Ekesodu 26:1 - ICIGHAN BIBILO

¹ Man shi er tabernakel la sha akondo a yisan pue; sha ikondo i pupuu i kôngor i sha mou u sendan man i kwel man i̱ nyian dindee man i nyian bong a ucerubi sha mi, i̱ lu or u fan eev nana̱ er ye.

Ekesodu 26:1 Iomraidhean Croise

2 Samuel 7:2

tor kaa a profeti Natan er: Nenge, mo m tema ken iyou i ikon i sedar, kpa areki u Aôndo yô, gema ngu tsan ken tenti tsô.

1 Utor 6:29

Ukpekpe mba iyou la cii, a er eev sha mi, a nger ucerubi man avile man uimondon mba ikonov sha mi, kpar u kimi kua u ken won la kpaa.

1 Kroniku 17:1

Tsô er Davidi tema ken iyou na yô, Davidi kaa a profeti Natan er: Nenge, mo m ngu teman ken iyou i ikon i sedar, kpa areki u ikuryan u TER yô, gema ngu ken tenti.

1 Kroniku 21:29

Gadia tabernakel u TER u Mose er ken toho la, man atse a nagh ku nanden lu sha igungu u hen Gibeon hen shighe la.

Ekesodu 25:18

Shi er ucerubi uhar sha zenaria; var ve a var sha akur ahar a ijiir i nan iwom her la.

Ekesodu 25:4

man ikondo i kwel man i nyian dindee man i nyian bong man ikondo i pupuu i kôngor man aive a ivo

Ekesodu 25:8

Shi ve̱ erem icighanjiir sha er Me tema ve her atô yô.

Ekesodu 26:2

Iniembe i hanma ikondo i yisan i̱ lu aseva ikundu kar anigheni, igbangese i hanma ikondo i yisan i̱ lu aseva anyiin; akondo a yisan la cii, a̱ lu vough vough.

Ekesodu 26:31

Kor ikondo i yisan, sha ikondo i kwel man i nyian dindee man i nyian bong man i pupuu i kôngor, i sha mou u sendan, a ucerubi sha mi, i̱ lu or u fan eev nana̱ er ye.

Ekesodu 26:36

Er ikondo i yisan hunda u tenti a mi, i kwel man i nyian dindee man i nyian bong man ikondo i pupuu i kôngor i sha mou u sendan, i̱ lu or u eren kwagh sha hwe nana̱ er ye.

Ekesodu 31:7

ka tenti u kohol ker la, man areki u shiada man ijiir i nan iwom, i i lu sha mi la, man ikav mbi tabernakel cii,

Ekesodu 35:11

tabernakel man tenti na man ikondo i sanen un a mi, man uiwever nav, man mtôm nam ma ipeem, man itiran na, man mtôm nam, man agbur a na;

Ekesodu 35:35

Ka ve, A iv ve a kwaghfan ken ishima u vea er hanma injatom, u gban akaa man u eren tom u sha uee, man u eren tom u hweegh sha akondo a kwel man a nyian dindee man a nyian bong man sha ikondo i pupuu i kôngor, man u tumen akondo; ka mba ve eren hanma injatom, man mbadughun mbamfe sha uee.

Ekesodu 35:6

man ikondo i kwel man i nyian dindee man i nyian bong man ikondo i pupuu i kôngor man aive a ivo

Ekesodu 36:35

Shi a er ikondo i yisan i kwel man i nyian dindee man i nyian bong man ikondo i pupuu i kôngor i sha mou u sendan a ucerubi sha mi; lu tom u orfaneev je.

Ekesodu 39:3

Ve var zenaria hingir par par, ve ov un hingir kor u iyôô, sha u eren tom a mi sha ikondo i kwel man i nyian dindee man i nyian bong kua sha ikondo i pupuu i kôngor; lu tom u orfaneev je.

Ekesodu 40:2

Sha iyange i hiihii i uwer u hiihii la ú tim tabernakel u tenti u kohol ker la.

Numeri 3:25

Tom u i ver Mbagershon ken tenti u kohol ker la yô, lu u nengen sha tabernakel man tenti a kwagh u cirin sha mi, man kwagh u yisan hunda u tenti u kohol ker la a mi,

Numeri 4:25

Ve̱ tôôn akondo a tabernakel man tenti u kohol ker la man kwagh u cirin un a mi, man kwaghcirin mi u i er sha akôv a ayu yô, u a masen sha la, man kwagh u yisan hunda u tenti u kohol ker la a mi;

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 2:21

Kpa Un yô, lu ôron kwagh u tempel u iyol Na la.

Mbaheberu 8:2

Ngu eren tom ken icighanjiir ken tabernakel u mimi la, u Ter A ver un, i kera lu or ga la.

Mbaheberu 9:2

Gadia i sôr tabernakel u sha hunda hunda la, i yila un er Icighanjiir. Daarimenger lu ker, man shi tebul a ubredi mba sha ishi.

Mbaheberu 9:9

Kwagh ne lu tesen ikav sha shighe ne, ve lu van a uiwua man iniav mbi ve fetyô u geman imo i ken ishima i or u civir Aôndo la hingir vough ga yô.

Mpase U Yohane 19:8

I rumun un er a̱ wuha iyol sha akondo a pupuu a dedoo a engem ashe man a wang kpaa— gadia akondo a pupuu a dedoo la yô, ka aeren a perapera a uicighanmbaiorov.

Mpase U Yohane 21:3

Shi m ungwa zegeimo due ken ikônough ki torough kila kaa er: Nenge, tenti u Aôndo ngu hen ior, Una tema a ve, vea lu nongoior Na, Aôndo iyol Na Una lu a ve.