tabernakel la, tenti kua ikav nav cii, uiwever nav man mtôm nam ma ipeem man itiran na man mtôm nam man agbur a na;

Ekesodu 40:5

Ver atse a zenaria a nanden kwaghhumandoon sha mi la, sha ishigh ki areki u shiada, har kwaghyisan sha hunda u tabernakel la.

Esekiel 16:10

M cir u ikondo i hwe iyol, M wa u akôvangahar a sha ikôvough ki ayu man M zer u ikondo i lugh lugh man M haa u ikondo i shiliti iyol.

Numeri 3:25

Tom u i ver Mbagershon ken tenti u kohol ker la yô, lu u nengen sha tabernakel man tenti a kwagh u cirin sha mi, man kwagh u yisan hunda u tenti u kohol ker la a mi,

Numeri 9:15

Iyange i i tim tabernakel la, ibeenegh sen cir tabernakel, ka tenti u shiada je la; iyange ia been yô, ki lu sha tabernakel er ka usu nahan zan zan sev mbu kar aven.

YOHANE 10:9

Mo M ngu hunda; aluer anti or nana nyôr her a Mo yô, á yima nan; nana nyôron, nana duen nana zuan a ijiir i yan toho.

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.