Ekesodu 24:18 - ICIGHAN BIBILO

¹⁸ Tsô Mose nyôr ken atô u ibeenegh kila, gba unden sha uwo. Mose tsa sha uwo ayange akunduahar man aime akunduahar.

Ekesodu 24:18 Iomraidhean Croise

1 Utor 19:11

Tsô A kaa a na er: Due, tile sha uwo ne sha ishigh ki TER. Tsô nenge, TER va kar, zegeahumbe u taver za va, a pav uwo, hembe avande sha ishigh ki TER; kpa TER lu ken ahumbe ga; ahumbe la nga kar kera yô, tar tenger; kpa TER lu ken tartenger la ga;

1 Utor 19:8

Tsô a mough, a ya, a ma; man sha agee a kwaghyan la je, a zende ayange akunduahar kua aime akunduahar, zan zan a za ar hen Horebi, uwo u Aôndo la.

Ekesodu 19:20

TER sen sha uwo u Senai, sha ityough ki uwoogh la; tsô TER yila Mose er, a̱ unde sha ityough ki uwoogh kila; nahan Mose unde.

Ekesodu 24:17

M-ande u iengem i TER lu er usu u yeghen nahan sha ityough ki uwoogh sha ashe a Mbaiserael.

Ekesodu 25:1

Tsô TER ôr kwagh a Mose, A kaa er:

Ekesodu 32:1

Zum u ior nenge er Mose tsa sha uwo, kera hungwa ga yum yô, ior va kohol hen Aron, ve kaa a na er: Mough, er se mbaaôndo mba vea hemen se yô; gadia Mose or u a dugh a vese ken tar u Igipiti ne yô, se fa kwagh u a za er un ga.

Ekesodu 34:28

A lu her, a TER imôngo ayange akunduahar man aime akunduahar; a ya kwagh ga, mngerem tsô kpaa, a ma ga. Nahan a nger akaaôron a ikuryan la sha ikpande, ka Akaaôron a pue je la.

Ekesodu 9:29

Mose kaa a na er: Me due a due ken akôngo a gar tsô me kende ave am sha TER; mbamdor vea huan, awombo kpaa aa kera haa ga, sha er u̱ fa er tar u lu u TER yô.

Ekesodu 9:33

Tsô Mose mough hen Farao due ken akôngo a gar, a kende ave na sha, sha TER; nahan mbamdor kua awombo de, ura kpaa kera nôô shin inya ga.

Anzaakaa 28:1

Mbaaferev ka ve gba yevese tsô, ma or kpaa nan zendan ve ityô ga, kpa mbaperapera yô, ka ve lu a ishima i tiaver er begha nahan.

Mateu 4:2

Er A hôr kwaghyan ayange akunduahar man aime akunduahar yô, ken masejime ijen kôr Un.

Marku 1:13

A lu ken taaikôngo ayange akunduahar, Satan lu meen Un; lu a inyam i toho imôngo; mbatyomov mba Shaav lu wasen Un.

Luka 4:2

tsa keregh ayange akunduahar, diabolo lu meen Un; sha ayange la cii ya kwagh ga. Ayange la nga kar kera yô, ijen kôr Un.

Duteronomi 10:10

Tsô m tsa sha uwo la er tsuaa la nahan, ayange akunduahar man aime akunduahar; hen shighe la kpaa TER shi ungwam; kera sar TER u timin we ga.

Duteronomi 5:31

Kpa we yô, tile a Mo heen, Mo Me ôr u atindi cii man akaawan kua akaaôron a jirigh a ú za tese ve sha u ve̱ eren sha a ken tar u M lu nan ve Mer ve̱ ngohol u la.

Duteronomi 9:18

M shi m gba inya sha ishigh ki TER, er tsuaa la nahan, ayange akunduahar man aime akunduahar; m ya kwagh ga, mngerem kpaa m ma ga, sha ci u isholibo yen i ne er cii yô, er ne er ifer sha ishigh ki TER ne bam Un yô.

Duteronomi 9:25

Tsô m gba inya sha ishigh ki TER, ayange akunduahar man aime akunduahar shon a m gba inya la, sha ci u TER lu kaan er Una tim ne yô.

Duteronomi 9:9

Zum u m unde sha uwo sha u za ngohol ikpande i ikuryan i TER ya a ven la, shighe la m tsa sha uwo ayange akunduahar man aime akunduahar; m ya kwagh ga, mngerem kpaa m ma ga.