Ekesodu 24:3 - ICIGHAN BIBILO

³ Tsô Mose va ôr ior akaaôron a TER cii, kua akaaôron a jirigh cii; ior cii rumun zwa môm, er: Akaaôron a TER A kaa cii, sé er sha mi.

Ekesodu 24:3 Iomraidhean Croise

2 Kroniku 15:14

Ve bum a TER sha imo i taver man a iember sha ibusa man ikor i tôngon.

2 Kroniku 15:15

Yuda cii ember sha ci mbum la; gadia ve bum a ishima ve i môm je, shi ve ker Un sha gbashima kpaa, nahan ve zua a Na; TER kpaa na ve mmem hen ningir la cii.

Upasalmi 50:5

Kohol mba i doom a ve la imôngo her a Mo, ka mba ve ye ikur a Mo sha nagh ku sôngon je la.

Ekesodu 19:8

Ior cii kaa zwa môm er: Akaa a TER A kaa cii, sé er. Tsô Mose hide za ôr TER akaaôron a ior la.

Ekesodu 24:2

ka Mose tsegh a̱ kporom a TER ikua ikua ye; kpa ve yô, ve̱ de ve ikua ikua ga; ior kpaa ve̱ de undu a na imôngo ga.

Ekesodu 24:7

A tôô Ruamabera u ikuryan la, a ôr, ior ungwa dedoo; ve kaa er: Akaa a TER A kaa la cii, sé er, shi sé waan a iko kpaa.

Yeremia 11:4

a M ôr uter enev sha iyange i M due a ve ken tar u Igipiti, shin adum u soughon iyôgh la, M kaa Mer: Ungwa nen imo Yam, er nen er M we ne kwagh nahan cii; ka nahan man né hingir ior Av ye, Mo kpaa Me lu Aôndo wen;

Yeremia 34:13

TER, Aôndo u Iserael, ngu kaan nahan er: Mo M ya ikur a uter enev sha iyange i M due a ve ken tar u Igipiti, ken ya u ikpan la, M kaa Mer:

Hagai 2:5

sha kwagh u ikur i M ya a ven, zum u ne due ken Igipiti la, man nenge jijingi Wam ngu a ven; de cie nen ga.

Malaki 2:10

Kera ka ter môm se cii se lu a mi gaa? Ka Aôndo môm tsô A gbe se gaa? Yô, ka nyi se kera lu a mimi hen ayol a ase ga, man se hôngor a ikuryan i uter aseva?

Duteronomi 11:1

Nahan yô, TER, Aôndo wou, A̱ doo u ishima, waan kwagh u A we u la iko gbem kua akaawan a Na man akaaôron a jirigh a Na man atindi a Na kpaa.

Duteronomi 4:1

Hegen yô, we Iserael, ungwa akaawan man atindi a m lu tesen ne mer, eren nen sha mi, sha er né lu uma né nyôr né ngohol tar u TER, Aôndo u uter enev, A lu nan ne la yô.

Duteronomi 4:45

Ka mbampase man akaawan man atindi a Mose ôr Mbaiserael zum u ve due ken tar u Igipiti la,

Duteronomi 4:5

Nenge, m tese ne akaawan man atindi, er TER, Aôndo wam, A kaam yô, sha u né za eren sha a, ken tar u né lu zan sha u za ngohol u la.

Duteronomi 5:1

Tsô Mose yila Mbaiserael cii, a kaa a ve er: Ne Mbaiserael ungwa nen akaawan man atindi a me ôr ne a sha ato a en nyian ne, sha er ne henen a, man ne waan iko u eren sha mi kpaa yô,

Duteronomi 5:31

Kpa we yô, tile a Mo heen, Mo Me ôr u atindi cii man akaawan kua akaaôron a jirigh a ú za tese ve sha u ve̱ eren sha a ken tar u M lu nan ve Mer ve̱ ngohol u la.

Duteronomi 6:1

Ka tindi man akaawan kua akaaôron a jirigh a TER, Aôndo wen, A kaa, er i̱ tese ne a, sha er né za eren sha a ken tar u né per, né za ngohol u la yô;

Yosua 24:21

Tsô ior kaa a Yosua er: Sé er nahan ga, ka TER sé civir ye.

Yosua 24:22

Tsô Yosua kaa a ior er: Ne mba pasen ayol a en je ner, ne tsuwa TER né civir Un. Ve kaa er: Se mba pasen nahan.

Yosua 24:24

Tsô ior kaa a Yosua er: Ka TER, Aôndo wase, sé civir un ye, ka imo Na kpaa sé ver ato sha mi ye.